2 Tawarika 1:11 - Wunta Mempori

¹¹ Ondae Ue Ala mepau ndi Salomo, ”Hangano onaemo atuu ineheno aroamu ka nahi upo'ema pompoli, arataa, marambaa ke penaano anu umo'aliaakomu ka mbo'u nahi upo'ema tinuwu melai, sine tendeano omue mo'ema pande mompewowolo ka ponto'ori ka upolio gagi puu mpobitira a bawaa-Ku anu hangano ondae Kupotorokomo gagi mokole.

2 Tawarika 1:11 ပူးပေါင်းရင်းမြစ်များ

1 Mokole 10:24

Asa wawontolino mposongka ira ntepohaweakono i Salomo, ira merongeo ondaedo pande anu Doweeakonomo Ue Ala i laro aroano.

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 8:18

Sine mepau Ira i Ue ndi Daudi, amaku, ”Omue lano upo'asao aroamu mowangu raha po'iangano nee-Ku ka tinoomu atuu tedoa moiko.

1 Tawarika 28:2

Ka i'amba mentadeomo mokole Daudi ka dopotae, ”Imerongeomo oo luwuno pepaekompoku ka tongkuku! Tinooku mowangu raha penaa-naaano Burua Pedandia-Do i Ue ka pelandaano karu-Do Ue Alato. Kupatindaomo wanguno.

2 Tawarika 1:12

Onaemo pu'uno pande mompewowolo ka ponto'ori Aku weeakomu. Aku koa moweeakomu mbo'u pompoli, arataa ka marambaa anu nahi hori hina a luwuno mokole se'eluno omue ka nahi ta hina a luwuno mokole umarino omue.”

Powadi 14:8

Ponto'orino anu mentee mia pande onaemo mokonto'orio pesalaano onaeno, sine benge-bengeno mia monge-monge onaemo pompopo'oo.

Powadi 23:7

Hangano kana mia anu moweweu poreke a ngkoroino, kanatuumo onae. ”Pongkaamo ka po'inu,” ipotae ndi omue, sine aroano nahi bobotoli ndi omue.

Powadi 8:15

Hangano ongkue luwuno mokole moparenta, ka luwuno anu langkai potorono mempakosio moleoa.

WINEWEUDO TINENA 5:4

Tempono nahi inasa wita atuu, kombake atuu omue mpiha me'ueo, ka mansano inasa, kombake olino atuu a laro mpabawamu koa mpiha? Tembio ka upontoo i laro aroamu wineweu kanatuu? Omue komba mogaupi mia, sine gumaupi Ira Ue Ala.”

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.

YAKOBU 3:13

Isema i olomiu anu pande mosongka ka molino pinewowolono? Moikoomo ipokomengkaao wineweuno a gau ntumuwu anu moiko hangano ponto'ori mentee anu hiina inso a mpe'urumako.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”