2 Tawarika 2:4 - Wunta Mempori

⁴ To'oriomo, aku wanguo rahano nee-Do i Ue, Ue Alaku aku mokomemporiako Ira, ka itinunu dupa mo'ahi i aro-Do, roti pesomba pinatinda mpiha ka pesomba tinunu pinesombaako tempono mo'oru ka ngkiniwia, a sompo oleo Saba ka wula wo'ohu ka a luwuno porame-ramea anu pinakosi-Do i Ue, Ue Alamami. Onaemo anu asalakono domeweweuo to Isaraeli ranta nahina tampulaano.

2 Tawarika 2:4 ပူးပေါင်းရင်းမြစ်များ

1 Mokole 5:5

Kai to'oriomo, Tinooku aku mowangu asa raha tiano nee-Do i Ue, Ue Alaku, kana anu dinandi-Do i Ue ndi ondae amaku i Daudi, kanandio: Anamu anu Aku motoroo a ngkadera poparentaamu umeuko, onaemo anu ta wanguo raha atuu tiano nee-Ku.

1 Mokole 8:18

Sine mepau Ira i Ue ndi Daudi, amaku, ”Omue lano upo'asao aroamu mowangu raha po'iangano nee-Ku ka tinoomu atuu tedoa moiko.

1 Mokole 8:63

Gagi pesomba tekaduduia ndi Ondae i Ue, i Salomo mompesombaako rua pulu ka orua nsowu sapi ka asa etu ka rua pulu nsowu bembe bimba. Kanandiomo i mokole saru luwudo to Isaraeli meronsoo raha-Do i Ue atuu.

1 Tawarika 22:5

Mompewowolo i Daudi, ”I Salomo anaku da mongura ka napi hadio ponto'orino, kahinaano raha anu ta wanguako Ira i Ue, asalakono langkai ntu'u, ranta gagi tenee ka lalu tekosi i luwuno wita. Onaemo pu'uno, moikoomo kupompatindaakono!” Ka i'amba i Daudi mompatinda hadio ntu'u se'eluno napi mate.

2 Tawarika 13:11

Sompo mo'oru ka ngkiniwia to Lewi mpontunuako Ira i Ue pesomba tinunu ka dupa mo'ahi, mpopotuda roti pesomba a wawo meda anu morina ka me'atorao hulu mekaru inso a wulaa saru luwuno huluno ka ipinolanga sompo ngkiniwia. Menteeano, omami anu mpekakaakono anu asalakono kami meweweuo ndi Ondae i Ue, Ue Alamami, sine omiu mebinta Ira.

2 Tawarika 2:1

I Salomo meparenta ka iwinangu rahano nee-Do i Ue ka langkanae poparentaano.

Nehemia 10:33

ta weweua roti pesomba, pesomba kaanga anu wela pinesombaako mpiha, pesomba tinunu anu wela pinesombaako mpiha, luwuno oleo Saba, luwuno wula wo'ohu, ka oleo langkai anu wela pinelangkai mpiha, weweua luwuno pesomba mempori ka weweua luwuno pesomba po'onini hala kai wineweu pesintuwuado to Isaraeli, saru a luwuno anggaa i Raha-Do Ue Alamami.

Po'unde-unde 86:8

Nahina kana Omiu i olono luwuno pinesombai, oo Ue, ka nahina kana hapa anu wineweu-Miu.

Po'unde-unde 96:4

Hangano Ondae i Ue tedoa langkai ka tedoa inunde-unde, mongkokongiri Irapo sekono luwuno pinesombai.

Peluarakoa 25:30

Asalakono ponaa mpiha roti pesomba i aro-Ku a wawo meda atuu.”

Peluarakoa 30:7

I wawono meda pontunua pesomba atuu, i Haruni asalakono montunu dupa mo'ahi woono. Sompo mo'oru tempono ipokomorinao luwuno hulu, asalakono kai tunuo.

Powadi 7:20

Asa kadu-kadu doi winawano, da saraipo ipekule tamo hawe wulantii.”