2 Tawarika 14:11 - Wunta Mempori

¹¹ I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

2 Tawarika 14:11 ပူးပေါင်းရင်းမြစ်များ

1 Mokole 8:44

Tewala bawaa-Miu mpeluarako mpetea umewai ira iwalido, maupo isua Itena ira, ka dompekakai ndi Omiu Ue, mpe'aro i kota anu Ibinikiomo ka a raha kuwanguomo tiano nee-Miu,

1 Tawarika 5:20

Ondae mpohawe pepokowali umewai ira mia atuudo, ranta to Hagiri atuu ka luwuno mia anu tumondao mpeweengakono koroido a ngkaedo, hangano mpebooli iramo ndi Ondae Ue Ala a laro mpeteaa atuu. Do'induo po'emado, hangano mpope'ala-ala ira ndi Ondae.

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

2 Tawarika 13:14

Mansano to Yehuda mpewolili i bungkudo, mengkaa ondae asalakono mpo'aropi peteaa inso i arodo ka inso i bungkudo. Ka do'amba mpebooli ndi Ondae i Ue. Luwuno sando mpesomba mempuurio napiri,

2 Tawarika 13:15

ka luwuno to Yehuda mpebooliako hio mpetea. I tempono to Yehuda atuu mpebooliako hio mpetea, Ondae Ue Ala mokontenangio i Yerobea ka luwuno to Isaraeli i arono i Abia ka Yehuda.

2 Tawarika 13:18

Kanandiomo to Isaraeli domeninangi i tempo atuu, sekono to Yehuda gagi moroso, hangano ondae mpomperorohi ndi Ondae i Ue, Ue Alano uempu'udo.

2 Tawarika 14:10

I Asa meluarako umaropio. Dome'atorao baresi mpeteado a lembono Sepata umpeda Maresa.

2 Tawarika 16:7

I tempo atuu haweomo i Hanani, puu mpongkita, ndi Asa, mokole Yehuda ka ipotae ndi onae, ”Omue momperorohi ndi mokole Arami ka nahi upomperorohi ndi Ondae Ue Alamu, hangano kanatuu sorodaduno mokole Arami ira mpepotola inso a ngkaemu.

2 Tawarika 18:31

Nahi tehine umarido luwuno tadulako puu mpetea kareta atuu mengkitao i Yosapa, dompotae, ”Onaemo atuu mokole i Isaraeli!” Ka do'amba mengkaduo, ira mensapoio, sine i Yosapa mebooli ka Dotulungio i Ue. Ondae Ue Ala weweu ira ka domelako inso ndi onae.

2 Tawarika 20:12

Oo Ue Alamami, nde nahi Komiu humuku ira ke? Hangano nahina rosomami umaropio sorodadu anu asa bawaa langkai andio, anu aiwa sumapoi kami. Nahi kimento'orio hapa anu asalakono kami meweweuo, sine mata-Miu tetutu ndi omami.”

2 Tawarika 20:32

Onae tuwu tumondao tumuwuno i Asa, amano; Onae nahi pansia inso ndi onae, ka moweweu hapa anu mentee a pongkita-Do i Ue.

2 Tawarika 25:8

Tewala ondae tepo'asa saru omiu, maupo kana'umpe wineweu ka rosomiu a laro mpeteaa, Ira metadiakomiu Ue Ala i arodo iwali, hangano Ondae Ue Ala hinao pabawa-Do montulungi ka mompetadiako!”

2 Tawarika 26:7

Ondae Ue Ala tumulungio umewai ira to Pelisiti, to Ara anu mpo'ia i Guri-Baala, ka to Me'unimi.

2 Tawarika 32:20

Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga.

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

Po'unde-unde 120:1

Penani mekoho. A laro pompema'isoku kupebooli ndi Ondae i Ue ka Dosangki aku.

Po'unde-unde 18:6

kolorono tolinodo mia mate wewesi aku, luwuno pompete'umala matea tina'o i aroku.

Po'unde-unde 20:5

Po'ineeomo Doweeakomu hapa anu inehemu ka Dopokogagio mehasili hapa anu sinongkamu.

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Po'unde-unde 20:8

Mia andio mompelangka-langkaiako kareta ka mia atuu mompelangka-langkaiako ngara, sine ontae mompelangka-langkai a nee-Do i Ue, Ue Alato.

