2 Tawarika 33:3 - Wunta Mempori

³ Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

2 Tawarika 33:3 ပူးပေါင်းရင်းမြစ်များ

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

2 Mokole 23:11

Ipetadiako ira ngara anu ninaado luwuno mokole i Yehuda tiano dewa mata oleo a mpewowa mewinso a raha-Do i Ue, umpeda bolongkono i Natani-Meleki, pegawai langkanae anu mo'ia a raha langkai i horino. Kareta dewa mata oleo mbo'u itunuakono api.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Tawarika 28:24

I Ahasi pumpuo parewano raha-Do Ue Ala ka iperawo-rawoo. Itondoo Raha-Do i Ue, ka i'amba weweu ira meda pontunua pesombano a luwuno siuno Yerusale.

2 Tawarika 30:14

Domempari-pario meliahakono luwuno meda pontunua pesomba anu kongko i Yerusale. Luwuno meda pontunua pesomba dupa liniahako mbo'u ka tinadi i Lembono Kidironi.

2 Tawarika 31:1

Mansano luwuno andio tampulaomo, luwuno to Isaraeli anu mehawe, melako a luwuno kota i Yehuda. Domempuro-puroo luwuno tugu lahumoa, domerongkao luwuno karuno pelahumoaa, ka pobangkuo luwuno po'ianga pesombaa ka meda pontunua pesomba i luwuno Yehuda ka Benami, saru i Eparai ka Manase, ranta tampula luwu. Ka i'amba luwuno to Isaraeli mpekule i luwuno kotano, singge mia a ntia pusakano.

2 Tawarika 32:12

Komba i Hisikia ke anu tumadio luwuno po'ianga pesombaa ka meda pontunua pesomba, ka ipotaeakono Yehuda ka Yerusale: Butu i arono asa meda pontunua pesomba asalakono impenggolontu mpesomba ka mpotunu pesomba i wawono?

2 Tawarika 33:15

Itadio luwuno pinesombai susua ka lahumoa inso a Raha-Do i Ue, saru meda pontunua pesomba anu pinontadeno i wawo ntorukuno raha-Do i Ue ka i Yerusale. Luwuno atuu itadio i bungkuno kota.

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 34:25

hangano domebinta Akumo ka mpotunu pesomba a mpinesombai susua. Hangano luwuno inanggano kaedo mpokontesingkao tekuda-Ku. Tensilano tekuda-Ku ta pinotii a mpo'ianga andio ka nahi pinokompepate.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Puu Pontutulu 2:19

Ka i'amba isema anu tumo'orio ba monto'ori koake mia atuu ke benge-benge? Maupo kanatuu onae ta pabawa a luwuno perokuhi anu wineweuku saru pine'isei i totono mata'oleo ka saru mompake ponto'ori. Ndio mbo'u nahina tuduno.

Puu Pontutulu 9:18

Ponto'ori moikoopo sekono parewa mpetea, sine asa mia anu moweweu sala mokonsolangio hadio mongkona anu moiko.

Yeremia 17:2

gagi pepopoto'ori ndi ondae! Luwuno meda pontunua pesomba ka luwuno karuno pelahumoaado lano kongko i horino keu anu marombo leweno i wawono luwuno pongku anu mantande,

Yeremia 19:13

Luwuno raha i Yerusale ka luwuno rahado mokoledo to Yehuda ta gagi po'ianga mokoburu kana Topeti, onaemo luwuno raha anu i wawo atono mia mpotunu pesomba tiano luwuno sorodadu langi ka mpompesombaako pesomba tinawa a luwuno pinesombai susua.”

Yeremia 7:30

Mentee ntu'u, to Yehuda mpoweweu iramo hapa anu mosa'o a pongkita-Ku, kanandiomo pau-Do i Ue. Domenaaomo luwuno lahumoado anu mokoburu a raha anu nineeako montonda nee-Ku, ira mengkokoburutio.

Yeremia 8:2

Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

WINEWEUDO TINENA 7:42

Onaemo ka Dopewolili Ue Ala inso ndi ondae ka mo'inee ira mpesomba a anano wula i langi, kana anu teburi a wuntado nabi: Nde impesombaakonoke ndi Ongkue pesomba sinumbele ka pesomba i larono pato pulu nta'u i pada one atuu, hei suku isaraeli?

Winali 16:21

Si mpopaho keu gagi karuno lahumoa i horino meda pontunua pesomba ndi Ondae i Ue, Ue Alamiu, pontunua pesomba anu komiu meweweuo tiamiu.

Winali 17:3

Mia atuu lumako mesomba a luwuno anu pinesombai susua ka menggolontu mesomba ndi onae, ke a mata oleo ke a wula ke a luwuno sorodadu i langi, mongkona anu Ku'ontoomo atuu.

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.