2 Tawarika 12:14 - Wunta Mempori

¹⁴ Onae moweweu anu mosa'o, hangano nahi pakosio aroano umungke Ira i Ue.

2 Tawarika 12:14 ပူးပေါင်းရင်းမြစ်များ

1 Mokole 14:22

To Yehuda mpoweweu anu mosa'o a pongkita-Do i Ue. Mpoweweu ira hala anu mokomahakiako Ira aroa-Do, lumaloio luwuno anu wineweudo uempu'udo.

1 Tawarika 29:18

Oo Ue, Ue Alano i Burahima, i Saki ka i Isaraeli, uempu'umami, Ipekaria iramo ranta nahina tampulaano aroado bawaa-Miu anu kanandio-andio ka kongko Iwawao aroado ndi Omiu.

2 Tawarika 11:16

Tumonda ira, inso a luwuno suku Isaraeli mehawe iramo i Yerusale luwuno mia anu bobotoliomo aroano ta umungke Ira Ue Alano i Isaraeli. Ira mpopesombaako pesomba ndi Ondae i Ue, Ue Alano uempu'udo.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 30:19

anu inso ntu'u i aroano umungke Ira Ue Ala, onaemo Ondae i Ue, Ue Alado uempu'uno, maupo nahi domentondao atora morina a po'iangaa mempori.”

Po'unde-unde 57:7

Ondae mpota'o buani a luwuno pelempaaku, dompokompetuunduo sumangaku, ondae mpokeke aa i aroku, sine ondaedo ntedonta i larono. Sela

Po'unde-unde 78:37

Aroado nahi petako ndi Ondae, ka nahi dompetenunu a mpedandia-Do.

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Yesaya 45:19

Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

I MATIU 7:7

”Impo'emamo, ka komiu mewineeako; Impo'ungkemo, ka komiu mpohawe; impetingko-tingkomo, ka komiu me'inungkahiako tondo.

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

1 KORINTI 16:13

Impetangkoromo! Impentademo temoroso a pompe'ala-ala! Imemosia koa! Ka moroso mpiha!

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”