Po'unde-unde 22:5

Ndi Omiu uempu'umami dompompe'ala-ala; ondae mpompe'ala-ala, ka Omiu motola ira.

Po'unde-unde 22:6

Ndi Omiu ondae mpeboo-booli, ka ondae mempinotola; ndi Omiu dompompe'ala-ala, ka nahi domemokoko'ii.

Po'unde-unde 34:6

Kita Iramo, asalakono rupamu ta mewanta ka nahi ta kongira-ngira.

Po'unde-unde 37:5

Peweengakonomo pesalaamu ndi Ondae i Ue ka pe'ala-ala Iramo, asalakono Ira mongkadudui;

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 9:19

Hangano komba ta kinolupe mpiha mia mongkokolaro, komba ta tampula mpiha pomperorohiano mia marasai.

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Peluarakoa 14:10

Mansano umpedaomo i Pirao, mpewolili iramo to Isaraeli, domengkita iramo to Masiri aiwa tumonda ira. Onaemo to Isaraeli ka domedoito ntu'u, ka dompebooli ndi Ondae i Ue.

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Yesaya 10:20

Sine i tempo atuu to Isaraeli anu da mentuwu ka mia anu da mentuwu i olodo inuleno i Yako, nahi ira mpoperorohi mbo'u a tongku anu numangi ira, sine ira mpoperorohi ndi Ondae i Ue, Anu Tedoa Mempori, Ue Alado to Isaraeli, a laro petenunuado.

Yesaya 2:22

Penaa-naamo pomperorohi a mia, anu butu hinao penaa a engeno; hapa tuduno momperorohi ndi onae?

Yesaya 26:13

Oo Ue, Ue Alamami, pe'uea susua hori ira mempabawai kami, sine butu nee-Miu kimempaleleo.

Yeremia 1:19

Ira mpeteaakomu, sine nahi ira menangiko, hangano Ongkue kumongkomiko ka utola, kanandiomo pau-Do i Ue.”

Imama 26:8

Olima mia inso i olomiu ta molulu asa etu, ka asa etu mia inso i olomiu ta molulu hopulu nsowu ka luwuno iwalimiu ira memateako ponai i aromiu.

Amosi 5:9

Ondae anu moweweu masolaa montiu anu moroso, ranta masolaa umaluo kota mebente.

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

I MATIU 16:18

Ka Kupauakomu mbo'u: Omuemo i Peturu ka a wawo watu manaha andio Aku wanguo bawaa-Ku ka nahi ta pabawaio matea.

I YOHANE 14:1

”Si sala-laro aroamiu; impe'ala-ala Iramo Ue Ala, impompe'ala-ala mbo'u ndi Ongkue.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

WINEWEUDO TINENA 2:21

Ka ba isema anu mebooli a nee-Do i Ue ta kinadudui.

WINEWEUDO TINENA 3:16

Ka hangano pompe'ala-ala a Nee-Do i Yesu, ka Neemo atuu mokorosoo mia anu kinitamiu ka anu tino'orimiu andio; ka pompe'ala-alamo atuu anu mokotompao mia andio i aromiu luwu.

WINEWEUDO TINENA 9:4

Onae tebangku a wita ka irongeomo aasa suara anu mepau ndi onae, ”Saulu, Saulu, tembio ka ubobarasai Aku?”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 32:27

”Sine, Kusala laroakono pompopodeu-deudo iwali, kasi mansa iwalido sala mpewowoloo, ka dompotae, ’Kae mami anu moroso, komba Ondae i Ue anu weweuo luwuno andio.’ ”

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

Puu Mpobitara 7:7

Ka i'amba pau-Do i Ue ndi Gideo, ”Aku tumolosi komiu ka meweengako ira to Midia ia ngkaemu telalo otolu etu mia anu mponsile'i uwoi atuu. Sine palili anu susua atuu moikoomo dompekule ia mpo'iangaado.”

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:47

Luwuno mia anu tepumpu i ndi'ai ira mento'orio nine Ondae i Ue mongkadudui komba mompake ponai, kansai ke pando, hangano peteaa andio peteaa-Do i Ue. Ondae Ira meweengakomiu a ngkae mami.”

1 Samueli 2:9

Dokongkomio pelempado mia pinehohawa-Do, sine mia mosa'o gauno ira memate a wongi-wongiano, nde komba hangano roso onaeno, mia gagi pabawa.