2 Samueli 7:7 - Wunta Mempori

⁷ Maupo isua Kupelakopi saru luwuno to Isaraeli, hori Akuke mompohawe pau a asa mia petewawa Isaraeli, anu Kuparentao pakambi ira bawaa-Ku Isaraeli, kanandio: Tembio ka nahi mpowangua-Kune raha inso a ngkeu arasi?’

2 Samueli 7:7 ပူးပေါင်းရင်းမြစ်များ

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

1 Tawarika 11:2

Mompu'u i ndi'ipua tempono da moparenta i Saulu, omiumo anu metewawa a luwuno peleludo sorodadu to Isaraeli. Ondae i Ue, Ue Alamiu mepau Iramo ndi omiu, Omuemo anu ta pakambi ira bawaa-Ku Isaraeli, ka omuemo anu ta gagi petewawado bawaa-Ku Isaraeli.”

1 Tawarika 17:6

Maupo isua Kupelakopi saru luwuno to Isaraeli, hori Akuke mompohawe pau a asa mia i olodo puu mpobitarado to Isaraeli, anu Kuparentao pakambi ira bawaa-Ku, kanandio: Tembio ka nahi mpowangua-Kune raha inso a ngkeu arasi?

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yesaya 66:1

Kanandiomo pau-Do i Ue: Langi onaemo kadera poparentaa-Ku ka tolino onaemo pelandaano karu-Ku; raha hapake komiu mpowangua-Kune, ka po'ianga hapake anu ta gagi penaa-naaa-Ku?

Yeremia 23:4

Aku mompotoroako ira puu mpompakambi anu ta pakambi ira, onaemo ka nahi ira medoito mbo'u ke ntededengke, ka nahi ta hina maupo te'asa anu ta tetadi, kanandiomo pau-Do i Ue.

Yeremia 3:15

Aku mompotoroakomiu puu pompakambi anu menunu saru aroa-Ku. Ira mempakambiakomiu pande ka ponto'ori.

Yehesikieli 34:15

Ongkue isa'a anu pakambi ira bimba-Ku ka Aku mo'inee ira mpepombole, kanandiomo pau-Do Ue Ala.

Yehesikieli 34:2

”Hei anano mia, pauomo anu ta gagi umewai ira puu mpopakambido to Isaraeli, pauomo anu ta gagi ka potaemo ndi ondae, a luwuno puu mpopakambi atuu: Kanandiomo pau-Do Ue Ala: Masola iramo puu mpopakabido to Isaraeli, anu pakambio koroino onaeno! Kombake luwuno bimba anu asalakono domempakambi ira puu mpopakambi atuu?

Yehesikieli 34:23

Aku mompotoro ndi ondae asa mia puu pompakambi, i Daudi, tetenaa-Ku, anu ta pakambi ira. Onae ta pakambi ira ka gagi puu pompakambido.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

I MATIU 2:6

Ka omue Beteleme, wita Yahuda, komba omuemo anu lalu kodei i olodo anu moparenta i Yahuda, hangano inso ndi omue ta mesabaako asa mia petewawa, anu ta pakambi ira bawaa-Ku to Isaraeli.”

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 21:28

saru mpebooli, ”Hei to Isaraeli, impontulungi! Ndiomo mia anu i sua-suamo koa paguru ira luwuno mia ka dome'ewaio tongkuto ka me'ewaio songka Taura ka po'ianga andio! Ka kanandio andio iwawa ira mbo'u to Yunani a laro Raha-Do Ue Ala ka mengkokoburutio po'ianga mempori andio!”

Winali 23:14

Hangano Ondae i Ue, Ue Alamu melempa inso i tonga-tongano pekemaamu Ira motolako ka meweengakono iwalimu ndi omue. Asalakono pekemaamu atuu mempori, kasi Dopongkita hapa anu nahi penunu i olomu, ka Dopebungkuiko.”

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.