2 Tawarika 12:6 - Wunta Mempori

⁶ Ka i'amba luwuno petewawa Isaraeli ka mokole mpe'urumako ka dompotae, ”Ondaemo i Ue anu mentee!”

2 Tawarika 12:6 ပူးပေါင်းရင်းမြစ်များ

2 Tawarika 12:12

Hangano mokole me'urumako, tetadiomo tekuda-Do inso ndi onae, ranta nahi Doropuo luwu. Metiangi mbo'u da hinawe luwuakoano anu moiko i Yehuda.

2 Tawarika 21:2

Luwuno pepaekompono i Yorami, anano i Yosapa, onaemo: i Asaria, i Yehieli, i Sakaria, i Asariahu, i Mikaeli ka i Sepatia. Ondae luwu anano i Yosapa, mokole i Isaraeli.

2 Tawarika 32:26

Sine lembuino ipokonto'orio pompelangka-langkaino atuu ka ipe'urumako meronga saru palilino Yerusale, ranta tekuda-Do i Ue nahi alu ira tempono i Hisikia.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

Ayubi 33:27

Onae ta menani i arodo mia: Moweweu akumo hala ka mokomolengkuo anu moleo, sine mongkona atuu nahi Dosuloakune.

Po'unde-unde 129:4

Sine Ondae i Ue atuu moleo, Do'otuhi ira kolorodo mia mosa'o gauno.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 9:27

Montenaomo mia i Pirao moboi ira i Musa ka i Haruni, ka ipotae, ”Tehala akumo ntu'u andio, Ondae i Ue anu mentee. Ongkue ka paliliku, mensala kamimo.

Yeremia 13:15

Rongeomo, ta'oomo birimiu, si mpompelangka-langkai, hangano Ondae i Ue mepau Iramo.

Yeremia 13:18

Pauako iramo mokole ka inedo mokole, ”Ipentoromo a po'ianga anu tetotoako, hangano songko mokole metiiomo inso a ulumiu!”

Yeremia 44:10

Nahi dompe'urumako hawe oleo andio. Nahi domedoito ka nahi domentondao songka-Ku saru pompakosi-Ku anu Kuweeakomiumo ka ndi uempu'umiu.

Ponsabangi 1:18

”Ondaemo i Ue anu mentee, sine ku'ewaiomo pau-Do; rongeomo hei luwuno tongku, ka kitaomo pompemasusaku; luwuno ana beineku ka mangalitauku melako gagi mia mentinawa.

Danieli 5:22

Sine ueku i Belesiasari, anano, nahi pe'urumako maupo ito'orio luwuno andio.

Danieli 9:14

Onaemo pu'uno, Ondae i Ue Dopatindaomo masolaa atuu ka motiiakami. Menteeano, Ondae i Ue, Ue Alamami, moleo a luwuno wineweu-Do, sine omami nahi kimperorongeakono pau-Do.

Hosea 5:15

Aku lumako, mekule a mpo'ianga-Ku, ranta ka domemangaku saala ka umungkeo rupa-Ku. A laro masukaraado ira mengkekewoi Aku:

I LUKASI 18:14

Kupauakomiu: Mia andio mekule i rahano gagi mia anu Dopementeeo Ue Ala ka mia mehano atuu naahi. Hangano ba isema melangkaio koroino, onae ta pine'uru-uru ka ba isema me'urumako onae ta pinelangkai.”

ROMA 10:3

Hangano, nahi domento'orio mentee-Do Ue Ala ka hangano mpeteahako ira mpowangu menteeado ondaedo, ka nahi dompe'urumako a mentee-Do Ue Ala.

YAKOBU 4:10

Impe'urumakomo i aro-Do i Ue, ka Ira mokomantande komiu.

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.