2 Tawarika 18:7 - Wunta Mempori

⁷ Sumangki mokole i Isaraeli ndi Yosapa, ”Da hinao asa mia mbo'u anu molalo onae kita mokompo'ema pontiso-Do i Ue. Sine ku'o'aliaakono, hangano onae nahi hori mompau pe'oliwi-Do i Ue anu moiko mongkona ongkue, tendeano masolaa mpiha. Mia atuu onaemo i Mika anano i Yimila.” Motae i Yosapa, ”Nahi moiko mokole ipepau kanandio.”

2 Tawarika 18:7 ပူးပေါင်းရင်းမြစ်များ

1 Mokole 18:17

Mansano i Ahabi kumitao i Elia, motaeomo, ”Omueke atuu mia anu sumolangi ira to Isaraeli?”

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 9:22

Mansado kumitao i Yehu, mesikeno i Yorami, Saru tinoo mesintuwu ke andio Yehu?” Sumangki i Yehu, ”Kana'umpe ka ta hina pesintuwu, tempono mia mebebelesuno i Isebeli, inemu, ka mia anu pande sihiri hadio ntu'u!”

2 Tawarika 18:13

Sine sumangki i Mika, ”Ndi Ondae i Ue anu tuwu, menteeano hapa anu Ira pauo Ue Alaku, onaemo anu aku pauo.”

2 Tawarika 18:6

Sine i Yosapa mesikeno, ”Nahina mbo'u ke i ndi'ai te'asa nabi-Do i Ue, ka molalo onae kita mokompo'ema pontiso?”

2 Tawarika 18:8

Ka i'amba mokole i Isaraeli moboio asa mia anu langkai potorono, ipotae, ”Lakomo potuturako poboio i Mika anano i Yimila!”

Po'unde-unde 34:21

Ondae dumagaio luwuno wukuno, nahina maupo te'asa ta tepudu.

Po'unde-unde 55:3

Iperio akumo ka Isangki akumo! Nahi kurodo a laro pompemasusaku,

Po'unde-unde 69:14

Sine ongkue, mekakai aku ndi Omiu, oo Ue, i tempo Ipemoikoo, oo Ue Ala; a pompehohawa-Miu anu langkai Isangkiakunemo pontulungi-Miu anu nahi otu-otu!

Powadi 25:12

Kana sinsi wulaa ka peramba-ramba wulaa, kanatuumo pekuahakono mia pande mosongka a biri anu moronge.

Powadi 29:10

Mia anu mokorangaako rea umo'aliaakono mia moleo, sine mia anu moleo aroano merioo penaano.

Powadi 9:8

Si pongkuahako mia mompasinggiri ka si o'aliaakomu, kuahakonomo mia pande mosongka, ka ta mehohawako.

Yesaya 30:10

anu motaeako ira puu pomparesa, ”Sii mpomparesa,” ka a puu pongkita, ”Siimo impokitaakami mongkona anu mentee, sine impopaumo anu nahi mentudu ndi omami, kitaakamimo mongkona anu komba mentee,

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 38:4

Ka i'amba luwuno mia pinemota'u mpotae ndi mokole, ”Po'ineeomo mia andio ihinuku mate! Hangano, menteeano pau anu kanatuu onae mokomolusao rosodo sorodadu anu da mentuwu i kota andio ka rosodo palili. Mentee ntu'u, mia andio nahi po'ungkeaono manangaino tongku andio, tendeano masolaa.”

Amosi 5:10

Dome'o'aliaakono mia anu mongkuahako a mpewowa langkai, ka motewedo mia anu mepau moleo.

Mika 2:7

Moiko ke mongkona atuu ipinau, hei inuleno i Yako? Nde nahi sompo ke sabara-Do i Ue? Kanatuu ke wineweu-Do? Kombake pauku moiko a mia anu tuwu moleo?

I MARAKUSU 6:27

Mopari-pari mokole tumenao asa mia puu mpodagaino ka iparentao umalao uluno i Yohane. Mia atuu lumako ka i'impahio uluno i Yohane a torungku.

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

I YOHANE 7:7

Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

GALATIA 4:16

Nde ba mompau menteea ndi omiu gagi akumo iwalimiuke?