2 Tawarika 30:1 - Wunta Mempori

¹ Ka i'amba i Hisikia me'oliwi a luwuno Isaraeli ka Yehuda, ka moburi wunta ndi Eparai ka ndi Manase ka dome'aiwa merame-rameo Pasa-Do i Ue, Ue Alano i Isaraeli, i raha-Do i Ue i Yerusale.

2 Tawarika 30:1 ပူးပေါင်းရင်းမြစ်များ

2 Mokole 23:22

Hangano Pasa kanatuu nami riname-rame mbo'u mompu'u tempono dompoparenta puu mpobitara a nto Isaraeli ka i larono poparentaado luwuno mokole i Isaraeli ka i Yehuda.

2 Tawarika 11:13

Luwuno sando mpesomba ka to Lewi i luwuno Isaraeli aiwa ntepo'asa saru onae inso a wita po'iangado.

2 Tawarika 11:16

Tumonda ira, inso a luwuno suku Isaraeli mehawe iramo i Yerusale luwuno mia anu bobotoliomo aroano ta umungke Ira Ue Alano i Isaraeli. Ira mpopesombaako pesomba ndi Ondae i Ue, Ue Alano uempu'udo.

2 Tawarika 25:7

Sine asa mia tetenaa-Do Ue Ala hawe ndi onae ka ipotae, ”Oo mokole, si po'ineeo sorodadu Isaraeli mpe'asa saru omiu ueku, hangano to Isaraeli nahi Dokongkomi ira i Ue, onaemo luwuno inuleno i Eparai andio.

2 Tawarika 29:24

Luwuno sando mpesomba sumumbeleo ka mesombaakono reano a wawo meda pontunua pesomba gagi pesomba po'onini hala ka iwineweu pesintuwua tiado luwuno to Isaraeli. Hangano ondae mokole meparenta iramo ka ipinesombaako pesomba tinunu ka pesomba po'onini hala tiado luwuno to Isaraeli.

2 Tawarika 29:36

I Hisikia ka luwuno palili mawongko a hapa anu Dopakosiomo Ue Ala tiano tongku atuu, hangano luwuno atuu mansa gagi.

2 Tawarika 30:2

Mokole meronga saru luwuno petewawa ka luwuno bawaa i Yerusale memputusio ka domerame-rameo Pasa ia wula ko'orua,

2 Tawarika 35:6

Sumbeleomo bimba Pasa, pokomemporiomo koroimu, ka patindaomo tiado pepaekompomu, ka iwineweu kana anu pinau-Do i Ue telalo i Musa.”

Yeremia 29:1

Kanandio ihino wunta anu inoliwino Nabi Yeremia inso i Yerusale a mia memota'u anu ntebinta i olodo mia mentinadi, a luwuno sando mpesomba, a luwuno nabi ka luwuno palili anu mewinawano i Nebukanesa inso i Yerusale a pontadia i Babeli.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Hosea 5:4

Luwuno wineweudo nahi pototono dompepokule ndi Ondae Ue Alado, hangano aroa ponsosaboa kongko a laro ngkoroido, ka nahi domento'ori Ira i Ue.

Yosua 14:4

Nde inuleno i Yusupu orua tongku, Manase ka Eparai. Ndi ondae to Lewi nahi domempinoweeako tia ia wita atuu, sangkadio kota-kota po'iangaado ka wita pompotuwuado pinotuwu.