2 Samueli 9:1 - Wunta Mempori

¹ Motae i Daudi, ”Da hinao ke mia anu tuwu inso i olono somborino i Saulu, ka kupopokitaakono pompehohawaku ndi onae hangano i Yonata?”

2 Samueli 9:1 ပူးပေါင်းရင်းမြစ်များ

2 Samueli 1:26

Aroaku masusa hangano omue Yonata pepaekompoku. Tedoa upokonsanaa aku; pompehohawamu tedoa mo'urense laroku, sekono pompehohawano beine.

2 Samueli 21:7

Sine i Mepibose anano i Yonata anano i Saulu dopo'ineeo mokole kai tuwu, hangano sumpa a nee-Do i Ue mo'ia i olodo, i olono i Daudi ka i Yonata anano i Saulu.

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

1 Mokole 2:7

Sine, asalakono ka upopokitao pompehohawa a luwuno anano i Barisilai, to Gileadi atuu. Po'ineeomo ondae tewinso bawaa anu mpongkaa a medamu, hangano kanatuumo domentotowo aku i tempono kupolai inso ndi Abisalo, pepaekompomu.

Powadi 27:10

Si bintao walimu ka walino amamu. Si aiwa a rahano pepaekompomu i tempono omue urasa'o. Moikoopo pehori raha anu umpeda sekonopo pepaekompo anu olai.

I MATIU 10:42

Ka ba isema mompowee uwoi morini maupo te'asa sangkirimo koa a mia anu kodei andio, hangano onae ana guru-Ku, Kupauakomiu: Menteeano nahi ta tetadi tambono inso ndi onae.”

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I MARAKUSU 9:41

Kupauakomiu: Menteeano ba isema mpo'inuakomiu uwoi te'asa sangkiri hangano omiu tumonda Ira i Kerisituu, nahi ta tetadi tambono.”

1 PETURU 3:8

Ka pokotompaano, po'ineeomo ka impe'asa mpau luwu, mpe'asa aroa, mpehohawa ira pepaekompo, marapompehohawa ka mpe'urumako,

1 Samueli 20:42

Ka i'amba i Yonata motaeakono i Daudi, ”Lakomo temoiko, Ondae i Ue kumaduduiko, hangano umari kitamo mesumpa a nee-Do i Ue, kanandio, ’Ondae i Ue Ira kongko i oloto, ongkue ka omue ka hawe a inuleku ka inulemu ranta nahina tampulaano.’ ”