2 Tawarika 6:5 - Wunta Mempori

⁵ ’Tampu'uno Kuwawa ira bawaa-Ku Isaraeli mpeluarako inso i Masiri, nahi Kupobiniki kota hapamo koa inso i olono luwuno suku Isaraeli anu mowangu raha i ra'ai, sine Kubinikiomo i Daudi gagi pabawai ira bawaa-Ku Isaraeli.

2 Tawarika 6:5 ပူးပေါင်းရင်းမြစ်များ

1 Mokole 8:16

Mompu'u Kuwawa ira bawaa-Ku Isaraeli mpeluarako inso i wita Masiri, nahi Kupobiniki maupo kota hapa inso i olono luwuno suku Isaraeli kai winangu asa raha kai po'ia nee-Ku i ra'ai, sine Kubinikiomo i Daudi kai pabawai ira bawaa-Ku Isaraeli.”

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

1 Tawarika 17:5

Nahi Kuhori mo'ia a laro raha tumampu'u Kutaate ira to Isaraeli mpeluarako hawe oleo andio, sine Ongkue melimba-limba inso a ngkema lumako a ngkema susua, ka inso a mpo'ianga aasa lumako a mpo'ianga susua.

2 Tawarika 12:13

Mokole Rehabea mokorosoo koroino ka moparenta i Yerusale. Tinuwuno i Rehabea pato pulu ka asa nta'u tempono igagi mokole, ka i larono hopulu ka opitu nta'u ipoparenta i Yerusale, kota anu bininiki-Do i Ue inso i olono luwuno suku Isaraeli ka ipo'ia nee-Do i ra'ai. Neeno ineno i Na'ama, asa beine Amoni.

2 Tawarika 20:8

Ka do'amba mpo'iangario wita atuu, ka mpowangua-Komiu po'ianga mempori a nee-Miu. Dompotae:

2 Tawarika 20:9

Tewala aasa masolaa umalu kami, onaemo ponai, pohuku, haki lele ke mokoninggoa, kami mpentade i arono raha andio, i aro-Miu, hangano nee-Miu mo'ia i larono raha andio. Kami mpebooli ndi Omiu a laro masukaraamami, ranta ka Irongeo ka kumadudui kami.

2 Tawarika 30:8

Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

2 Tawarika 33:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Nee-Ku ta mo'ia i Yerusale ranta nahina tampulaano!”

2 Tawarika 33:7

Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Tawarika 6:20

Po'ineeomo kai tewile mata-Miu a raha andio, meene ka woongi, a mpo'ianga anu pinau-Miu ta gagi po'iangano nee-Miu, kai rongeo pekakai anu winuatakono tetenaa-Miu a mpo'ianga andio.

2 Tawarika 6:4

Ipotae, ”Unde-unde Iramo i Ue, Ue Alano i Isaraeli, anu Doweweuakonomo kae-Do pau anu Dopohaweakono nganga-Do ndi Daudi, amaku, kanandio:

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

2 Tawarika 7:16

Kanandio-andio Kubinikiomo ka mokomemporio raha andio, ka ipo'ia nee-Ku i ra'ai ranta nahina tampulaano. Mata-Ku ka aroa-Ku ta kongko i tu'ai ranta ntinuwu.

Esera 7:16

saru luwuno salaka ka wulaa anu komohawe inso a luwuno poropinsi Babeli, ka mbo'u pesomba a moleono aroado palili ka luwuno sando mpesomba, tiano Raha-Do Ue Alado i Yerusale.

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Peluarakoa 23:21

Impepenteeo, imerongeo pinauno. Si me'ewaio, nde nahi ta umoninio halamiu, hangano nee-Ku kongko ndi onae.

Danieli 9:19

Oo Ue, Irongeomo! Oo Ue, I'oniniomo halamami! Oo Ue, Ipensiroiomo ka Ipokogagiomo, siimo Ipotuluo, me'empehiako Omiu, oo Ue Alaku, hangano kota-Miu ka bawaa-Miu pinauako nee-Miu!”

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

1 Samueli 10:24

Ipotaeako ira i Semueli luwuno tongku atuu. ”Imengkitaomo mia anu bininiki-Do i Ue atuu? Nahina kana onae a luwuno tongku andio.” Mpebooli iramo tongku atuu, ”Hio! Tuwu mokole.”

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”