2 Tawarika 5:13 - Wunta Mempori

¹³ Luwuno puu pompuuri napiri ka luwuno puu mpenani atuu mperonga-ronga mpoporongeo suarado dompenaniako po'unde-unde ka pontarimakasi ndi Ondae i Ue. Mpenani ira meroku saru napiri, simbali ka luwuno parewa mpenani umunde-unde Ira i Ue, ”Hangano moiko Ira! Menteeano anu nahina tampulaano pompehohawa-Do.” Ka i'amba raha mbo'u atuu raha-Do i Ue, bukeako seru.

2 Tawarika 5:13 ပူးပေါင်းရင်းမြစ်များ

1 Tawarika 16:4

Ipotoro ira mbo'u inso a nto Lewi atuu ba opia mia gagi puu pompekakaako i arono Burua-Do i Ue kai pinebooliako nee-Do i Ue, Ue Alado to Isaraeli ka mpenaniako potarima kasi saru po'unde-unde ndi Ondae.

2 Tawarika 20:21

Mansano umari teriso saru palili, itiso ira mia anu ira mpenaniako penani tia-Do i Ue ka umunde-unde Ira i Ue, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i Ue, menteeano ranta nahina tampulaano petenunu ka pompehohawa-Do!”

2 Tawarika 20:22

Mansado mpopu'u mpebo-booli ka mpenaniako penani po'unde-unde, Doweweuomo i Ue pesapoia a inuleno Amoni ka i Moabi, ka luwuno mia inso i mentorukuno Seiri, anu mingki sumapoio Yehuda, ranta ka dontenangi.

2 Tawarika 7:1

Mansano mokotampulao i Salomo pekakaino, metiiomo api inso i langi kumaano pingko pesomba tinunu ka luwuno pesomba sinumbele atuu, ka maramba-Do i Ue buketio raha atuu.

2 Tawarika 7:2

Luwuno sando mpesomba nahi dompokompewinsokio raha-Do i Ue, hangano maramba-Do i Ue buketio raha-Do.

2 Tawarika 7:3

Mansado mengkitao luwuno to Isaraeli api atuu metii ka maramba-Do i Ue buketio raha atuu, mpenggolontu iramo a horo saru rupado a wita, ka do'amba mpetuundu mpesomba ka mpenaniako po'unde-unde tia-Do i Ue, ”Hangano Ondae moiko! Menteeano nahina tampulaano petenunu ka pompehogawa-Do.”

2 Tawarika 7:6

Luwuno sando mpesomba ntetinda iramo mpentade a mpo'iangado. Kanatuu koa mbo'u luwuno to Lewi saru luwuno parewa mpenani, parewa mpenani anu wineweuno i mokole Daudi umunde-unde Ira i Ue, ”Menteeano ranta nahina tampulaano petenunu ka pompehohawa-Do!” tempono i Daudi menaniako po'unde-unde molalo ondae. Ka i'amba ntepo'aro saru ondae, luwuno sando mpesomba mpopuuri napiri ka luwuno to Isaraeli mpentade.

Esera 3:11

Ondae mpesangki-sangki mpenaniako penani po'unde-unde ka mawongko ndi Ondae i Ue, ”Hangano moiko Ira! Menteeano pompehohawa-Do a nto Isaraeli ranta nahina tampulaano!” Luwuno bawaa mpeboo-booli meroku umunde-unde Ira i Ue, hangano pondasino Raha-Do i Ue, wineweuomo.

Nehemia 12:27

A mporonsoa bente i Yerusale luwuno to Lewi pinoboi inso a luwuno po'iangado ka mewinawa i Yerusale ta wineweu poronsoa anu maroaako po'unde ka penani, tinondaako simbala, gambusu ka katapi.

Po'unde-unde 100:5

Hangano Ondae i Ue atuu moiko, pompehohawa-Do ranta nahina tampulaano, ka mentee-Do kongko mpiha mapa'api-api inule.

Po'unde-unde 106:1

Haleluya! Pontarimakasimo ndi Ondae i Ue, hangano moiko Ira! Menteeano ranta nahina tampulaano pompehohawa-Do.

Po'unde-unde 107:1

Pontarimakasimo ndi Ondae i Ue, hangano me'aroa Ira! Menteeano ranta nahina tampulaano pompehohawa-Do.

Po'unde-unde 118:1

Pontarimakasimo ndi Ondae i Ue, hangano moiko Ira! Menteeano ranta nahina tampulaano pompehohawa-Do.

Po'unde-unde 150:3

Unde-undeako Iramo tawuwua pinuuri, unde-undeako Iramo gambusu ka katapi!

Po'unde-unde 150:5

Unde-undeako Iramo tawa-tawa kodei anu kekele, unde-undeako Iramo tawa-tawa kodei anu melantu-lantu!

Po'unde-unde 22:4

Kahinaano Omiumo Anu Mempori, anu mo'ia i wawono po'unde-undedo to Isaraeli.

Po'unde-unde 81:2

Kokora-koramo mawongkoako Ira Ue Ala, rosoto, kokora-koramo mawongkoako Ira Ue Alano i Yako.

Peluarakoa 29:43

I ra'aimo Aku tepohaweako ira to Isaraeli ka po'ianga atuu ta pinoko memporiako maramba-Ku.

Yesaya 52:8

Ronge iramo anu medagaiko mpontande suara; ondae mperonga mengkokora-kora mawongko. Hangano, domengkitaakono matado ondaedo Ondae i Ue mekule i Sioni.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

WINEWEUDO TINENA 4:32

Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.

ROMA 15:6

ranta ka impe'asa aroa ka mpe'asa mpau umunde-unde Ira Ue Ala ka Ama-Do Ueto, i Yesu Kerisituu.

MENGKAAA 15:8

Ka Raha Mempori atuu ibuketio ahu hangano maramba-Do Ue Ala ka hangano pabawa-Do, ka maupo te'asa mia nahi pokompewinsokio Raha Mempori atuu, se'eluno napi tampula opitu masolaa inso a mala'eka opitu atuu.