2 Tawarika 20:6 - Wunta Mempori

⁶ ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

2 Tawarika 20:6 ပူးပေါင်းရင်းမြစ်များ

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Mokole 8:30

Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

1 Tawarika 29:18

Oo Ue, Ue Alano i Burahima, i Saki ka i Isaraeli, uempu'umami, Ipekaria iramo ranta nahina tampulaano aroado bawaa-Miu anu kanandio-andio ka kongko Iwawao aroado ndi Omiu.

2 Tawarika 20:5

Ka i'amba i Yosapa mentade i tonga-tongano bawaa Yehuda ka Yerusale i raha-Do i Ue, i arono kintala anu da wo'ohu

2 Tawarika 25:8

Tewala ondae tepo'asa saru omiu, maupo kana'umpe wineweu ka rosomiu a laro mpeteaa, Ira metadiakomiu Ue Ala i arodo iwali, hangano Ondae Ue Ala hinao pabawa-Do montulungi ka mompetadiako!”

2 Tawarika 5:14

Sando mpesomba atuu nahi dompokompentade mpoweweu pesombaa hangano seru atuu, hangano maramba-Do i Ue buketio raha-Do Ue Ala.

2 Tawarika 6:14

ka ipotae, ”Oo Ue, Ue Alano i Isaraeli! Nahina Ue Ala kana Omiu, moiko i langi maupo i tolino. Omiu anu mekariao pedandia ka petenunu mompehohawa a luwuno tetenaa-Miu anu tuwu tompaano aroano i aro-Miu.

Ayubi 9:4

Ondae Ue Ala atuu tedoa monto'ori ka tedoa moroso, isemake anu mokompeteahako umewai Ira, ka kongko tekadudui?

Po'unde-unde 115:3

Ondae Ue Alato kongko i suruga! Ondae weweuo hapa anu inehe-Do.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 47:2

Hei luwuno tongku, pontopamo, totowo Iramo Ue Ala saru pebooli mawongko!

Po'unde-unde 47:8

Hangano Ondae Ue Ala onaemo Mokoleno asa wawontolino, penanimo po'unde-undeako penani pompaguru!

Po'unde-unde 54:1

Tiano petewawado anu mpenani. Saru pemaeno katapi. Penani pompaguruno i Daudi,

Po'unde-unde 62:11

Si mpompe'ala-ala a pompokonsiia, si pomperorohi anu nahina tuduno a rinontu; tewala arataa koteti-tetiangino, si petako aroamu ndi onae.

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Yesaya 14:27

Ondae Ueno luwuakoano montoo Iramo, isemake anu polio umonsoio? Kae-Do tinandeomo, isemake anu polio weweuo ka iwali pinadii?

Yesaya 66:1

Kanandiomo pau-Do i Ue: Langi onaemo kadera poparentaa-Ku ka tolino onaemo pelandaano karu-Ku; raha hapake komiu mpowangua-Kune, ka po'ianga hapake anu ta gagi penaa-naaa-Ku?

Yeremia 49:19

Menteeano, kana singa meluarako inso a ntobu mongurano Koro Yarade me'aiwa a mpada pompakambia, kanatuumo Aku weweu ira mpepobingko mpolai inso i wita atuu ka onae dompotoroo anu bininiki-Ku. Isemake puu mpopakambi anu polio umaropi Aku?

Danieli 4:17

Parenta andio domempaleleo puu mpodagai ka mongkona andio montonda pomputusido mia mempori, ka domento'orio mia mentuwu, nine Anu Tedoa Mantande pabawa a poparentaano mia ka meweengakono ndi sema anu inehe-Do, maupo mia anu tetotoako Dopokotandeo tiano pentoroa atuu.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

WINEWEUDO TINENA 11:17

Gaagi tewala Ondae Ue Ala moweeako ira pompowee-Do mengkena kana ndi ontae tempono tompompu'u mpompe'ala-ala ndi Ondae i Yesu Kerisituu, nde kana'umpeke ka aku umonto Ira?”

ROMA 9:19

Kanandio-andio komiu mpotae ndi ongkue, ”Tewala kanandio, hapapo mbo'u anu da Dopokonsalao? Hangano isema anu umewaio po'ehe-Do?”

Winali 4:39

Onaemo pu'uno imento'oriomo a oleo andio ka impekokoongakono, nine Ondaemo i Ue, Ue Ala anu i langi i wawono ka i tolino i totono, nahina anu susua.

Yosua 2:11

I tempono kimerongeo lele atuu molusaomo aroamami ka namihina sumangano sompo mia umewai komiu, nde Ondae Ue, Ue Alamiu, Ue Ala anu iwawono langi, ka i totono langi.