2 Tawarika 14:7 - Wunta Mempori

⁷ Ipotae a nto Yehuda, ”Aiwamo tompokorosoo luwuno kota andio ka lumimbuakono rere watu, luwuno menara, pewowa, ka luwuno lansono. Wita andio da a laro ngkaeto, hangano tome'ungke Ira Ue Alato ka Ondae umungke kita saru moweeakita rodoa a luwuno witato.” Domewanguo ka gagi.

2 Tawarika 14:7 ပူးပေါင်းရင်းမြစ်များ

1 Mokole 15:23

Anu susuano inso a luwuno teweweuno i Asa ka luwuno mosiano, luwuno anu wineweuno saru luwuno kotano anu pinokorosono, kombake luwuno atuu teburi a wunta tutuludo luwuno mokoledo to Yehuda? Sine, i tempono imota'u marasai mompemahaki a orua karuno.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 14:4

Iparenta ira to Yehuda ka do'ungke Ira i Ue, Ue Alano uempu'udo, ka mpetuundu a songka ka parenta.

2 Tawarika 14:6

Iwanguo luwuno kota mebente i Yehuda, hangano i wita atuu rodo. Nahina anu meteaakono a luwuno ta'u atuu, hangano Ondae i Ue moweeakono rodoa.

2 Tawarika 15:15

Luwuno Yehuda memawongkoakono sumpa atuu, hangano tompaanomo aroado dompesumpa. Ka i'amba saru pompo'asa aroa anu bobotoli do'ungke Ira i Ue. Ondae i Ue memoikoo dontepohaweako Ira ka moweeako ira rodoa ndi ondae i suamo koa.

2 Tawarika 17:13

Onae monaa hadio ponaapa kaanga a luwuno kota i Yehuda ka luwuno sorodadu, luwuno puu mpetea anu moroso ka mosia i Yerusale.

2 Tawarika 17:17

Ka i'amba inso ndi Benami, onaemo i Eliada, asa mia puu mpetea anu moroso ka mosia, saru rua etu nsowu mia anu mompake pana ka kanta.

2 Tawarika 20:30

Ka poparentaano i Yosapa rodoomo, hangano Ondae Ue Alano moweeakono rodoa a luwuno siuno wita.

2 Tawarika 25:5

Ka i'amba i Amasia pumpu ira to Yehuda ka tumena ira luwuno to Yehuda ka to Benami, mpentade montonda pepe'etuado asa mia ka asa mia i totono luwuno petewawa sorodadu asa nsowu ka petewawa sorodadu asa etu. Mansano dumoa ira anu tinuwuno rua pulu nta'u kontahane, ihaweo tolu etu nsowu mangalitau anu polio meluarako meteaako kansai ka kanta.

2 Tawarika 26:13

Ondae megagi petewawa a asa bawaa sorodadu hadiono tolu etu ka pitu nsowu ka lima etu mia anu moroso ntu'u a laro mpeteaa, ka dompokowalio mokole mo'aropi iwali.

2 Tawarika 32:5

Tompaano rosono i Hisikia wali wanguo luwuno rere watu anu rinongka. Ipontade ira menara i wawono ka rere watu susua i bungkuno. Ipokorosoo mbo'u Milo i kota Daudi saru moweweu hadio talombo ka kanta.

2 Tawarika 8:5

Onae wali wanguo Beti-Horoni Wawono ka Beti-Horoni Totono gagi kota bente anu merere watu, hinao pewowa langkaino ka melanso,

I YOHANE 9:4

Asalakono ka tome'anggao anggaa-Do anu tumena Aku, tekonai da meene; ta hawe wongi, nahina maupo te'asa mia anu mokompo'angga.

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.

Yosua 23:1

Tehine umari-Do i Ue moweeako ira rodoa a nto Isaraeli ia sompo siuno wita inso ia luwuno iwalido, ka itempono tinuwuno i Yosua mota'uomo,

1 PETURU 3:12

Hangano mata-Do i Ue te'aro a luwuno mia mentee, ka biri-Do a mpo'emado anu mpepetulungi, sine rupa-Do i Ue umewai ira mia anu mpoweweu mosa'o.”