2 Tawarika 26:9 - Wunta Mempori

⁹ I Usia wangu ira menara i Yerusale i wawono Pewowa Langkai Siuno, i wawono Pewowa Langkai Lembono, ka i wawono Sompo Siuno, saru mokorosoo.

2 Tawarika 26:9 ပူးပေါင်းရင်းမြစ်များ

2 Mokole 14:13

I Yoasi, mokole i Isaraeli rumakoo i Amasia anano i Yoasi anano i Ahasia, mokole i Yehuda i Beti-Semesi. Ka i'amba i Yoasi lumako i Yerusale ka rumongkao bente Yerusale mompu'u inso a Mpewowa Langkai Eparai hawe a Mpewowa Langkai Siuno, pato etu hiku ondauno.

2 Tawarika 25:23

I Yoasi, mokole i Isaraeli rumakoo i Amasia anano i Yoasi anano i Yoahasi, mokole i Yehuda, i Beti-Semesi, ka i'amba wawao i Yerusale. Irongkao rere watu i Yerusale mompu'u inso a Mpewowa Langkai Eparai hawe a Mpewowa Langkai Siuno, pato etu hiku ondauno.

Nehemia 2:13

Tempono wongi atuu meluarako aku telalo a Mpewowa Langkai Lembono te'aro a Mata Uwoi Naga ka Pewowa Langkai Rompo. Kuparesao ntu'u luwuno bente Yerusale anu hinoaomo ka luwuno pewowa langkaino anu pingko ikaano api.

Nehemia 2:15

mewuatako aku i wawono telelo a ngkorono mo'are i tempono wongi ka paresao ntu'u bente atuu. Ka ku'amba mekule ka mewinso telalo a Mpewowa Langkai Lembono. Kanandiomo kupekule.

Nehemia 3:13

Pewowa Langkai Lembono ipokomoikoo i Hanuni ka palili i Sanoa. Dowali mewanguo ka mempasao luwuno pewowano saru luwuno pelansonao ka lansono. Dompokomoikoo mbo'u bente anu ondauno asa nsowu hiku hawe a Mpewowa Langkai Rompo.

Nehemia 3:24

I horino i Binui anano i Henadadi, mompokomoiko anu tudano, inso a rahano i Asaria hawe a nsiuno rere.

Nehemia 3:32

Ka i'amba olono bolongko i wawono a nsiuno ka Pewowa Langkai Bimba, luwuno anu puu mpo'angga wulaa ka puu mpebalu-balu mompokomoiko rere.

Yeremia 31:38

Menteeano, tempono ta hawe, kanandiomo pau-Do i Ue, nine kota atuu ta wali winangu tia-Do i Ue, inso a menara Hananeeli hawe a Mpewowa Langkai Siuno;

Sakaria 14:10

Luwuno wita andio ta bali gagi kana lembono, inso i Geba hawe i Rimoni i selatano Yerusale. Sine kota andio ta kontasi-tasi ka kongko mpiha a mpo'iangano, inso a mpewowa langkai Benami hawe a mpo'iangano pewowa langkai tese'elu, onaemo pewowa langkai Siuno, ka inso a menara Hananeeli hawe a mpopuro'ia anggorodo mokole.