2 Tawarika 5:2 - Wunta Mempori

² I tempo atuu i Salomo tumena ira luwuno mia memota'u i Isaraeli ka luwuno petewawa suku, luwuno petewawa pepe'etuado to Isaraeli mpepumpu i Yerusale ka domewawao Burua pedandia-Do i Ue inso i kota Daudi, onaemo Sioni.

2 Tawarika 5:2 ပူးပေါင်းရင်းမြစ်များ

2 Samueli 5:7

Sine i Daudi mongko'alao bente pekorahakoa Sioni, onaemo kota Daudi kanandio-andio.

2 Samueli 6:12

Domempauakonomo i Mokole Daudi, kanandio, ”Ondae i Ue rumonsoo somborino i Obe-Edomi ka luwuno anuno hangano Burua-Do Ue Ala.” Ka i'amba mawongko aroano i Daudi lumako umalao Burua-Do Ue Ala inso a rahano i Obe-Edomi wawao i kota Daudi.

1 Tawarika 15:1

I Daudi wangu ira raha langkai tiano koroino i kota Daudi. Ka i'amba mompatinda po'iangano Burua-Do Ue Ala ka mompasaakono kema.

1 Tawarika 15:12

Ipotaeako ira, ”Omiumo petewawa a mpepe'etuado to Lewi. Impokomemporiomo koroimiu, omiu ka luwuno pepaekompomiu, kai mentandeo Burua-Do i Ue, Ue Alado to Isaraeli a mpo'ianga anu kupatindaomo atuu.

1 Tawarika 15:25

Ka i'amba i Daudi ka luwuno mia memota'u Isaraeli saru luwuno petewawa sorodadu asa nsowu memawongko ira melako me'alao Burua Pedandia-Do i Ue inso a rahano i Obe-Edomi.

1 Tawarika 15:3

Ka i'amba i Daudi pumpu ira luwu to Isaraeli melako i Yerusale mentandeo Burua-Do i Ue a mpo'ianga anu ipatindaakonomo atuu.

1 Tawarika 16:1

Burua-Do Ue Ala atuu winawa mewinso, ka i'amba ninaa i tonga-tongano kema anu pinasano i Daudi tiano atuu. Ka do'amba mpopesombaako pesomba tinunu ka pesomba tekaduduia i aro-Do Ue Ala.

1 Tawarika 24:31

Mengkena kana luwuno pepaekompodo onaemo inuleno i Haruni, ondae koa mbo'u andio mpontende undi i arodo mokole Daudi, i Sadoki, i Ahimele ka i arodo luwuno petewawado anu pepe'etu, luwuno sando mpesomba ka to Lewi. Asa mia petewawado mpepe'etu, domentuduo mengkena saru pepaekompodo anu lalu kodei.

1 Tawarika 24:6

I Semaya anano i Netane'eli, puu mpoburi a mpoparentaa, to Lewi moburi needo i arodo mokole, luwuno anu langkai potorono, sando mpesomba Sadoki, i Ahimele anano i Abiata ka i arodo luwuno petewawa pepe'etuado sando mpesomba ka to Lewi; asa undi inala tiano pepe'etua inso ndi Eleasari, asa mbo'u tiano pepe'etuano i Itamari.

1 Tawarika 26:26

I Selomiti ka pe'etuno medagaio ponaapa luwuno sangka mempori anu dopokomemporiomo mokole Daudi, luwuno petewawado anu mpepe'etu, petewawa sorodadu asa nsowu ka sorodadu asa etu, saru luwuno tadulako.

1 Tawarika 28:1

I Daudi pumpu ira luwu anu langkai potorodo a nto Isaraeli i Yerusale, onaemo luwuno petewawa suku, luwuno petewawa bawaano luwuno mia anu mpekakaako ira mokole, luwuno petewawa sorodadu asa nsowu ka petewawa sorodadu asa etu, luwuno mbo'u puu mpo'atora arataa saru pinotuwudo mokole ka luwuno anado; saru mbo'u luwuno pegawai langkanae, luwuno sorodadu anu langkai potorono ka luwuno puu mpetea anu moroso ka mosia.

2 Tawarika 1:4

Sine, i Daudi i ndi'ipua wawao Burua-Do Ue Ala inso i Kiriati-Yearimi a mpo'ianga anu ipatindaakono Burua atuu, hangano ipasaomo kema po'iangano Burua atuu i Yerusale.

2 Tawarika 5:1

Umariomo luwuno anggaa anu wineweuno i Salomo tiano raha-Do i Ue. Ka i'amba i Salomo winsoo luwuno sangka memporino i Daudi, amano, ka numaao salaka, wulaa ka luwuno parewa atuu inaao a laro mponaapa arataano raha-Do Ue Ala.

2 Tawarika 5:12

Luwuno puu mpenani to Lewi, onaemo i Asapi, i Hemani, i Yedutuni saru luwuno nana'ote ka luwuno pepaekompono, luwuno mpentade i sabaano oleo meda pontunua pesomba, mpesangka lena alusu ka saru simbali, gambusu ka katapi, meronga asa etu ka rua pulu sando mpesomba puu pompuuri napiri.

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 87:2

Dokekewoiopo i Ue luwuno pewowa langkaino Sioni sekonopo luwuno po'iangano i Yako.

Imama 9:5

Ka do'amba mewawao hapa anu iparentaako ira i Musa a Kema Tepotowoa. Luwuno bawaa atuu mperangkuhi ira ka mpentade i aro-Do i Ue.

Podoaa 10:33

Ka i'amba mpelungka iramo inso a ntorukuno-Do i Ue ka mpelempa otolu oleo olaino pelempaa, sekono Burua pedandia-Do i Ue melungka i arodo ka mpelempaa otolu oleo olaino pelempaa mpo'ungke po'ianga pena-naado.

Podoaa 10:36

Sompo ipenaa-naa burua pedandia atuu, ipotae, ”Ipekulemo, oo Ue a bawaa Isaraeli anu mapasowu-sowu andio.”