2 Tawarika 1:1 - Wunta Mempori

¹ I Salomo ana ntamano i Daudi komoro-morosono a pentoroano gagi mokole. Ondae Ue Alano kumongkomio ka weweuo pabawano tedoa langkai.

2 Tawarika 1:1 ပူးပေါင်းရင်းမြစ်များ

Tegagia 21:22

I tempo atuu i Abimele saru i Pikolo, tadulako sorodaduno, motaeakono i Burahima, ”Ondae Ue Ala kumongkomiko a luwuakoano anu wineweumu.

Tegagia 39:2

Sine Ondae i Ue kumongkomio i Yusupu, ranta ka igagi mia mehasili. Onae mo'ia a rahano ueno, to Masiri atuu.

Tegagia 39:21

Sine, Ondae i Ue kumongkomio i Yusupu ka pompehohawa-Do nahi otu-otu ndi onae. Doweweuo i Yusupu mohawe pompehohawa inso a mpetewawa torungku atuu.

Tegagia 39:3

Ueno kumitao nine Ondae i Ue kumongkomio ka nine maupo hapa anu inanggano, Doweweuo i Ue mehasili.

1 Mokole 2:12

Kanatuumo i Salomo mentoro a ngkadera poparentaano i Daudi, amano ka poparentaano tedoa moroso.

1 Mokole 2:46

Ondae mokole mompowee parenta ndi Benaya anano i Yoyada. Lumakoomo i Benaya ka i'amba mepateo i Simei. Kanatuumo poparentaa atuu moroso a ngkaeno i Salomo.

1 Tawarika 17:8

Kukongkomikomo maupo isua ulako ka mokotampula ira luwuno iwalimu inso i aromu. Aku weweuo neemu mengkena saru needo luwuno mia langkai potorodo i tolino.

1 Tawarika 22:11

Kanandio-andio, oo anaku, po'ineeomo Ondae i Ue kumongkomiko, ranta kau pokowanguo raha-Do i Ue, Ue Alamu, kana anu pinau-Do mongkona omue.

1 Tawarika 22:16

wulaa, salaka, mala ka labu, anu nahi pinokodoa hadiono. Pompu'umo po'angga! Ondae i Ue kumongkomiko!”

1 Tawarika 29:23

Ka i'amba i Salomo mentoro i wawono kadera poparentaa-Do i Ue, gagi mokole umeuo i Daudi, amano. Onae tedoa mehasili, ranta sompo to Isaraeli mperorongeakono pinauno.

1 Tawarika 29:25

Ondae i Ue weweuo i Salomo tedoa langkai a pongkitado luwuno to Isaraeli ka moweeakono marambano poparentaa anu nahi hori hina a luwuno mokole anu moparenta i Isaraeli se'eluno onae.

1 Tawarika 29:30

saru luwuno poparentano anu moroso gagi mokole ka luwuno tempo anu pinembasaino ka to Isaraeli, saru luwuno poparentaa i wita susua.

2 Tawarika 32:23

Hadio mia mpowawa pesomba i Yerusale tia-Do i Ue ka luwuno sangka masuli tiano i Hisikia, mokole i Yehuda. Mompu'u i tu'ai dompelangkaio luwuno tongku.

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

Yosua 3:7

Pau-Do i Ue ndi Yosua, ”Mompu'u ia oleo andio Kupokolangkaio neemu ia matado luwudo to Isaraeli, ka domento'orio motae i ndi'ipua Kukongkomio i Musa, kanandiokoa mbo'u kukongkomiko.