2 Tawarika 13:9 - Wunta Mempori

⁹ Kombake imeliahako iramo sando pesomba-Do i Ue, luwuno anano i Haruni atuu, ka luwuno to Lewi, ka i'amba mpopotoro sando mpesomba montonda gaudo mia i wita susua, ranta sompo mia anu aiwa kai pinokomempori mowawa asa sapi laki mongura ka opitu bimba laki, onae ta gagi sando mpesomba tiano anu susua komba Ondae Ue Ala.

2 Tawarika 13:9 ပူးပေါင်းရင်းမြစ်များ

1 Mokole 13:33

Umarino anu gagi mbo'u andio, i Yerobea nahi tebali inso a ntuwuno anu mosa'o atuu. Ipotoro ira mbo'u sando mpesomba inso a mpalili tiano luwuno pongku wita pesombaa. Isemamo koa anu behe ironsoo gagi sando mpesomba i luwuno pongku wita pesombaa.

2 Mokole 19:18

ka menaao pinesombaido susua a laro api, hangano ondae komba Ue Ala, butu wineweuno kaeno mia, butu keu ka watu, ranta ka dopokonsolangi ira.

1 Tawarika 29:5

wulaa weweua luwuno sangka wulaa ka salaka weweua luwuno sangka salaka ka weweua luwuno anu inanggado puu mpo'angga. Isema ke ia oleo andio umehe mompowee pesombano ndi Ondae i Ue?”

2 Tawarika 13:10

Sine ndi omami, Ondaemo i Ue, Ue Alamami ka nahi kimebinta Ira. Luwuno sando mpesomba anu mpekakaako Ira i Ue, onaemo luwuno anano i Haruni, sekono to Lewi a mpo'anggaado.

2 Tawarika 29:31

Ka i'amba i Hisikia mepau, ”Kanandio-andio impesusuaomo koroimiu tia-Do i Ue. Ime'umpedamo ka wawaomo luwuno pesomba sinumbele ka pesomba po'unde a raha-Do i Ue!” Ka i'amba bawaa mewawao luwuno pesomba sinumbele ka luwuno pesomba po'unde-unde; sompo mia anu moleo aroano wawao luwuno pesomba tinunu.

Peluarakoa 29:1

”Ndiomo anu asalakono kau weweuo ndi ondae mokomempori ira ka domegagi sando mpesomba-Ku. Alaomo asa sapi lakino anu da mongura ka orua bimba lakino anu nahina tataano,

Peluarakoa 29:29

Sangka mempori anuno i Haruni, lembuiano ta gagi tiado luwuno anano. Tempono dome'inurapi ka merinonso, asalakono ka domempakeo.

Peluarakoa 29:35

Kanandiomo uweweuo ndi Haruni ka a luwuno anano, tondao kana anu Kuparentaakomu. Asalakono opitu oleo tehineno uronso ira.

Peluarakoa 32:29

Ka i'amba motae i Musa, ”Oleo andio merinonso komiu ndi Ondae i Ue, hangano sompo mia umewaio anano tama ka luwuno pepaekompono, onaemo kai mpohawe ronso oleo andio.”

Yeremia 2:11

horioke asa tongku tumobosio pinesombaino kahinaano luwuno pinesombai atuu komba Ondae Ue Ala? Sine bawaa-Ku, Ue Alado anu maramba domentobosiakono luwuno pinesombai anu nahi mentudu.

Yeremia 5:7

Tewala kanatuu, kana'umpe Aku umampuniko? Luwuno anamu domebinta Akumo, ka mpesumpa a neeno anu komba Ondae Ue Ala. Umarino Kupokomowohi ira, ondae mponsosabo ka mperonga-ronga melako a raha mpebelesua.

Hosea 8:6

Menteeano lahumoa atuu inso a nto Isaraeli, wineweuno puu mpo'angga, ka onae komba Ondae Ue Ala! Mentee ntu'u, ta gagi sibano ana nsapi Samaria atuu!

Imama 16:32

Pesintuwua asalakono iweweuo sando mpesomba anu inurapiomo ka rinonso kai po'ini potoro sando mpesomba umeuo amano. Asalakono ipakeo sangka lena, sangka mempori.

Imama 8:2

”Poboio i Haruni ka luwuno anano meronga saru onae, ka alao luwuno sangka, lana po'urapi ka sapi lakino pesomba po'onini hala, orua bimba lakino ka baki me'ihi roti nahi peragi,

WINEWEUDO TINENA 19:26

Kanandio-andio omiu isa'a mengkitao ka merongeo, kana'umpe i Paulu, komba butu i Epesu, sine mingki asa wawo wita Asia mbo'u ipopandei iramo ka mompokontesaa hadio mia ipotae, nine hapa anu wineweuno kaeno mia komba anu pinesombai.

GALATIA 4:8

I ndi'upua, tempono nahi imento'ori Ira Ue Ala, impe'atao koroimiu a luwuno pinesombai anu menteeano komba Ondae Ue Ala.

Winali 32:17

Ondae mpopesombaako pesomba a penaa mosa'o anu komba Ue Ala, a pinesombai anu nahi domento'orio, pinesombai wo'ohu anu napi tehine ipe'umbaako, anu nahi domedoitoakono uempu'umiu.