2 Tawarika 26:5 - Wunta Mempori

⁵ Onae umungke Ira Ue Ala tempono i Sakaria da tuuwu anu paguruo ka idoitoako Ira Ue Ala. Tempono i'ungke Ira i Ue, Ondae Ue Ala weweuo mehasili.

2 Tawarika 26:5 ပူးပေါင်းရင်းမြစ်များ

Tegagia 41:15

Motae i Pirao ndi Yusupu, ”Mo'ipi akumo, ka nahina maupo te'asa mia mokopauo pengkonaano, sine kurongeo mongkona omue nine butu koa rumongeo mo'ipi omue mokopauo pengkonaano.”

Tegagia 41:38

Ka i'amba i Pirao motaeako ira pegawaino, ”Kita koa mpohaweke mia kanandio, asa mia anu bukeako Penaa-Do Ue Ala?”

2 Mokole 15:34

Onae moweweu hapa anu mentee a pongkita-Do i Ue, mengkena kana anu wineweuno i Usia, amano.

1 Tawarika 22:11

Kanandio-andio, oo anaku, po'ineeomo Ondae i Ue kumongkomiko, ranta kau pokowanguo raha-Do i Ue, Ue Alamu, kana anu pinau-Do mongkona omue.

1 Tawarika 22:13

Bakanandio kome'ura, tewala metenunuko weweuo luwuno pompakosi ka luwuno songka anu Dopeparentaako i Ue ndi Musa tiado to Isaraeli. Pokorosoomo aroamu, si doito ka si terungku aroamu.

2 Tawarika 14:6

Iwanguo luwuno kota mebente i Yehuda, hangano i wita atuu rodo. Nahina anu meteaakono a luwuno ta'u atuu, hangano Ondae i Ue moweeakono rodoa.

2 Tawarika 15:2

Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

2 Tawarika 24:2

I Yoasi moweweu hapa anu mentee a pongkita-Do i Ue asa ntinuwuno sando mpesomba Yoyada.

2 Tawarika 25:8

Tewala ondae tepo'asa saru omiu, maupo kana'umpe wineweu ka rosomiu a laro mpeteaa, Ira metadiakomiu Ue Ala i arodo iwali, hangano Ondae Ue Ala hinao pabawa-Do montulungi ka mompetadiako!”

2 Tawarika 26:4

Onae moweweu hapa anu mentee a pongkita-Do i Ue, mengkena kana anu wineweuno i Amasia, amano.

2 Tawarika 27:6

I Yotami gagi moroso pentoroano, hangano iwawao tuwuno ndi Ondae i Ue, Ue Alano.

2 Tawarika 29:1

Tinuwuno i Hisikia rua pulu ka olima nta'u tempono igagi mokole ka rua pulu ka osio nta'u tehineno ipoparenta i Yerusale. Neeno ineno, onaemo i Abia, anano i Sakaria.

2 Tawarika 32:30

I Hisikiamo anu buntoo waaano mata uwoi Gihoni i wawono, ka mowaao i nganga ngkorono, i sumooano oleo, i kota Daudi. I Hisikia mehasili a luwuno sinongkapino.

Po'unde-unde 1:3

Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 10:1

A nta'u ko'otolu poparentaano i Koresi, mokoledo to Peresia, asa pau pinokomengkaa ndi Danieli anu nineeako i Beletasasari. Pau atuu mentee ka mongkona petea anu langkai. Onae mokonto'orio pau atuu ka ponto'orino atuu ihaweo a laro pongkita atuu.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 5:16

Sine, kurongeomo mongkona omue nine omue polio mompau pengkonaano mo'ipi ka polio mompoko'umari anu nahi silolonga. Onaemo pu'uno, tewala upokobasao binuri atuu ka mokopauakune pengkonaano, ndi omue ta pinokona sangka inso a nsawu wungo ka a we'umu ta pinopo'enuako rante wulaa, ka a mpoparentaaku andio omue ta hina pabawamu gagi mia ko'otolu.”

Hosea 6:4

Hapa anu Aku weweuo ndi omue, hei Eparai? Hapa anu Aku weweuo ndi omue, hei Yehuda? Pompehohawamu kana gawu mo'oru, ka kana tontoru anu moliu tempono mo'oru.

WINEWEUDO TINENA 20:30

Maupo inso i olomiu ta hina ba opia mia, anu saru pompaguru nahi mentee me'ungkeakono popandei ira ana guru inso a nsala anu mentee ka domentonda ira.

Yosua 1:7

Tendeano, peteao ka pokorosoo aroamu tem oleo aroa, pompe'inandai ba upelelu montonda songka anu itenaakomu i Musa, tinena-Ku ndi omue, sipansia i koana ke imanggali, ka ume'ura isuamokoa ulako.

Yosua 1:8

Sitekolupe popauo wunta Taura andio, sine penootio ia meene ka woongi, ka upompe'inandai koa melelu montonda luwuno anu teburi ilarono, nde ba kanandio pelempamu ta moiko ka kome'ura.

Puu Mpobitara 2:7

Tongku atuu mpesomba ndi Ondae i Ue, itempono i Yosua ka itempono luwuno mia memotota'u anu melai tinuwuno sekonopo i Yosua, ka anu sumakosiiomo luwuno wineweu-Do i Ue anu langkai, a nto Isaraeli.