2 Tawarika 19:2 - Wunta Mempori

² Tempo atuu i Yehu anano i Hanani, puu mpongkita atuu, lumako tepohaweakono ka ipotae ndi mokole Yosapa, ”Pototono ke omiu tumulungio mia nahi perio Ira i Ue ka mesambe'eako ira anu umo'aliaako Ira i Ue? Hangano mongkona atuu Ondae i Ue tekuda ndi omiu.

2 Tawarika 19:2 ပူးပေါင်းရင်းမြစ်များ

1 Mokole 16:1

Ka i'amba, haweomo pau-Do i Ue ndi Yehu, anano i Hanani umewaio i Baesa, unino,

1 Mokole 16:12

Kanandiomo i pingko ira i Simiri luwuno somborino i Baesa, menunu saru pau-Do i Ue anu pinohawe-Do ndi Baesa molalo i nabi Yehu,

1 Mokole 16:7

Kanandiomo molalo i nabi Yehu anano i Hanani, haweomo pau-Do i Ue mongkona i Baesa ka somborino hangano luwuno wineweuno anu mosa'o a pongkita-Do i Ue ka hangano ipepateomo i Yerobea. Onae mokotesingkao tekuda-Do i Ue hangano wineweuno kaeno, ranta kai gagi mengkena kana somborino i Yerobea.

1 Mokole 21:25

Menteeano napi hori hina ia kana i Ahabi anu me'atao koroino moweweu anu mosa'o a pongkita-Do i Ue, hangano onae ipopandeio i Isebeli, kombiano.

1 Mokole 22:44

Butu koa luwuno po'ianga pesombaa nahi liahakono. Palili da pompesombaako ka mpotunu pesomba a luwuno pongku wita atuu.

2 Tawarika 16:7

I tempo atuu haweomo i Hanani, puu mpongkita, ndi Asa, mokole Yehuda ka ipotae ndi onae, ”Omue momperorohi ndi mokole Arami ka nahi upomperorohi ndi Ondae Ue Alamu, hangano kanatuu sorodaduno mokole Arami ira mpepotola inso a ngkaemu.

2 Tawarika 18:1

Tempono i Yosapa mompoli ka tedoa pinelangkai. Onae gagi ponino anano i Ahabi.

2 Tawarika 18:28

Umarino atuu lumakoomo mokole i Isaraeli saru i Yosapa, mokole i Yehuda i Ramoti-Gileadi.

2 Tawarika 18:3

Mepauomo i Ahabi, mokole i Isaraeli ndi Yosapa, mokole i Yehuda, ”Beheko ke lumako i Ramoti-Gileadi meronga saru ongkue?” Sangkino ndi onae, ”Mengkena kita, ongkue ka omue, palilimu ka paliliku, aku koa meronga saru omue a laro mpeteaa.”

2 Tawarika 18:7

Sumangki mokole i Isaraeli ndi Yosapa, ”Da hinao asa mia mbo'u anu molalo onae kita mokompo'ema pontiso-Do i Ue. Sine ku'o'aliaakono, hangano onae nahi hori mompau pe'oliwi-Do i Ue anu moiko mongkona ongkue, tendeano masolaa mpiha. Mia atuu onaemo i Mika anano i Yimila.” Motae i Yosapa, ”Nahi moiko mokole ipepau kanandio.”

2 Tawarika 19:1

I Yosapa, mokole i Yehuda, mekule kongko tuwu i langkanaeno i Yerusale.

2 Tawarika 19:10

A laro sompo kara-kara anu pinohawedo wali-walimiu anu mpo'ia i luwuno kota, mongkona po'uwua rea ke mongkona songka, parenta, luwuno pompakosi ka atora, asalakono impopoto'oriako ira, kasi domensala ndi Ondae i Ue, ranta tekuda-Do umalukomiu ka wali-walimiu. Asalakono impoweweu kanandio, ka nahi komiu mensala.

2 Tawarika 20:34

Anu susuano inso a nteweweuno i Yosapa, inso a pompu'uano hawe pokotompaano, menteeano luwuno atuu teburi i laro wunta teweweuno i Yehu anano i Hanani, anu teburi a laro wuntado luwuno mokole Isaraeli.

