2 Tawarika 26:23 - Wunta Mempori

²³ I Usia mate. Onae kinaburu i horino uempu'uno a lere umpeda pekaburuado mokole, hangano dompotae mia, onae mohawe haki ngkuli. Ka i'amba i Yotami, ana ntamano gagi mokole umeuo.

2 Tawarika 26:23 ပူးပေါင်းရင်းမြစ်များ

2 Tawarika 21:20

Tinuwuno i Yorami tolu pulu ka orua nta'u tempono igagi mokole ka oalu nta'u tehineno ipoparenta i Yerusale. Onae mate nahina mia anu me'o'oleakono. Onae kinaburu i kota Daudi, sine komba i laro ngkaburudo mokole.

2 Tawarika 26:18

ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

2 Tawarika 27:1

Tinuwuno i Yotami rua pulu ka olima nta'u tempono igagi mokole ka hopulu ka onoo nta'u tehineno ipoparenta i Yerusale. Neeno ineno, onaemo i Yerusa anano i Sadoki.

2 Tawarika 28:27

I Ahasi mate. Onae kinaburu i laro kota, i Yerusale; sine nahi winawa a ngkaburudo mokole i Isaraeli. Onaemo i Hisikia anano gagi mokole umeuo.

2 Tawarika 33:20

I Manase mohawe penaa-naaano saru uempu'uno, ka onae kinaburu i laro langkanaeno. Ka i'amba i Amoni, anano gagi mokole umeuo.

Yesaya 6:1

A nta'u mateano mokole Usia, kukita Ira i Ue mentoro a wawo ngkadera poparentaa anu mantande ka kontasi-tasi, itotono lemba meloe-Do buketio Raha Mempori.