2 Tawarika 18:4 - Wunta Mempori

⁴ Sine i Yosapa motae ndi mokole i Isaraeli, ”Moiko pinesikenoako se'elu pontiso a mpau-Do i Ue.”

2 Tawarika 18:4 ပူးပေါင်းရင်းမြစ်များ

2 Samueli 2:1

Ba'opia tempo lembuino, i Daudi mo'ema pontiso ndi Ondae i Ue, ”Asalakono aku lumako ke a aasa kota i Yehuda?” Pau-Do i Ue ndi onae, ”Lakomo.” Motaeomo i Daudi, ”Isuake asalakono ba kulako?” Pau-Do, ”i Heberoni.”

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

2 Samueli 5:23

I Daudi mo'ema pontiso ndi Ondae i Ue ka Dopepau, ”Si melako, sine impelempamo mpetanggolili hawe i bungkudo, ranta kau pokosapoi ira, te'aro inso a laro ngkeu murubei.

2 Tawarika 18:3

Mepauomo i Ahabi, mokole i Isaraeli ndi Yosapa, mokole i Yehuda, ”Beheko ke lumako i Ramoti-Gileadi meronga saru ongkue?” Sangkino ndi onae, ”Mengkena kita, ongkue ka omue, palilimu ka paliliku, aku koa meronga saru omue a laro mpeteaa.”

2 Tawarika 18:5

Umarino atuu mokole i Isaraeli pumpu ira luwuno nabi, pato etu mia hadiono, ka i'amba mesikenoomo ndi ondae, ”Nde moiko koa ke kami lumako metea umewaio Ramoti-Gileadi ke osi'i?” Mesangki ira, ”Ilakomo! Ira koa meweengakono Ue Ala a ngkaemiu mokole.”

2 Tawarika 34:26

Sine ndi mokole i Yehuda anu tumena komiumo ka impo'ema pontiso-Do i Ue, asalakono imempauakono kanandio: Kanandiomo pau-Do i Ue, Ue Alado to Isaraeli: Mongkona pau anu urongeomo atuu,

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Yeremia 21:2

”Pesikenoakamimo pontiso-Do i Ue, hangano i Nebukanesa, mokole i Babeli, meteaa kami! Bara'ura Ondae i Ue Ira weweua kami mengkena kana luwuno wineweu-Do anu kinohali-haliako, ka ibinta kami i Nebukanesa.”

Yehesikieli 20:3

”Hei anano mia, pepaumo a luwuno mia memota'udo to Isaraeli ka potaeako iramo: Kanandiomo pau-Do Ue Ala: Nde komiu me'aiwa mpo'ema pontisoke inso ndi Ongkue? A nee-Do i Ue anu tuwu, nahi Kubehe komiu mpo'ema pontiso inso ndi Ongkue, kanandiomo pau-Do Ue Ala.

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”