2 Tawarika 15:2 - Wunta Mempori

² Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.

2 Tawarika 15:2 ပူးပေါင်းရင်းမြစ်များ

1 Mokole 11:25

Onae gagi ewaido to Isaraeli asa ntinuwuno i Salomo, moweweuako ira masukaraa kana anu wineweuno i Hadadi. Imokoburuako ira to Isaraeli ka igagi mokoledo to Arami.

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

2 Mokole 21:14

Aku mo'ineeki ira toreano tia pusaka-Ku ka meweengako ira a ngkaedo luwuno iwalido. Ira megagi pomurua ka rontuado luwuno iwalido,

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 11:12

Maupo kanta ka kansai ipatindao a sompo-sompo kota. Iweweuo luwuno kota atuu tedoa moroso. Kanandiomo Yehuda ka Benami gagi wita pinabawaino.

2 Tawarika 12:5

Nabi Semaya aiwa ndi Rehabea ka luwuno petewawa Yehuda anu mpepumpu i Yerusale hangano ponsapoino i Sisaki. Ipotaeako ira, ”Kanandiomo pau-Do i Ue: Imebinta Akumo, onaemo pu'uno Ongkue mbo'u bintakomiu a laro pabawano i Sisaki.”

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

2 Tawarika 13:4

I Abia mentade i wawo ntorukuno Semaraimi, anu tewinso mentorukuno Eparai, ka ipotae, ”Imeronge akumo, Yerobea ka luwuno Isaraeli!

2 Tawarika 15:15

Luwuno Yehuda memawongkoakono sumpa atuu, hangano tompaanomo aroado dompesumpa. Ka i'amba saru pompo'asa aroa anu bobotoli do'ungke Ira i Ue. Ondae i Ue memoikoo dontepohaweako Ira ka moweeako ira rodoa ndi ondae i suamo koa.

2 Tawarika 15:4

Sine a laro masukaraa mpepokule ira ndi Ondae i Ue, Ue Alano i Isaraeli. Dome'ungke Ira i Ue ka Dopemoikoo dontepohaweako Ira.

2 Tawarika 20:15

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i Ue ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

2 Tawarika 24:20

Ka i'amba i Sakaria, anano sando mpesomba Yoyada, ipabawaio Penaa-Do Ue Ala. Onae mentade i arodo palili ka ipotaeako ira, ”Kanandiomo pau-Do Ue Ala: Tembio kai melimpaio luwuno parenta-Do i Ue, ranta nahi ime'ura? Hangano imebinta Ira i Ue, Ondae mbo'u binta komiu!”

2 Tawarika 26:5

Onae umungke Ira Ue Ala tempono i Sakaria da tuuwu anu paguruo ka idoitoako Ira Ue Ala. Tempono i'ungke Ira i Ue, Ondae Ue Ala weweuo mehasili.

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

Esera 8:22

Hangano mo'o'anuku mo'ema sorodadu ka sorodadu mpengara ndi ondae mokole anu ta dumagai kami inso a iwali a mpelempaa mami, hangano mpotae kamimo ndi ondae mokole, kanandio, ”Kae-Do Ue Ala mami kumongkomio luwuno mia anu mo'ungke moikoano ndi Ondae, sine pabawa-Do mompotii tekuda-Do a mia anu mebungkui Ira.”

Po'unde-unde 34:4

Unde-unde Iramo i Ue meronga ongkue, aiwamo tomperonga-ronga paleleo nee-Do!

Po'unde-unde 53:2

Mia monge-monge motae i laro aroano, ”Nahina Ue Ala!” Mosa'o ntu'u ka mokoburu molengkudo, nahina anu moweweu moiko.

Yesaya 45:19

Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”

Yesaya 51:1

Ronge Akumo, hei omiu anu mpolulu hapa anu mente, hei omiu anu umungke Ira i Ue! Kitaomo torukuno watu anu inso ndi onae imempina'o, ka a aa pongkekea watu anu inso ndi onae imengkineke.