2 Tawarika 24:18

Domebintao raha-Do i Ue, Ue Alano uempu'udo, ka do'amba mpesomba a luwuno karuno lahumoa ka tinaha lahumoa. Hangano hala atuu Yehuda ka Yerusale i'aluo pontekudaako.

2 Tawarika 26:18

ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

2 Tawarika 32:25

Sine i Hisikia nahi pontarimakasi a moikoa anu tinisoako ndi onae, hangano onae gagi mompelangka-langkai. Onae ka Yehuda saru Yerusale i'alu ira pontekudaako.

Po'unde-unde 15:4

anu me'uru-uruo mia anu tekona ipine'uru-uru, sine melangkaio mia anu doitoako Ira i Ue; anu me'ini a sumpa, maupo rugi;

Po'unde-unde 21:8

Hangano mokole mompe'ala-ala ndi Ondae i Ue, ka hangano pompehohawa-Do Anu Tedoa Mantande onae nahi telelu.

Po'unde-unde 68:1

Tiano petewawado anu mpenani. Penani po'unde-undeno i Daudi. Penani.

Po'unde-unde 71:15

ngangaku ta tumutuluo moleo-Miu ka tekaduduia inso ndi Omiu hawe sumoo oleo, hangano nahi kupokodoao.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Amosi 7:14

Sumangki i Amosi ndi Amasia, ”Ongkue komba nabi ka ongkue komba tewinso bawaano nabi, tendeano ongkue andio puu mpopakambi ka puu mpo'opu wua ara.

I YOHANE 15:18

”Tewala i'o'aliaakomiu wawontolino, impewowoloomo nine se'eluomo i'o'aliaa-Kune sekonopo omiu.

I YOHANE 15:23

Ba isema umo'aliaa-Kune, i'o'aliaako Ira mbo'u Ama-Ku.

ROMA 1:18

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

ROMA 1:30

Ondaemo anu mpompepaukiako, mara mpontuluri, umo'aliaako Ira Ue Ala, nahi domponto'ori gau, mpompelangka-langkai, mpehamba-hamba, mempande a wineweu mosa'o, nahi dompomperorongeako a mia mota'u,

ROMA 1:32

Hangano maupo domento'orio luwuno anu po'eheno songka-Do Ue Ala, onaemo nine sompo mia anu weweu ira anu kanandio, tekona ihinuku mate, ondae komba butu meweweuo ondaedo, sine dompemoiko ira koa mbo'u anu meweweuo.

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

EPESU 5:11

Si mpompokowali a luwuno wineweu wongi-wongi anu nahi pewuaako hapa-hapa, sine tendeano imposabaomo luwuno wineweu atuu.

Winali 32:41

tewala Ku'ahao ponai-Ku anu tesosangkilo, ka kae-Ku mo'ini pohukua, Aku koa mombalo tinoo a iwali-Ku ka humuku ira anu umo'aliaa-Kune.

Winali 33:11

Ironsoomo, oo Ue, rosono ka Ipekonaomo inanggano. Ipuroakonomo lompeno mia anu umewaio ka anu umo'aliaakono, ranta nahi dompoko mpentade.”

Winali 5:9

Si mpenggolontu mpelangkaio ke mpesomba ndi onae, hangano Ongkue Ue, Ue Alamiu, onaemo Ue Ala anu monsiri, anu mombalo salano ama a luwuno anano hawe a inuleno ko'otolu ka ko'opaa inso a luwuno mia anu umo'aliaaKune.

Winali 7:10

Sine a mia anu umo'aliaako Ira, Ondae mombaloako pompepate ndi ondae. Nahi Doponaa-naa ka Doweweuo pombaloa a mia anu umo'aliaako Ira.

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 Samueli 9:9

I ndi'ipua i Isaraeli tewala mia lumako ta mo'ema pontiso-Do Ue Ala, dompotae kanandio, ”Aiwa ka tomelako a puu mpongkita.” Anu tempo kanandio nineeako nabi.