2 Tawarika 10:15 - Wunta Mempori

¹⁵ Gagi, mokole nahi perorongeako ira palili, hangano mongkona atuu, onaemo tebalia anu inso ndi Ondae Ue Ala, ka ite'ihii pau-Do i Ue anu pinohawe molalo i Ahia, to Silo, ndi Yerobea anano i Nebati.

2 Tawarika 10:15 ပူးပေါင်းရင်းမြစ်များ

2 Samueli 17:14

Motae i Abisalo ka luwudo to Isaraeli, ”Patuduno i Husai, to Araki, moikoopo sekono patuduno i Ahitopeli.” Lano Ondae i Ue Dopatotoomo kasi gagi patuduno i Ahitopeli anu moiko, ka Dopoweeakono i Ue masolaa ndi Abisalo.

1 Mokole 12:15

Gagi, ondae mokole nahi perorongeako ira palili, hangano atuu lano tepu'u inso ndi Ondae i Ue, ka ite'ihii pau-Do anu pinohawe-Do molalo ndi Ahia, to Silo ndi Yerobea anano i Nebati.

1 Mokole 12:24

Kanandiomo pau-Do i Ue: Si melako ka si mpetea umewai ira pepaekompomiu to Isaraeli. Impekulemo i rahamiu singge mia, hangano insomo ndi Ongkue anu gagi andio.” Dompe'ala-alao pau-Do i Ue, ka dompepokule mbo'u menunu saru pau-Do i Ue.

1 Mokole 22:20

Ondae i Ue mepau: Isema ke ta popandeio i Ahabi lumako metea kai mate i wita Ramoti-Gilea? Asa mia motae kanandio, anu susua motae kanatuu.

2 Tawarika 10:14

Tumondao patududo mia mongura, ipotaeako ira, ”Ondae amaku mopotembiakomiumo tinembi anu mobea, sine ongkue mokomobeao tinembimiu; ondae amaku tumunduhiakomiu ponsepi, sine ongkue tumunduhiakomiu ponsepi merui labu.”

2 Tawarika 11:4

Kanandiomo pau-Do i Ue: Siimo imelako mposapoi ke mpetea umewai ira pepaekompomiu. Impekulemo i rahamiu asa mia ka asa mia, hangano Ongkuemo pu'uno kai gagi anu andio.” Domentondao pau-Do i Ue, ka do'amba mpekule ka nahi domelako mensapoio i Yerobea.

2 Tawarika 22:7

A mpo'ehe-Do Ue Ala, i Ahasia ta mate i tempo kumita-kitao i Yorami. Mansano hawe i Ahasia, onae lumako saru i Yorami tepohaweakono i Yehu, ana'ueno i Nimisi, anu Do'urapiomo i Ue, ka iropuo somborino i Ahabi.

2 Tawarika 9:29

Anu susuano inso a nteweweuno i Salomo inso a pompu'uano hawe pokotampulaano, kombake luwuno atuu teburi a laro wunta teweweuno i nabi Nata, ka a laro pe'oliwi-Do i Ue ndi Ahia, to Silo atuu, ka a laro luwuno pongkitano i Ido, puu mpongkita atuu, mongkona i Yerobea anano i Nebati?

Yesaya 19:14

Doweweuomo i Ue penaa marisua i olodo, anu weweu ira to Masiri memarisu a laro luwuno usahano, kana mia molangu anu mokolili ulu tempono melua-lua.

I YOHANE 19:24

Onaemo pu'uno ka dompepau-pau, ”Siimo tomentia-tiao gagi te'opia mpole, sine moikoopo tome'undio ba isema anu humaweo.” Kanandiomo gagiano ka i'inihiimo anu teburi a Wunta Mempori, ”Dompetia-tiao sangka-Ku i olodo ka lemba meloe-Ku dome'undio.” Luwuno atuu domeweweuomo sorodadu atuu.

WINEWEUDO TINENA 2:23

Ondae anu Dopeweengako Iramo Ue Ala montonda tinoo-Do ka pinakosi-Do, imempaso Iramo a ngkeu pinotamba ka impepateako Ira kaedo tongku anu tedoa lambaha.

WINEWEUDO TINENA 4:28

ka weweuo luwuakoano anu se'eluomo Ipakonsiakono pabawa ka po'ehe-Miu.

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

Puu Mpobitara 14:4

Ama ka ineno nahi doto'orio motae mongkona atuu te'inso ndi Ondae Ue. Onae lano mo'ungke-ungkeako a nto Pelisiti. Itempo atuu to Pelisiti parenta ira to Isaraeli.

1 Samueli 2:25

Tewala mia tehala a mpe'asa miano, Dopolio Ue Ala mokomoiko ira. Tewala asa mia tehala ndi Ondae i Ue, isema anu ta polio gagi po'oloti?” Sine nahi doperorongeakono patuduno amado, hangano po'ehe-Do i Ue mepate ira.