2 Tawarika 6:6 - Wunta Mempori

⁶ Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

2 Tawarika 6:6 ပူးပေါင်းရင်းမြစ်များ

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

1 Tawarika 17:5

Nahi Kuhori mo'ia a laro raha tumampu'u Kutaate ira to Isaraeli mpeluarako hawe oleo andio, sine Ongkue melimba-limba inso a ngkema lumako a ngkema susua, ka inso a mpo'ianga aasa lumako a mpo'ianga susua.

1 Tawarika 17:7

Onaemo pu'uno, asalakono ka upauo kanandio ndi tetenaa-Ku i Daudi, kanandiomo pau-Do Ueno luwuakoano: Ongkuemo anu umalako inso a mpada pompakambia, tempono da upompakambi asa bawaa bembe bimba, gagi petewawado bawaa-Ku Isaraeli.

1 Tawarika 28:4

Sine Ondae i Ue, Ue Alado to Isaraeli, Dobiniki akumo inso i olodo luwuno pe'etuku gagi mokoledo to Isaraeli ranta nahina tampulaano. Hangano Dobinikiomo i Yehuda gagi petewawa ka pe'etuku inso i olodo suku Yehuda ka inso i olodo luwuno anado amaku Dopemoikoo kupinotoro gagi mokole a luwuno Isaraeli.

2 Tawarika 12:13

Mokole Rehabea mokorosoo koroino ka moparenta i Yerusale. Tinuwuno i Rehabea pato pulu ka asa nta'u tempono igagi mokole, ka i larono hopulu ka opitu nta'u ipoparenta i Yerusale, kota anu bininiki-Do i Ue inso i olono luwuno suku Isaraeli ka ipo'ia nee-Do i ra'ai. Neeno ineno i Na'ama, asa beine Amoni.

2 Tawarika 20:8

Ka do'amba mpo'iangario wita atuu, ka mpowangua-Komiu po'ianga mempori a nee-Miu. Dompotae:

2 Tawarika 30:8

Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

2 Tawarika 33:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Nee-Ku ta mo'ia i Yerusale ranta nahina tampulaano!”

2 Tawarika 6:20

Po'ineeomo kai tewile mata-Miu a raha andio, meene ka woongi, a mpo'ianga anu pinau-Miu ta gagi po'iangano nee-Miu, kai rongeo pekakai anu winuatakono tetenaa-Miu a mpo'ianga andio.

2 Tawarika 6:5

’Tampu'uno Kuwawa ira bawaa-Ku Isaraeli mpeluarako inso i Masiri, nahi Kupobiniki kota hapamo koa inso i olono luwuno suku Isaraeli anu mowangu raha i ra'ai, sine Kubinikiomo i Daudi gagi pabawai ira bawaa-Ku Isaraeli.

2 Tawarika 7:16

Kanandio-andio Kubinikiomo ka mokomemporio raha andio, ka ipo'ia nee-Ku i ra'ai ranta nahina tampulaano. Mata-Ku ka aroa-Ku ta kongko i tu'ai ranta ntinuwu.

Esera 7:16

saru luwuno salaka ka wulaa anu komohawe inso a luwuno poropinsi Babeli, ka mbo'u pesomba a moleono aroado palili ka luwuno sando mpesomba, tiano Raha-Do Ue Alado i Yerusale.

Po'unde-unde 122:2

Kanandio-andio karumami mpentade a mpewowa langkaimu, hei Yerusale,

Po'unde-unde 132:13

Hangano Dobinikiomo i Ue Sioni, inehe-Do gagi po'ianga-Do,

Po'unde-unde 48:1

Penani. Penani po'unde-undedo inuleno i Kora.

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Yesaya 14:32

Sangki hapake anu ira mewineeako a mia mentinenado tongku atuu? ”Doponaakonomo i Ue empehino Sioni, ka i ra'aimo mia memarasai inso a bawaa-Ku dompohawe pekaduduia.”

Sakaria 2:12

Ondae i Ue Ira umalao me'ueo Yehuda a wita anu mempori, ka Ira wali binikio Yerusale.

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”