2 Tawarika 24:18 - Wunta Mempori

¹⁸ Domebintao raha-Do i Ue, Ue Alano uempu'udo, ka do'amba mpesomba a luwuno karuno lahumoa ka tinaha lahumoa. Hangano hala atuu Yehuda ka Yerusale i'aluo pontekudaako.

2 Tawarika 24:18 ပူးပေါင်းရင်းမြစ်များ

2 Samueli 24:1

Tekuda-Do i Ue tensila mbo'u a nto Isaraeli. Doteahakono i Daudi umewai ira, pau-Do, ”Lakomo, doa iramo to Isaraeli ka to Yehuda.”

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 14:9

Omue moweweukomo anu mosa'o, lansaraopo sekono anu mese'elungiko. Uweweuomo tiamu luwuno pinesombai susua ka luwuno tinaha tinawa, ranta mokotesingkao tekuda-Ku, tendeano upebungkui Akumo.

2 Tawarika 12:1

Tempo pabawano i Rehabea gagi mokole rodo ka moroso, onae saru luwuno Isaraeli mebintao songka-Do i Ue.

2 Tawarika 12:2

Sine, ia ta'u ko'olima poparentano mokole Rehabea, i Sisaki mokole i Masiri, lumako sumapoio Yerusale, hangano nahi dompetenunu ndi Ondae i Ue.

2 Tawarika 19:2

Tempo atuu i Yehu anano i Hanani, puu mpongkita atuu, lumako tepohaweakono ka ipotae ndi mokole Yosapa, ”Pototono ke omiu tumulungio mia nahi perio Ira i Ue ka mesambe'eako ira anu umo'aliaako Ira i Ue? Hangano mongkona atuu Ondae i Ue tekuda ndi omiu.

2 Tawarika 21:13

tendeano tumondao sala ntumuwudo mokole i Isaraeli ka weweuo Yehuda ka palilino Yerusale mponsosabo, kana anu wineweudo somborino i Ahabi. Tendeano upepate iramo pepaekompomu, luwuno somborido amamu anu moiko irapo sekono omue.

2 Tawarika 22:4

Iweweuo hapa anu mosa'o a pongkita-Do i Ue mengkena kana somborino i Ahabi, hangano umarino mate amano, ondae megagi puu mpopatudu anu mokomasolao.

2 Tawarika 24:17

Umarino mate i Yoyada, luwuno petewawado Yehuda aiwa mpesomba ndi mokole. Mompu'u i tu'ai mokole merorongeako ira.

2 Tawarika 24:4

Ka i'amba i Yoasi mosongka ta mokowo'ohuo raha-Do i Ue.

2 Tawarika 25:15

Ka i'amba tensilaomo tekuda-Do i Ue ndi Amasia ka Dotenao asa nabi ndi onae. Ipotae nabi atuu ndi onae, ”Tembio kau po'ungke pinesombaido aasa tongku anu nahi pokompotola ira tongkuno onaeno inso a ngkaemu?”

2 Tawarika 28:13

Dompotae ndi ondae, ”Si mewawa ira tinawa atuu i ndi'ai, hangano tinoomiu atuu weweuo ka tomensala ndi Ondae i Ue saru montiangi hala ka salato! Sompoomo langkaino salato, ranta ka ipetii tekuda anu tensila a nto Isaraeli.”

2 Tawarika 29:8

ranta tekuda-Do i Ue umaluo Yehuda ka Yerusale. Ondae Doweweuo gagi aasa anu mongkokongiri ka mongkokodoito saru pasinggiri kana anu imengkitaakono matamiu isa'a.

2 Tawarika 32:25

Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako.

2 Tawarika 34:25

hangano domebinta Akumo ka mpotunu pesomba a mpinesombai susua. Hangano luwuno inanggano kaedo mpokontesingkao tekuda-Ku. Tensilano tekuda-Ku ta pinotii a mpo'ianga andio ka nahi pinokompepate.

Peluarakoa 34:12

Impetangkoro, si mpedandiako ira palili i wita anu komiu mpewinsokio atuu, kasi mentetanggoako.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yeremia 17:2

gagi pepopoto'ori ndi ondae! Luwuno meda pontunua pesomba ka luwuno karuno pelahumoaado lano kongko i horino keu anu marombo leweno i wawono luwuno pongku anu mantande,

Hosea 5:14

Hangano Ongkue andio kana singa ndi Eparai ka singa mongura a nsuku Yehuda. Ongkue, Ongkue-Ku anu momperangkami, umarino atuu lumako, Aku molaisakono ka nahina anu motolao.

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

Yosua 22:20

Itempono i Akani anano i Sera nami petenunu, mo'ala parewa anu pinakosi, nde nahi luwuno to Isaraeli tokoa anu kona ntekudaako? Komba butu onae anu mate hangano halano.”

Puu Mpobitara 5:8

Itempono mia mpobiniki anu pinesombai wo'ohu, mpetea ia mpewowano inia. Menteeano, maupo te'asa kanta ba kansai nahi tengkita i olono pato pulu nsowu mia i Isaraeli.

Puu Mpobitara 8:33

Mansano mate i Gideo, wali iramo mbo'u mpelahumoa to Isaraeli saru mentondao Baala ka mpesombaio Baala-Beriti.