2 Tawarika 30:5 - Wunta Mempori

⁵ Domeweweuo pompakosi ka ipinalele a luwuno Isaraeli, inso i Bereseba hawe i Dani, ka dome'aiwa luwu i Yerusale merame-rameo Pasa-Do i Ue, Ue Alado to Isaraeli, hangano napi hadio anu rumame-rameo kana anu teburi.

2 Tawarika 30:5 ပူးပေါင်းရင်းမြစ်များ

Tegagia 21:14

Tisomono mo'o-mo'oru i Burahima mo'ala roti saru asa kadu uwoi, weeakono i Hagari, ka inaao a wawo oweano. Ka i'amba meronga anano atuu itenao i Hagari lumako. Ka i'amba i Hagari lumako ka melakopi i pada one Bereseba.

2 Tawarika 24:9

Ka i'amba metena paleleo i Yehuda ka i Yerusale nine asalakono mia mpowawa tia-Do i Ue sima'ulu anu pinopotembino i Musa, tetenaa-Do Ue Ala atuu, a nto Isaraeli i pada one.

2 Tawarika 30:4

Pomputusi atuu dotarimao moiko mokole ka luwuno bawaa.

2 Tawarika 35:18

Oleo Pasa kanatuu nami riname-rame mbo'u i Isaraeli mompu'u i nabi Semueli. Nahina maupo te'asa mia inso a luwuno mokole i Isaraeli anu hori rumame-rameo Pasa kana riname-rameno i Yosia saru luwuno sando mpesomba ka to Lewi, luwuno to Yehuda ka Isaraeli anu mehawe saru palilino i Yerusale.

2 Tawarika 36:22

A nta'u ko'asa poparentaano i Koresi mokole i Perisia, Ondae i Ue lumeluo aroano i Koresi mokole i Peresia atuu, kai inihii pau-Do i Ue anu pinauno i Yeremia. Ka i'amba pinalele pau ka teburi pepopoto'ori andio a luwuno poparentaano, kanandio,

Danieli 6:8

Luwuno anu langkai potorono a poparentaa andio, luwuno anu pabawa ka petewawa daera, luwuno anu mokowali ira a poparentaa ka bupati ntepo'asa ka ilinuarako asa pompakosido mokole ka ipinolempa asa pepo'onto nine ba isema i larono tolu pulu oleo mompohawe po'ema a asa i olono pinesombai ke mia sangkadio ndi omiu ueku, oo mokole, onae ta pinetadiako a aano singa.

Imama 23:2

”Pepaumo a nto Isaraeli ka potaeako ira: Luwuno oleo langkai anu pinakosi-Do i Ue asalakono kai mento'orio gagi tepotowoa mempori. Luwuno oleo langkai anu Kupakosio onaemo kana tudano andio.

Imama 23:4

Ndiomo luwuno oleo langkai anu pinakosi-Do i Ue, luwuno oleo tepotowoa mempori, anu asalakono imento'orio menunu saru tempo anu pinakosi.

1 KORINTI 11:2

Asalakono ku'unde-unde komiu, hangano a laro luwuakoano impewowolo aku mpiha ka mpe'ini moroso a pompaguru anu kupotilaloakono ndi omiu.

Winali 12:32

Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Puu Mpobitara 20:1

Melako iramo luwudo to Isaraeli, te'inso i Dani hawe i Bereseba ka inso i wita Gilea, pepumpu iramo mperonga-ronga mpe'aro ndi Ondae i Ue i Misipa.