2 Tawarika 30:8 - Wunta Mempori

⁸ Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

2 Tawarika 30:8 ပူးပေါင်းရင်းမြစ်များ

2 Mokole 23:26

Sine Ondae i Ue nahi bali inso a ntekuda-Do anu langkai, anu tensila a nto Yehuda hangano luwuno wineweuno i Manase anu mokotesingkao tekuda-Do.

1 Tawarika 29:24

Ka i'amba luwuno petewawa ka sorodadu, saru mbo'u luwuno anado mokole Daudi me'akuio pabawano mokole Salomo.

2 Tawarika 28:11

Kanandio-andio, imeronge akumo: Impokule iramo mia anu tinawamiu inso a pepaekompomiu atuu, hangano tekuda-Do Ue Ala tensila ndi omiu.”

2 Tawarika 28:13

Dompotae ndi ondae, ”Si mewawa ira tinawa atuu i ndi'ai, hangano tinoomiu atuu weweuo ka tomensala ndi Ondae i Ue saru montiangi hala ka salato! Sompoomo langkaino salato, ranta ka ipetii tekuda anu tensila a nto Isaraeli.”

2 Tawarika 29:10

Kanandio-andio montoo aku mowutu pedandia saru Ondae i Ue, Ue Alano i Isaraeli, ka tekuda-Do anu tensila atuu ka ibinta kita.

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

2 Tawarika 6:5

’Tampu'uno Kuwawa ira bawaa-Ku Isaraeli mpeluarako inso i Masiri, nahi Kupobiniki kota hapamo koa inso i olono luwuno suku Isaraeli anu mowangu raha i ra'ai, sine Kubinikiomo i Daudi gagi pabawai ira bawaa-Ku Isaraeli.

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

2 Tawarika 7:16

Kanandio-andio Kubinikiomo ka mokomemporio raha andio, ka ipo'ia nee-Ku i ra'ai ranta nahina tampulaano. Mata-Ku ka aroa-Ku ta kongko i tu'ai ranta ntinuwu.

Esera 10:14

Moikoano, luwudo petewawa mami, sumaru ngkoroi ira luwuno bawaa, ka moikoano sompo mia i luwuno kota po'ianga mami anu mpekombiaako beinedo mia mehawe, aiwa mpe'aro a tempo anu tinantui, ka mperonga ondae saru luwuno mia pinemota'u ka luwuno puu mpobitara i sompo kota, ranta tekuda-Do Ue Ala mami anu tensila hangano wineweu andio pinoko'olai inso ndi omami.”

Esera 10:19

Domentaangakono kaedo gagi dandi, tumena ira kombiado melako. Ka do'amba mpopesombaako asa bimba lakino inso a asa bawaa bembe bimba gagi pesomba pontolosi salado.

Po'unde-unde 63:2

Oo Ue Ala, Omiumo Ue Alaku, mo'o-mo'oru ku'ungke Komiu, sumangaku mokoranga ndi Omiu, koroiku mokendo kumekewoi Komiu, kana wita anu motu'i ka mokoranga, nahi me'uwoi.

Po'unde-unde 68:24

ka uwo'ohio karumu a laro reado iwalimu, ka elodo dahumu mpohawe mbo'u tiado.”

Po'unde-unde 68:31

Wurarai iramo kondehora mo'ila a ntonga gelaga, bawaano bante saru sapi lakinodo luwuno tongku! Landa iramo anu mpo'ungke salaka; siarawo iramo tongku anu inehedo mpetea.

Po'unde-unde 73:17

hawe ka kupewinso a laro po'ianga mempori-Do Ue Ala, ka kupoposooo umariado.

Po'unde-unde 78:49

tempono Dopotiio tekuda-Do anu tensila, mosa'ono aroa, bamburu ka pompema'iso: asa bawaa mala'eka powawa masolaa;

Peluarakoa 32:9

Ka Do'amba mepau i Ue ndi Musa, ”Kukita iramo tongku andio. Mentee ntu'u, ondae tongku anu me'ulu watu.

Yeremia 50:15

Peboolimo sapoio inso a luwuno siuno! Onae metenangiomo, luwuno benteno ntebangkuomo, luwuno rere watudo tehoaomo! Mentee ntu'u, onaemo pombalo-Do i Ue! Weweuomo pombaloa ndi onae, weweuomo ndi onae kana anu umari wineweuno!

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

ROMA 10:21

Sine mongkona Isaraeli ipotae, ”Asa oleo mpobutu Kutasiakono kae-Ku a tongku anu nahi dompetenunu ka mpengenge.”

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

Winali 6:17

Asalakono tementee ntu'u impe'ini a parenta-Do i Ue, Ue Alamiu, a mpepopoto'ori ka pompakosi anu Doparentaa komiu.

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

MENGKAAA 7:15

Onaemo pu'uno ka dompentade i arono kadera poparentaa-Do Ue Ala mekakaako Ira meene ka wongi a Raha Mempori-Do. Ka Ondae anu mentoro a wawo ngkadera poparentaa atuu Ira wileo kema-Do i wawodo.