Yesaya 7:13

Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa?

Yeremia 2:17

Komba omuemuke anu mokohinao andio a ngkoroimu, hangano ubinta Ira Ue Alamu, tempono Dotaateko a nsala?

Amosi 5:14

Ungkeomo anu moiko ka osi'i anu mosa'o, ka imentuwu. Bakanandio Ondae i Ue, Ue Alano luwuakoano, Ira kumongkomi komiu, kana anu pinaumiu.

Sakaria 1:3

Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

Podoaa 14:42

Siimo imelako, hangano Ondae i Ue nahi Ira kongko i tonga-tongamiu, kasi donangi komiu iwalimiu.

Podoaa 14:43

Mentee ntu'u, to Amale ka to Kana'a mekongko ira i ra'ai i aromiu ka komiu memateako ponai. Hangano mpewolili komiu mebungkui Ira i Ue, ka Ondae i Ue nahi Ira kumongkomi komiu.”

I MATIU 13:9

Isema mebiri, ka iporonge!”

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 31:17

I tempo atuu tekuda-Ku ta tensila ndi ondae. Aku binta ira ka wunio rupa-Ku inso ndi ondae, ranta ka domempingko ka i alu ira hadio masolaa saru masusaa. I tempo atuu ira mpotae, ’Kombake masolaa atuu umalu kita, hangano Ondae i Ue, Ue Alato nahi Dokongko i oloto?’

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

Yosua 22:31

Ka i'amba motaeomo sando mpesomba Pineha anano i Eleasa ia inuleno i Rube, inuleno i Gadi, ka inuleno i Manase, ”Kanandio kimento'oriomo motae Ondae i Ue ndio Ira i oloto, nde nahi bali petenunumiu ndi Ondae i Ue. Tewala kanandio impotola iramo to Isaraeli inso ia pohuku-Do i Ue.”

Yosua 24:20

Tewala imebinta Ira i Ue, ka mpesomba a anu pinesombaido mia hawe, Ira mebungkui komiu, ka Ira moweakomiu urasa'o, ba mokoropu komiu umari-Do moweweu anu moiko ndi omiu.”

MENGKAAA 2:11

Isema mebiri, po'ineeomo ka ipomperorongeako hapa anu pinau-Do Penaa a luwuno bawaa: Ba isema monangi, onae nahi ta marasai hapa-hapa a matea anu kompenduano.”

MENGKAAA 2:17

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, ndi onae Aku moweeakono inso a manna anu tewuni; ka Aku moweeakono watu mopute, anu i wawono teburi nee wo'ohu, anu nahi to'orio maupo isema, sangkadio anu tumarimao.”

MENGKAAA 2:29

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

MENGKAAA 3:13

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”

MENGKAAA 3:22

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”

MENGKAAA 3:6

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”

Puu Mpobitara 10:13

Sine imebinta Akumo ka impesomba a anu pinesombai susua. Onaemo, ka nahi Aku tumolosikomiu mbo'u.

Puu Mpobitara 9:7

Mansano luwuno atuu pinauako i Yota, lumakoomo ia torukuno Gerisimi ka ipentade i punsuno, ka ipebooli tedoa meroku ndi ondae, ”Imeronge aku, omiu palili Sikeme, Ondae Ue Ala ta rumonge komiu!

1 Samueli 12:14

Tewala imedoitoako Ira i Ue, impesomba ndi Ondae, imperorongeakono pau-Do, si me'ewaio songka-Do, ka omiu saru mokole anu parenta komiu tumonda Ira i Ue, Ue Alamiu, moikoomo kanandio.

1 Samueli 12:15

Sine tewala nahi mpomperorongeako ndi Ondae i Ue, ka ime'ewaio petena-Do, kae-Do i Ue ta umewai komiu saru mokolemiu.