2 Tawarika 26:18 - Wunta Mempori

¹⁸ ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

2 Tawarika 26:18 ပူးပေါင်းရင်းမြစ်များ

2 Tawarika 19:2

Tempo atuu i Yehu anano i Hanani, puu mpongkita atuu, lumako tepohaweakono ka ipotae ndi mokole Yosapa, ”Pototono ke omiu tumulungio mia nahi perio Ira i Ue ka mesambe'eako ira anu umo'aliaako Ira i Ue? Hangano mongkona atuu Ondae i Ue tekuda ndi omiu.

2 Tawarika 30:7

Siimo impoweweu kana uempu'umiu ka pepaekompomiu anu nahi petenunu ndi Ondae i Ue, Ue Alano uempu'udo. Mongkokongiri ntu'u Doweweu ira, kana anu kinitamiu.

Peluarakoa 28:1

”Wawao i Haruni akamu ka luwuno anano ndi omue inso i olodo to Isaraeli ka dompopekakaako gagi sando mpesomba ndi Ongkue, i Haruni saru i Nadabi, i Abihu, i Eleasa ka i Tamari, luwuno anano i Haruni.

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Podoaa 18:7

Sine omue saru luwuno anamu asalakono impolempao potoromiu gagi sando mpesomba a laro luwuakoano mongkona meda pontunua pesomba ka luwuakoano anu kongko i bungkuno sawu pelingo, ka asalakono ime'anggao. Kuweeakomiu potoro sando mpesomba gagi puu pompekakaako me'empehiako pompowee, sine mia biasa anu merangkuhako asalakono hinuku mate.”

Podoaa 3:10

I Haruni ka luwuno anano asalakono tena ira ka dome'inio anggaa sando mpesomba, sekono mia biasa anu merangkuhako, asalakono hinuku mate.”

I MATIU 10:18

Ka hangano Ongkue, komiu mewinawa i'arodo anu mempabawa ka a mokole gagi sakosii ndi ondae ka a luwuno mia anu nahi domento'ori Ira Ue Ala.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I MATIU 14:4

Hangano horio i Yohane kumuahakono, ipotae, ”Nahi moiko u'alao i Herodia!”

I YOHANE 5:44

Kana'umpeke komiu mpokopompe'ala-ala, omiu anu mpontarima pompelangkai inso a mpe'asa miamiu ka nahi me'ungkeo pompelangkai anu hawe inso ndi Ondae Ue Ala anu Asa-Asa-Do?

1 KORINTI 5:5

mia atuu asalakono tompeweengakono ndi Mosa'o a nee-Do Ue Yesu, ranta ka imate koroino, ka ikinadudui penaano a oleo-Do i Ue.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 2:11

Sine tempono hawe i Kepa i Antiokia, kupauakono ntu'u i arono umewaio, hangano onae saala.

IBARANI 5:4

Ka nahina maupo te'asa mia anu umalao pompelangkai atuu tiano koroino onaeno, sine onae atuu Dopoboiakono Ue Ala, kana anu gagiomo ndi Haruni.

YAKOBU 2:1

Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

Yosua 22:15

Mansado mehawe ia inuleno i Rube, inuleno i Gadi, tongku Manase anu asantia atuu, mpotae iramo ia mia tuudo, kanandio,

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.