2 Samueli 8:6 - Wunta Mempori

⁶ Ka i'amba i Daudi numaa ira luwuno sorodadu mpodagai a witado to Arami i Damasi. To Arami mpetenunu ira ndi Daudi ka asalakono pompesombaako peki'ue. Ondae i Ue moweeakono poponangia ndi Daudi isuamo koa ilako.

2 Samueli 8:6 ပူးပေါင်းရင်းမြစ်များ

2 Samueli 10:19

Mansano luwuno mokole anu mpetuundu ndi Hadadeseri mengkitao nine to Isaraeli numangi ira, mpoweweu ira pesintuwua saru to Isaraeli ka mpetenunu ndi ondae. Umarino atuu, to Arami medoito iramo tumulungi ira mbo'u inuleno i Amoni.

2 Samueli 23:14

I tempo atuu i Daudi kongko a bente pekorahakoa ka sorodadu mpodagaido to Pelisiti mekongko i Beteleme a tempo anu mengkena.

2 Samueli 3:18

Kanandio-andio imeweweuomo, nde Ondae i Ue mepau Iramo mongkona i Daudi, kanandio: Molalo tetenaa-Ku i Daudi Aku kumadudui ira bawaa-Ku Isaraeli inso a ngkaedo to Pelisiti ka inso a ngkaedo luwuno iwalino.”

2 Samueli 5:10

Kopaba-pabawano i Daudi, hangano Ondae i Ue, Ue Alano luwuakoano kumongkomio.

2 Samueli 7:9

Kukongkomikomo maupo isua ulako ka mokotampula ira luwuno iwalimu inso i aromu. Aku weweuo neemu telele kana needo luwuno mia langkai potorodo i tolino.

2 Samueli 8:14

Ka i'amba numaa ira luwuno sorodadu mpodagai i wita Edomi. A luwuno wita Edomi inaa ira sorodadu mpodagai, ranta luwuno wita Edomi mpetenunu ndi Daudi. Ondae i Ue moweeakono ponangia ndi Daudi isuamo koa ilako.

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Samueli 8:7

Umarino atuu i Daudi umala ira kanta wulaa anu pinakedo atano i Hadadeseri, ka i'amba wawao i Yerusale.

1 Mokole 4:21

I Salomo pabawaio luwuno poparentaa mompu'u inso i Koro Eparata hawe a witado to Pelisiti ka hawe a ntida wita i Masiri. Ondae mpowawa peki'ue ka mpetenunu ndi Salomo asa ntinuwudo.

2 Mokole 1:1

Umarino mate i Ahabi, onaemo ka dompe'ewamo to Moabi a nto Isaraeli.

2 Mokole 14:28

Anu susuano inso a nteweweuno i Yerobea, luwuno anu wineweuno ka mosiano, kana'umpe ipetea ka kana'umpe wali i'alaako ira to Isaraeli Damasi ka Hamati-Yehuda, kombake luwuno atuu teburi a wunta tutuludo luwuno mokole i Isaraeli?

2 Mokole 18:7

Ondae i Ue kumongkomio, maupo isua ilako mehasili. Onae umewaio mokoledo to Asuri ka nami petenunu mbo'u ndi onae.

2 Mokole 3:4

I Mesa, mokole i Moabi, onaemo asa mia puu mpopekaria bimba. Onae mo'owahi peki'ue ndi mokoledo to Isaraeli asa etu nsowu ana bimba ka wuluno inso a asa etu nsowu bimba lakino.

1 Tawarika 18:13

Ka i'amba numaa ira luwuno sorodadu mpodagai i wita Edomi, ranta luwuno wita Edomi mpetenunu ndi Daudi. Ondae i Ue moweeakono ponangia ndi Daudi isuamo koa ilako.

2 Tawarika 17:2

Inaa ira sorodadu i luwuno kota anu mebente i Yehuda ka luwuno sorodadu mpodagai i wita Yehuda saru a luwuno kota Eparai anu pinongko'alano i Asa, amano.

Po'unde-unde 140:7

Mepau aku ndi Ondae i Ue, ”Omiu Ue Alaku, Irongeomo pekakaiku, oo Ue!”

Po'unde-unde 60:10

Moabi onaemo pewo'ohia-Ku, ndi Edomi kupetadiakono solopi-Ku, hangano Pelisitea Kukokora-kora mo'unde.”

Powadi 21:31

Ngara pinatinda tiano oleo peteaa, sine ponangia kongko a ngkae-Do i Ue.

1 Samueli 13:3

I Yonata numangi ira puu mpeteado to Pelisiti anu mpodagai i Geba ka domerongeo to Pelisiti anu gagi atuu. Onaemo ka ipuurio i Saulu tawuwua i asa wawo wita, ipewowoloo po'ineeomo domerongeo to Ibarani.

1 Samueli 14:1

Asa tempo, motae i Yonata, anano i Saulu ndi atano anu mowawa sangka mpeteano, ”Aiwa ka tolako a mpo'iangado puu mpeteado to Pelisiti anu mpodagai i asambalino i ra'ai.” Sine nahi pauakono amano pinewowolono atuu.

1 Samueli 14:15

Ka mpondende iramo a mpekemaa, a mpeteaa, ka ia olodo luwuno palili. Puu mpetea mpodagai ka puu mpetea mporopu, mpondende ira koa mbo'u. Wawontolino mbo'u mondende. Gagiomo pondendea anu mongkokongiri.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”