2 Tawarika 15:12 - Wunta Mempori

¹² Ondae mpetonda saru tompaano aroado ka sumangado a laro pedandia umungke Ira i Ue, Ue Alano uempu'udo.

2 Tawarika 15:12 ပူးပေါင်းရင်းမြစ်များ

1 Mokole 8:48

tewala mpepokule ira ndi Omiu tompaano aroado ka tompaano tinuwudo i witado iwali anu wawa ira mentinawa, ka tewala mpekakai ira ndi Omiu saru mpe'aro a witado anu Iweeako iramo uempu'udo, a ngkota anu Ibinikiomo ka a raha anu kuwanguomo tiano nee-Miu,

2 Mokole 11:17

Ka i'amba i Yoyada moweweu pedandia olo-Do i Ue ka mokole ka palili nine ondae megagi bawaa-Do i Ue; ka i'olodo mbo'u mokole ka palili.

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

2 Tawarika 11:16

Tumonda ira, inso a luwuno suku Isaraeli mehawe iramo i Yerusale luwuno mia anu bobotoliomo aroano ta umungke Ira Ue Alano i Isaraeli. Ira mpopesombaako pesomba ndi Ondae i Ue, Ue Alano uempu'udo.

2 Tawarika 15:4

Sine a laro masukaraa mpepokule ira ndi Ondae i Ue, Ue Alano i Isaraeli. Dome'ungke Ira i Ue ka Dopemoikoo dontepohaweako Ira.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 23:16

Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue.

2 Tawarika 29:10

Kanandio-andio montoo aku mowutu pedandia saru Ondae i Ue, Ue Alano i Isaraeli, ka tekuda-Do anu tensila atuu ka ibinta kita.

Nehemia 10:29

Mpe'asa ira saru luwuno pepaekompodo, luwuno mia pinemota'u atuu. Ondae mpesumpa totonaa kadomentuwu montonda songka-Do Ue Ala anu domewineeako molalo i Musa, tetenaa-Do Ue Ala atuu, ka mentondao mpiha ka meweweuo luwuno parenta-Do i Ue, Ondaemo Uemami, saru luwuno atora ka pompakosi-Do.

Nehemia 9:38

Me'empehiako luwuno andio kami mpoweweu pedandia moroso, anu binuri ka luwuno petewawamami, to Lewi saru luwuno sando mpesomba mponaakono petondoni.

Yeremia 50:5

Ondae mpesikenoakono sala lumako i Sioni, i ra'aimo te'aroano rupado. Ondae me'aiwa ka tepo'asaako Ira i Ue, a laro mpedandia nahina tampulaano anu nahi ta kinolupe!

WINEWEUDO TINENA 24:14

Sine kumangakuakono ndi omiu, nine ongkue mesomba ndi Ondae Ue Alado uempu'umami saru montonda Sala ndi Ondae i Ue, onaemo anu nineedo Sala anu susua dompeleluakono. Kupe'ala-alao luwuakoano anu teburi a songka Taura ka a wuntado nabi.

2 KORINTI 8:5

Ondae mpompowee hadioopo sekono anu pinerorohimami. Dompeweengakono koroido, amba-ambano ndi Ondae Ue Ala, ka i'amba ndi omami mbo'u hangano po'ehe-Do Ue Ala.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 29:1

Ndiomo pauno pedandia anu winutuno i Musa saru to Isaraeli i wita Moabi montonda saru parenta-Do i Ue, mokosompoo pedandia anu winutu-Do saru ondae i Torukuno Hore.

Winali 29:11

luwuno anamiu, luwuno beinemiu ka luwuno mia hawe a mpekemaamiu, maupo luwuno puu mpobansi keu ka luwuno puu mpotambu uwoi i olomiu.

Winali 29:12

Impentade kai mpewinso i larono pedandia-Do i Ue, Ue Alamiu, sumpa dandi-Do, anu winutu-Do i Ue, Ue Alamiu, saru omiu oleo andio.

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

Yosua 24:25

I'oleo koa atuu, i Yosua moweweu pedandia saru tongku atuu ka moweweu tepo'asaa pau ka atora, ndi ondae i Sikemi