2 Tawarika 19:8 - Wunta Mempori

⁸ Ka i Yerusale i Yosapa mompotoro ba'opia mia inso i olodo to Lewi, inso i olodo sando mpesomba ka inso i olono petewawa pepe'etuado to Isaraeli anu mompowee pomputusi kara-kara mongkona songka-Do i Ue ka nteposisalaa. Ondae mpentoro i Yerusale.

2 Tawarika 19:8 ပူးပေါင်းရင်းမြစ်များ

1 Tawarika 23:4

”Inso i olodo, rua pulu ka opaa nsowu mia asalakono medagaio anggaa a raha-Do i Ue; nomo nsowu mia asalakono gagi puu mpo'atora ka puu mpobitara;

1 Tawarika 26:29

Inso a nto Yisihari, onaemo i Kenanya ka luwuno anano anu mpo'angga a nsusuano a nto Isaraeli, gagi puu mpo'angga ka puu mpobitara.

2 Tawarika 19:11

Menteeano i Amaria, sando mpesomba langkai pinotoro gagi petewawamiu a laro luwuno kara-kara pe'uea ka i Sebaja anano i Isumaila, mia pinerorohi a nsuku Yehuda, a laro luwuno kara-kara poparentaa, ka to Lewi ira mpekakaakomiu anu gagi puu mpo'atora. Impoputusimo temantindo! Po'ineeomo Ondae i Ue kumongkomio mia anu moleo aroa.”

2 Tawarika 19:9

Iparenta ira, ”Omiu asalakono pomputusi saru doitoako Ira i Ue, mpetenunu ka saru moleo aroa, kanandio:

Po'unde-unde 122:5

Hangano, i ra'aimo ininaa luwuno kadera pobitaraa, kaderado somborino i Daudi.

Yehesikieli 44:24

I larono asa kara-kara ondae asalakono domegagi puu mpobitara ka mpobitara montonda luwuno atora-Ku. Ondae asalakono mpe'ini a luwuno songka ka pompakosi-Ku a luwuno oleo langkai-Ku ka mpokomemporio oleo Saba-Ku.

Winali 21:5

Luwuno sando mpesomba inuleno to Lewi, asalakono aiwa merangkuhio, hangano ondaemo anu bininiki-Do i Ue, Ue Alamiu, anu mekakaako Ira ka mompowee ronso a nee-Do i Ue. Montonda pomputusidomo sompo kara-kara bela-mobelai, kai pinoko'umari.

Winali 25:1

Tewala hinao pe'u'uaa i olono ba opia mia, ka domelako a pompaua kara-kara, ka pinau kara-karado kai pinutusi isema anu mentee ka isema anu sala.