2 Tawarika 32:21 - Wunta Mempori

²¹ Ka i'amba Ondae i Ue montena mala'eka anu rumopu ira luwu puu mpetea anu memoroso, mia memota'u ka tadulako sorodadu anu kongko a mpekemaano mokole i Asuri, ranta mo'o'anuno mekule i witano. Ka i'amba ana ngkoroino mepateakono ponai, tempono ipewinsokio rahano pinesombaino.

2 Tawarika 32:21 ပူးပေါင်းရင်းမြစ်များ

2 Samueli 24:16

Mansano tumandeo mala'eka kaedo te'aro i Yerusale ta rumopuo, me'o'ole Ira i Ue a masolaa atuu. Ka i'amba pau-Do a mala'eka anu tekonai rumopuo tongku atuu, ”Sompoomo! Potiio kaemu.” Tempo atuu mala'eka-Do i Ue mo'ia umpeda a ponsesaano i Arauna, to Yebusi.

2 Mokole 19:20

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: Hapa anu umariomo upekakaiakono ndi Ongkue mongkona i Sanaheri, mokoledo to Asuri, Kurongeomo.

2 Tawarika 32:20

Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga.

2 Tawarika 32:22

Kanandiomo Dokaduduio i Ue i Hisikia ka palili i Yerusale inso a ngkaeno i Sanaheri, mokole Asuri, ka inso a ngkaedo luwuno iwalino. Dopoweeako ira rodoa ndi ondae a sompo siuno.

Ayubi 9:4

Ondae Ue Ala atuu tedoa monto'ori ka tedoa moroso, isemake anu mokompeteahako umewai Ira, ka kongko tekadudui?

Po'unde-unde 132:18

Luwuno iwalino Aku mokonaako ira sangka pompokongkodei, sine a wawo uluno ta mewanta ramba-ramba uluno.”

Po'unde-unde 18:50

Onaemo pu'uno aku menaniako po'unde-unde umunde-unde Komiu i olodo luwuno tongku, oo Ue, ka menaniako penani umunde-undeo nee-Miu.

Po'unde-unde 44:15

Omiu weweu kami gagi pasinggiria i olodo tongku, onaemo pu'uno luwuno suku tongku mebitu-bitu ulu.

Po'unde-unde 76:12

Pontangamo ka owahiomo tinangamu atuu ndi Ondae i Ue, Ue Alamu! Po'ineeomo luwuno anu tumonda Ira pompowee pesomba ndi Ondae anu dinoitoako.

Po'unde-unde 76:5

Mewanta Komiu, lalu maramba sekonopo mentorukuno buke wembaa.

Po'unde-unde 76:6

Mia anu memosia mempinomuru iramo, merodo ira a laro mpoturido, ka luwuno mia anu moroso ka mosia tetadi rosodo.

Po'unde-unde 76:7

Hangano te'ise-Miu, oo Ue Alano i Yako, tekoturi rodo anu mesawi maupo ngarano.

Powadi 11:2

Tewala hawe pompelangka-langkai, hawe mbo'u pasinggiri, sine ponto'ori anu mentee kongko a mia anu me'urumako.

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Yesaya 10:8

Ipotae, ”Kombake tadulako sorodaduku atuu luwuno mokole?

Yesaya 14:25

Aku mepate ira to Asiuri a laro wita-Ku ka lumolanda ira a wawo ntorukuno-Ku; pasanga anu ninaado a bawaa-Ku ta tinadi kanatuu koa mbo'u tinembi anu dopopotembiako ira a oweado.”

Yesaya 36:9

Kana'umpe ka upolio monsaari asa mia petewawa sorodadu i olono atado ueku maupo anu lalu kodei? Kahinaano omue momperorohi Masiri ka upohawe kareta ka sorodadu mpengara!

Yesaya 37:21

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: hangano mekakaikomo ndi Ongkue mongkona i Saniheri, mokoledo to Asiuri,

Yesaya 42:8

Ongkue Ue, onaemo nee-Ku; nahi Kupeweengakono maramba-Ku a nsusuaano ke telele-Ku a ntinaha.

Yeremia 21:2

”Pesikenoakamimo pontiso-Do i Ue, hangano i Nebukanesa, mokole i Babeli, meteaa kami! Bara'ura Ondae i Ue Ira weweua kami mengkena kana luwuno wineweu-Do anu kinohali-haliako, ka ibinta kami i Nebukanesa.”

Danieli 3:28

Motaeomo i Nebukanesa, ”Unde-unde Iramo Ue Alano i Sadaraki, i Mesaki ka i Abenego! Montena Iramo mala'eka-Do ka motola ira tetenaa-Do anu mpe'ala-alaakono koroido ndi Ondae, saru nahi domentondao petenano mokole, anu mpeweengakono koroido hangano nahi domebehe me'unde-undeo ka mpesombaio pesombaa susua sangkadio Ue Alado.

Danieli 6:22

Ka i'amba motae i Danieli ndi mokole, ”Oo mokole, melai tinuwumiu!

WINEWEUDO TINENA 12:23

Ka i tempo koa mbo'u atuu mala'eka-Do i Ue tumampeleo hangano nahi pelangkai Ira Ue Ala; onae mate domengkaano ule-ule.