2 Tawarika 16:2 - Wunta Mempori

² Ka i'amba i Asa lumuarakono wulaa ka salaka inso a mponaapa i raha-Do i Ue ka ponaapa i rahano mokole ka i'oliwio ndi Benihada, mokole Arami anu mo'ia i Damasi saru pe'oliwi,

2 Tawarika 16:2 ပူးပေါင်းရင်းမြစ်များ

1 Mokole 15:18

Sine i Asa umalao luwu wulaa ka salaka anu da kongko a laro ponaapa arataano raha-Do i Ue ka anu ninaa i laro ponaapa arataa a rahado mokole, ka i'amba meweengakono a ngkaedo pegawaino. Ka i'amba mokole Asa tumena ira melako ndi Benihada anano i Taberimoni anano i Hesioni, mokoledo to Arami anu mo'ia i Damasi, saru pe'oliwi,

2 Mokole 12:18

Sine i Yoasi, mokoledo to Yehuda, umalao luwuno pesomba mempori anu ipokomemporiomo i Yosapa, i Yorami ka i Ahasia, luwuno mokoledo to Yehuda, luwuno uempu'uno ka luwuno pesomba memporino onaeno, luwuno mbo'u wulaa anu ninaa a mpopekariaa arataa a raha-Do i Ue ka a langkanaedo mokole, ka i'amba umoliwio luwu ndi Hasaeli, mokoledo to Arami. I Hasaeli nahi gagi sumapoio Yerusale.

2 Mokole 16:8

I Ahasi umalao salaka ka wulaa anu ninaa a laro raha-Do i Ue ka anu pinekaria a langkanaedo mokole, ka i'amba umoliwio ndi mokoledo to Asuri gagi pompowee.

2 Mokole 18:15

I Hisikia meweengakono luwuno salaka anu kongko a laro raha-Do i Ue ka anu pinekaria a langkanaedo mokole.

2 Tawarika 16:1

A nta'u kotolu pulu ka onoo poparentaano i Asa, lumakoomo i Baesa, mokole i Isaraeli umewaio Yehuda. Ipokomorosoo Rama tumangkoroo mia meluarako ka mewinso a wita pinabawaino i Asa, mokole Yehuda.

2 Tawarika 16:3

”Hinao pedandia olono ongkue ka omue, kana olono amaku ka amamu. Kitaomo, ku'oliwio wulaa ka salaka ndi omue. Baliomo pedandiamu saru i Baesa, mokole i Isaraeli, kai ponsuka inso ndi ongkue.”

2 Tawarika 28:21

I Ahasi rumontuo luwuno sangka inso a raha-Do i Ue, inso a rahano mokole ka inso a luwuno rahado petewawa. Ipeweengakono luwuno atuu ndi mokoledo to Asuri, sine luwuno atuu komba gagi me'uraano.

Yeremia 49:23

Mongkona Damasi, ”Hamati ka Aripadi pinokoko'iiomo, hangano mporonge ira lele mosa'o; aroado mpondidi-ndidi medoito, kana tahi anu nahi pokorodo.