2 Tawarika 13:5 - Wunta Mempori

⁵ Nahi imento'orio ke nine Ondae Ue Alano i Isaraeli meweengakono pabawa poparentaa i Isaraeli ndi Daudi ka a luwuno anano ranta nahina tampulaano saru asa pedandia ohia?

2 Tawarika 13:5 ပူးပေါင်းရင်းမြစ်များ

2 Samueli 10:13

Ka i'amba i Yoabi ka sorodadu anu perongano melako mpetea umewai ira to Arami ka luwuno mia atuudo mpolai inso i arodo.

1 Mokole 8:20

Do'ihiiomo i Ue dandi anu umariomo Dopauo. Ongkuemo umeu ira i Daudi, amaku, ka mentoro a ngkadera poparentaa i Isaraeli, kana anu pinau-Do i Ue, saru wanguo raha andio tiano nee-Do i Ue, Ue Alado to Isaraeli.

1 Tawarika 17:11

Tewala haweomo tempomu kolumako tepo'asaako ira uempu'umu, ka Aku wanguo inulemu lembuino, asa mia i olodo anamu, ka Aku mokomorosoo poparentaano.

1 Tawarika 17:14

Aku Kumorahakono a laro raha-Ku ka a laro poparentaa-Ku ranta nahina tampulaano ka kadera poparentaano ta moroso ranta nahina tampulaano.”

2 Tawarika 6:16

Kanandio-andio, oo Ue Alano i Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka Ipepau: Nahi ta otu i aro-Ku inulemu anu ta mentoro a wawo ngkadera poparentaa Isaraeli, tewala luwuno anamu mpekariao sala tumuwudo mentondao songka-Ku, mengkena kana utuwu i aro-Ku.

Nehemia 5:9

Mepau aku mbo'u, ”Nahi pototono hapa anu wineweumiu atuu! Kombake asalakono imentuwu a laro doitoako Ira Ue Alato, kai ntetempu inso a mpopepaukiakodo tongku susua, luwuno iwalito?

Powadi 1:29

Hangano o'aliado a ponto'ori ka nahi domebinikio doitoako Ira i Ue,

Yeremia 33:26

asalakono nahi Aku tumarimao inuleno i Yako ka tetenaa-Ku i Daudi, ka menaa-naa mompotoro mia inso a inuleno anu ta moparenta a inuleno i Burahima, i Saki ka i Yako. Hangano, Aku mokomoikoo teweweudo ka mehohawa ira.”

Yehesikieli 43:24

Omue asalakono wawao i aro-Do i Ue ka luwuno sando mpesomba asalakono mporawo ohia i wawono ka mpesombaakono gagi pesomba tinunu tia-Do i Ue.

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Imama 2:13

Sompo pesomba kaangamu asalakono imponaakono ohia. Si mengkolupeo ohia pedandia-Do Ue Alamu inso a mpesomba kaangamu. Ponaakonomo ohia a sompo pesombamu.

Podoaa 18:19

Luwuno pesomba pinesusua inso a mpesomba mempori anu pinesombaakodo to Isaraeli ndi Ondae i Ue, Kuweeakomu ka a luwuno anamu tama ka beine anu pe'asa rahamu gagi asa pompakosi anu nahina tampulaano onaemo asa pedandia ohia i aro-Do i Ue ndi omue ka inulemu ranta nahina tampulaano.”

2 PETURU 3:5

Dompe'inungakono nahi dobehe mento'orio, nine hangano pau-Do Ue Ala hinaomo langi inso i ndi'upua, ka tolino mbo'u anu tepu'uano inso a uwoi ka hangano uwoi,

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:12

Ka i'amba i Isai montena mia lumako umalao. Kombisino mororontaha, matano tekosi ka montama koroino. Mepau Iramo i Ue, ”Pentademo urapio, nde onaemo andio mia bininiki-Ku.”