2 Tawarika 4:19 - Wunta Mempori

¹⁹ I Salomo weweuo luwuno parewa anu kongko i raha-Do Ue Ala: meda pontunua pesomba inso a wulaa ka luwuno meda ponaapa roti pesomba,

2 Tawarika 4:19 ပူးပေါင်းရင်းမြစ်များ

2 Mokole 24:13

I Nebukanesa lumuarakono inso i ra'ai luwuno anu pinekaria a raha-Do i Ue ka anu pinekaria a langkanaeno mokole. Ilangkoo mbo'u wulaa inso a luwuno parewa wulaa anu wineweuno i Salomo mokole i Isaraeli, i raha-Do i Ue kana anu Dopauomo i Ue.

1 Tawarika 28:16

ka i'amba mobeano wulaa weweua luwuno meda roti pesomba, sompo meda ka mobeano salaka weweua luwuno meda inso a nsalaka;

2 Tawarika 2:3

Ka i'amba i Salomo montena mia ndi Hurami, mokole i wita Tirusi, saru pe'oliwi, ”Weweuakunemo kana anu uweweuo ndi Daudi, amaku, tempono upo'oliwi keu arasi ndi ondae tiano powangu langkanae po'iangado.

2 Tawarika 36:10

A tempo pepo'euano ta'u i mokole Nebukanesa montena mia wawao i Babeli saru luwuno parewa anu masuli inso a Raha-Do i Ue. Ka i'amba i Sedekia, pepaekompono amano i Yoyaki gagi mokole i Yehuda ka i Yerusale.

2 Tawarika 36:18

Luwuno parewano Raha-Do Ue Ala, moiko anu langkai maupo kodei, saru arataa inso a Raha-Do i Ue, arataano mokole ka luwuno tadulakono, luwuno iwawao i Babeli.

2 Tawarika 4:8

Iweweuo hopulu meda ka inaao i larono Raha Mempori, olima i koana ka olima i manggali. Iweweuo mbo'u asa etu loea kodei ponsiwui inso a wulaa.

Yeremia 28:3

I larono orua nta'u andio Aku mokuleo a mpo'ianga andio luwuno parewano Raha-Do i Ue anu inalano i Nebukanesa, mokole i Babeli inso a mpo'ianga andio ka winawa i Babeli.

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

I MATIU 12:4

kana'umpe ipewinso a Raha-Do Ue Ala ka kana'umpe domengkaano roti pesomba anu nahi moiko ikinaa, moiko onae maupo ondae anu mentondao, sangkadio luwuno sando mpesomba?

MENGKAAA 8:3

Ka aiwaomo aasa mala'eka susua, ka ilako mentade umpeda meda pontunua pesomba saru aasa pontunua dupa wulaa. Ka ndi onae wineeako hadio dupa ka ipesombaakono meronga saru pekakaido luwuno mia mempori a wawo meda pontunua pesomba wulaa i arono kadera poparentaa atuu.

MENGKAAA 9:13

Ka i'amba mala'eka anu ko'onoo puurio tawuwuano, ka kurongeo aasa suara meluarako inso a opaa tanduno meda pontunua pesomba wulaa anu i aro-Do Ue Ala,