2 Tawarika 18:31 - Wunta Mempori

³¹ Nahi tehine umarido luwuno tadulako puu mpetea kareta atuu mengkitao i Yosapa, dompotae, ”Onaemo atuu mokole i Isaraeli!” Ka do'amba mengkaduo, ira mensapoio, sine i Yosapa mebooli ka Dotulungio i Ue. Ondae Ue Ala weweu ira ka domelako inso ndi onae.

2 Tawarika 18:31 ပူးပေါင်းရင်းမြစ်များ

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

2 Tawarika 13:14

Mansano to Yehuda mpewolili i bungkudo, mengkaa ondae asalakono mpo'aropi peteaa inso i arodo ka inso i bungkudo. Ka do'amba mpebooli ndi Ondae i Ue. Luwuno sando mpesomba mempuurio napiri,

2 Tawarika 13:15

ka luwuno to Yehuda mpebooliako hio mpetea. I tempono to Yehuda atuu mpebooliako hio mpetea, Ondae Ue Ala mokontenangio i Yerobea ka luwuno to Isaraeli i arono i Abia ka Yehuda.

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

2 Tawarika 18:30

Kanatuumo mokole i wita Arami umariomo moweeako ira parenta a luwuno tadulako puu mpetea karetano kanandio, ”Sii mpetea mo'ewai mondeeno mia, tendeano umewaio butu mokole i Isaraeli.”

2 Tawarika 18:32

Nahi tehine umarino luwuno tadulako puu mpetea kareta atuu mengkitao, nine onae komba mokole i Isaraeli, onaemo ka domposuka inso ndi onae.

2 Tawarika 26:7

Ondae Ue Ala tumulungio umewai ira to Pelisiti, to Ara anu mpo'ia i Guri-Baala, ka to Me'unimi.

Esera 1:1

A nta'u amba-ambano poparentaano i Koresi, mokole i Peresia, Ondae i Ue lumeluo aroano i Koresi, mokole Peresia atuu, ka ite'ihii pau-Do iUe anu pinauno i Yeremia. Onaemo ka ipinalele pepopoto'ori andio a luwuno poparentaa, pinau ka binuri, kanandio,

Esera 7:27

Inunde-unde Iramo i Ue, Ue Alado uempu'uto anu lumeluomo aroado mokole kai gagi kanandio, ranta kai tekosi doweweuo raha-Do i Ue i Yerusale,

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Po'unde-unde 118:13

Ongkue hinidi ka hinidi ka kutedonta, sine Ondae i Ue tumulungi aku.

Po'unde-unde 34:7

Mia anu tepokonsii andio mebooli, ka Dorongeo i Ue, Ondae kumaduduio inso a pompema'isono.

Po'unde-unde 46:1

Tiano petewawa anu mpenani. Inso a inuleno i Kora. Saru nanino Alamoti. Penani.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 56:10

Ka iwaliku ta mosuka i tempono kupebooli; kupe'ala-alao nine Ondae Ue Ala me'alaako ndi ongkue.

Po'unde-unde 94:17

Tewala komba Ondae i Ue anu tumulungi aku, ilawu kupo'ia a mpo'ianga boni-boni.

Peluarakoa 14:10

Mansano umpedaomo i Pirao, mpewolili iramo to Isaraeli, domengkita iramo to Masiri aiwa tumonda ira. Onaemo to Isaraeli ka domedoito ntu'u, ka dompebooli ndi Ondae i Ue.

Powadi 16:7

Tewala Dopemoikoo i Ue pesalaano asa mia, maupo iwalino mia atuu Dopokosintuwuo saru onae.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.