2 Tawarika 2:3 - Wunta Mempori

³ Ka i'amba i Salomo montena mia ndi Hurami, mokole i wita Tirusi, saru pe'oliwi, ”Weweuakunemo kana anu uweweuo ndi Daudi, amaku, tempono upo'oliwi keu arasi ndi ondae tiano powangu langkanae po'iangado.

2 Tawarika 2:3 ပူးပေါင်းရင်းမြစ်များ

2 Samueli 5:11

I Hirami, mokole i Tirusi, montena mia lumako ndi Daudi ka mo'oliwi mbo'u keu arasi, puu mpo'angga keu ka puu mpo'angga watu. Domewanguo langkanaeno i Daudi.

1 Tawarika 14:1

I Hirami, mokole i Tirusi montena mia lumako ndi Daudi ka mo'oliwi mbo'u keu arasi, puu mpo'angga watu ka puu mpo'angga keu ka ira mpowanguakono asa langkanae.

2 Tawarika 13:11

Sompo mo'oru ka ngkiniwia to Lewi mpontunuako Ira i Ue pesomba tinunu ka dupa mo'ahi, mpopotuda roti pesomba a wawo meda anu morina ka me'atorao hulu mekaru inso a wulaa saru luwuno huluno ka ipinolanga sompo ngkiniwia. Menteeano, omami anu mpekakaakono anu asalakono kami meweweuo ndi Ondae i Ue, Ue Alamami, sine omiu mebinta Ira.

2 Tawarika 24:14

Mansano umari, domewawao doi anu torea ndi mokole ka ndi Yoyada. Doi atuu pinake moweweu parewano raha-Do i Ue; parewa a mpoweweua pesomba ka a mpesomba tinunu, ka luwuno sangkiri, saru parewa wulaa ka salaka. Tempono ituwu i Yoyada pesomba tinunu wela pinesombaako a laro raha-Do i Ue.

2 Tawarika 4:19

I Salomo weweuo luwuno parewa anu kongko i raha-Do Ue Ala: meda pontunua pesomba inso a wulaa ka luwuno meda ponaapa roti pesomba,

2 Tawarika 8:13

menunu saru hapa anu pinakosi gagi pesomba a sompo oleo, montonda parentano i Musa, onaemo ia oleo Saba, ia wula wo'ohu, ka pentolu asa nta'u a luwuno oleo langkai andio: oleo langkai Roti Nahi Peragi, oleo langkai Opitu Minggu, ka oleo langkai Laika Lewe Ngkeu.

Esera 6:3

Ta'u amba-ambano poparentaano mokole Koresi, linuarakoomo parentado mokole Koresi: Mongkona Raha-Do Ue Ala i Yerusale, asalakono raha atuu wali winangu gagi po'iangado mia mpopesombaako pesomba sinumbele, ka pondasino a mpo'iangano se'elu. Mantandeno asalakono nomo pulu hiku ka maluano nomo pulu hiku,

Nehemia 10:34

Omami, luwuno sando mpesomba, luwuno to Lewi ka mia hadio, pontende undi mompakosi pompatindaa keu ponahu. Keu atuu asalakono domewawao luwuno pe'etumami i Raha-Do Ue Alamami ia luwuno tempo anu pinakosi sompo ta'u, ka ihina koa api anu melanga a wawo meda pontunua pesomba ndi Ondae Ue Alamami, kana teburi a wunta Taura.

Peluarakoa 25:30

Asalakono ponaa mpiha roti pesomba i aro-Ku a wawo meda atuu.”

Peluarakoa 29:38

”Ndiomo anu asalakono upatindao a wawo meda pontunua pesomba te'atora sompo oleo: orua ana bimba tinuwuno asa nta'u.

Peluarakoa 29:39

Bimba anu asa, asalakono patindao tempono mo'oru ka bimba anu susua, patindao tempono ngkiniwia.

Peluarakoa 29:41

Bimba anu susua asalakono patindao tempono ngkiniwia. Mengkena kana pesomba kaanga ka pesomba tinawa tempono mo'oru, asalakono patindao gagi pesomba anu mo'ahi woono, aasa pesomba anu tinunuako api tia-Do i Ue.

Peluarakoa 30:7

I wawono meda pontunua pesomba atuu, i Haruni asalakono montunu dupa mo'ahi woono. Sompo mo'oru tempono ipokomorinao luwuno hulu, asalakono kai tunuo.

Imama 23:2

”Pepaumo a nto Isaraeli ka potaeako ira: Luwuno oleo langkai anu pinakosi-Do i Ue asalakono kai mento'orio gagi tepotowoa mempori. Luwuno oleo langkai anu Kupakosio onaemo kana tudano andio.

Imama 9:17

Ka i'amba wawao pesomba kaanga ka i'alao asa raku inso ndi onae, ka i'amba tumunuo a wawo meda pontunua pesomba, i horino pesomba tinunu i tempono mo'oru.

Podoaa 28:11

Ia wula monguramiu asalakono impopesombaako gagi pesomba tinunu ndi Ondae i Ue: orua sapi lakino mongura, asa bimba lakino, opitu bimba anu tinuwuno asa nta'u anu nahina tataano,

Podoaa 28:9

”Ia oleo Saba asalakono pinesombaako orua bimba lakino anu tinuwuno asa nta'u anu nahina tataano, orua ntia hopulu efa tarigu moiko ntu'u gagi pesomba kaanga anu sinaloako lana ka pesomba tinawano.