2 Tawarika 6:14 - Wunta Mempori

¹⁴ ka ipotae, ”Oo Ue, Ue Alano i Isaraeli! Nahina Ue Ala kana Omiu, moiko i langi maupo i tolino. Omiu anu mekariao pedandia ka petenunu mompehohawa a luwuno tetenaa-Miu anu tuwu tompaano aroano i aro-Miu.

2 Tawarika 6:14 ပူးပေါင်းရင်းမြစ်များ

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 33:20

Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”

Tegagia 35:10

Pau-Do Ue Ala ndi onae, ”Neemu i Yako. Neemu nahi ta pinau mbo'u i Yako, tendeano i Isaraeli ta gagi neemu.” Kanandiomo Ondae Ue Ala numeeakono i Isaraeli.

Tegagia 5:24

Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.

2 Samueli 7:22

Nde langkai Komiu, oo Ue Ala. Nahina kana Omiu ka nahina Ue Ala susua sangkadio Omiu montonda luwuno anu kimerongeakono birimami.

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

1 Mokole 6:12

”Mongkona raha anu kontongaamu wanguo andio, tewala tuwuko menunu saru luwuno pompakosi-Ku ka metenunu weweuo luwuno atora-Ku saru mekariao luwuno parenta-Ku saru molempao, Aku umihiio dandi-Ku ndi omue anu Kupauomo ndi Daudi, amamu,

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

2 Tawarika 20:6

ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

2 Tawarika 6:17

Kanandio-andio, oo Ue, Ue Alado to Isaraeli, po'ineeomo ka igagi mengkaa dandi anu umariomo Ipauo ndi tetenaa-Miu i Daudi.

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Po'unde-unde 86:8

Nahina kana Omiu i olono luwuno pinesombai, oo Ue, ka nahina kana hapa anu wineweu-Miu.

Po'unde-unde 89:28

Aku tumandeo mbo'u gagi ana aka, gagi anu tedoa mantande i olodo luwuno mokole ntolino.

Po'unde-unde 89:6

Po'ineeomo langi ka ipaleleo luwuno pabawa-Miu, oo Ue, ka petenunu-Miu a laro tepumpuado anu mempori.

Po'unde-unde 89:8

Ondae Ue Ala atuu mongkokongiri i olodo anu mempori, maramba ka mongkokodoito lumaloio luwuno anu kongko a mpehori-hori-Do.

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 3:15

Umarino atuu mepau Ira Ue Ala ndi Musa, ”Kanandio pauako ira to Isaraeli: Ondae i Ue, Ue Alado uempu'umiu, Ue Alado i Burahima, i Saki ka i Yako, tumena aku aiwa ndi omiu: onaemo nee-Ku ranta nahina tampulaano ka kanatuumo nee-Ku ranta mapa'api-api inulemiu.

Peluarakoa 8:6

Ka i'amba i Haruni weroo kaeno a luwuno uwoi i wita Masiri, mpe'umbaako iramo tumpa, mentutuwio wita Masiri.

Yeremia 10:16

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo suku pine'ue-Do; Ueno luwuakoano, onaemo nee-Do!

Yeremia 10:6

Nahina kana Omiu, oo Ue! Omiu tedoa langkai ka langkai nee-Miu hangano tedoa moroso.

Danieli 9:4

Ku'emao ndi Ondae Ue Alaku, ka mangakuakono halaku, kanandio, ”Oo Ue, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

I LUKASI 1:50

Ka pompehohawa-Do mapa'api-api inule a mia anu doitoako Ira.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I LUKASI 1:72

ka Dopopokitao pompehohawa-Do a uempu'uto ka rumambeo pedandia-Do anu mempori,

Winali 3:24

”Oo, Ue Ala, Mompu'uomo Ipopokitaakono tetenaa-Miu andio langkaino pabawa-Miu ka kae-Miu anu moroso. Hangano, ue ala isemake i langi ka i tolino, anu polio moweweu wineweu mongkokongiri kana Omiu?

Winali 4:39

Onaemo pu'uno imento'oriomo a oleo andio ka impekokoongakono, nine Ondaemo i Ue, Ue Ala anu i langi i wawono ka i tolino i totono, nahina anu susua.

Winali 7:9

Onaemo pu'uno asalakono kai mento'orio, nine Ondae i Ue, Ue Alamiu, Ondaemo Ue Ala, Ue Ala anu metenunu, anu me'ini a mpedandia ka pompehohawa a mia anu mehohawa Ira ka uminio parenta-Do, hawe asa nsowu inule.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.