2 Tawarika 12:12 - Wunta Mempori

¹² Hangano mokole me'urumako, tetadiomo tekuda-Do inso ndi onae, ranta nahi Doropuo luwu. Metiangi mbo'u da hinawe luwuakoano anu moiko i Yehuda.

2 Tawarika 12:12 ပူးပေါင်းရင်းမြစ်များ

Tegagia 18:24

Kana'umpe tewala hinao lima pulu mia mentee a laro ngkota atuu? Nde Komiu mokotampulaoke po'ianga atuu ka nahi ampunio hangano lima pulu mia mentee anu kongko i larono?

1 Mokole 14:13

Luwudo to Isaraeli ira mensabangio ka mengkaburuo. Butu koa onae inuleno i Yerobea anu ta kinaburu, hangano i olodo inuleno i Yerobea, butu ndi onae Dopohawe i Ue, Ue Alado to Isaraeli anu moiko.

2 Tawarika 12:11

Sompo ipewinso mokole a raha-Do i Ue, luwuno puu mpodagai mpewinso mewawao luwuno kanta atuu, ka ondae koa mbo'u anu mpokuleo a bolongko podagaiado puu mpodagai.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 6:13

Tewala i ra'ai da mpo'ia asa ntia hopulu inso ndi ondae, ta kumaa ira api pohonapo mbo'u, kana keu tarabanti ka keu langkai susuano anu tinuehi butumo koa tu'ono tebinta. Tu'o atuu gagi wuku mpinopaho anu mempori.”

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Ponsabangi 3:33

Hangano komba inso i aroa-Do mompokonsii ka mokomasusa ira anano mia.

Ponsabangi 3:42

Tehala kamimo ka me'ewa, nahi oniniakami halamami.

1 PETURU 5:6

Onaemo pu'uno impe'urumakomo a toto ngkae-Do i Ue anu moroso, ka Dopokomantande komiu a tempono.