2 Tawarika 17:7 - Wunta Mempori

⁷ A nta'u ko'otolu poparentaano itena ira i Benaili, i Obaja, i Sakaria, i Netane'eli ka i Mika, luwuno anu langkai potorono ka dompopaguru a luwuno kota i Yehuda.

2 Tawarika 17:7 ပူးပေါင်းရင်းမြစ်များ

2 Tawarika 15:3

To Isaraeli tehineomo ntu'u nahina Ue Alado anu mentee, nahina sando mpesomba anu mompaguru, ka nahina songka.

2 Tawarika 30:22

I Hisikia mohaweo luwuno pau mpo'unde-unde a luwuno to Lewi anu momoiko ntu'u a laro pompekakaako-Do i Ue. Kanandiomo mia dompongkaa kaanga oleo langkai atuu i larono opitu oleo, ka dompopesombaako pesomba tekaduduia ka po'unde-unde ndi Ondae i Ue, Ue Alano uempu'udo.

2 Tawarika 35:3

Ipotaeako ira to Lewi, luwuno puu mpompaguru a luwuno Isaraeli, ondae anu pinokomempori tia-Do i Ue, ”Imenaaomo Burua Mempori atuu i laro raha anu umariomo ipontandeo i Salomo anano i Daudi, mokole i Isaraeli. Siimo mbo'u imenselao. Kanandio-andio impekakaako Iramo i Ue, Ue Alamiu, ka Isaraeli, bawaa-Do!

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Nehemia 9:3

Kontongaado mpentade a mpo'iangado, binasaomo wunta Taura-Do i Ue, Ue Alado, i larono asa ntia opaa oleo, sekono asa ntia opaa oleo mbo'u, mempauo mangakudo ka mpenggolontu mesombai Ira i Ue, Ue Alado.

Po'unde-unde 34:11

Luwuno singa mongura memarasai mokoninggo, sine luwuno mia anu umungke Ira i Ue, nahi pompemakura maupo te'asa anu moiko.

Po'unde-unde 51:13

Siimo Itadi aku inso i Aro-Miu, ka siimo I'alao penaa-Miu anu mempori inso ndi ongkue!

Puu Pontutulu 1:12

Ongkue, Puu Mpontutulu, onaemo mokoledo to Isaraeli i Yerusale.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Imama 14:42

Mia asalakono mpo'ala watu susua ka i'amba pasao gagi euno luwuno watu hieno, ka asalakono mpo'ala wita susua kai inapii rereno raha atuu.

Podoaa 1:8

inso a nsuku Isakari: i Netane'eli anano i Suari;

I MATIU 4:23

Dotanggoliliomo i Yesu luwu wita i Galilea; Ondae mompaguru a laro luwuno raha tepumpua ka paleleo Lele Mawongkoa poparentaa-Do Ue Ala saru mokotampulao luwuno haki ka molemaa i olodo tongku atuu.

I MARAKUSU 4:2

Ka hadio rupa Dopaguruako ira a mpotundaano. A pompaguru-Do atuu Dopotaeako ira,

WINEWEUDO TINENA 1:1

Hei Teopilu, a wuntaku anu amba-ambano kuburio mongkona luwuakoano anu inangga ka pompaguru-Do i Yesu,

Winali 33:10

Dopaguruako ira atora-Miu ndi Yako, songka-Miu a nto Isaraeli; mponaa ira pesomba anu mana mo'ahii aro-Miu ka pesomba anu tinunu luwu i wawono meda pontunua pesomba ndi Omiu.

Winali 4:5

Impewowoloomo, kupaguruakomiumo pompakosi ka atora, kana anu Doparentaakune i Ue, Ue Alaku, kai meweweuo kanandio i wita, anu komiu mpewinsokio kai mpetorokio.