2 Samueli 7:24 - Wunta Mempori

²⁴ Ipokoroso iramo bawaa-Miu Isaraeli gagi bawaa-Miu ranta nahina tampulaano, ka Omiu, oo Ue, gagi Ue Alado.

2 Samueli 7:24 ပူးပေါင်းရင်းမြစ်များ

Tegagia 17:7

Aku pakosio pedandia i olo-Ku ka omue saru inulemu mapa'api-api inule gagi pedandia anu nahina tampulaano, ka Ongkue gagi Ue Alamu ka Ue Alado inulemu.

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

2 Samueli 7:23

Isema kana bawaa-Miu Isaraeli, asa tongku i tolino, anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ndi ondae, ka sumaari ira luwuno tongku ka pinesombaido anu susua inso i arodo bawaa-Miu anu tinolosi-Miumo inso i Masiri.

2 Samueli 7:25

Kanandio-andio, oo Ue Ala, dandi anu pinau-Miu mongkona tetenaa-Miu andio ka somborino I'ihiiomo ranta nahina tampulaano ka Iweweuomo kana anu dinandi-Miu atuu.

1 Tawarika 17:22

Iweweu iramo bawaa-Miu Isaraeli gagi bawaa-Miu ranta nahina tampulaano ka Omiu, oo Ue, gagi Ue Alado.

Po'unde-unde 48:14

pekokoongakonomo rere watuno, pelempamo luwuno benteno, ka impokotutuluo a inule anu lembui:

Peluarakoa 15:2

Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.

Peluarakoa 6:7

Aku wawa komiu a wita anu Kudandiomo, Aku weeakono i Burahima, i Saki ka i Yako. Aku weeakomiu gagi tiamiu. Ongkuemo Ue.”

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 32:38

Ondae ira megagi bawaa-Ku ka Ongkue gagi Ue Alado.

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

I YOHANE 1:12

Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

Winali 26:18

Oleo andio Dotarima komiumo i Ue nine omiumo bawaa anu pinehohawa-Do, kana anu dinandi-Do ndi omiu, ka asalakono impe'ini a luwuno parenta-Do.

Winali 27:9

Ka i'amba i Musa ka luwuno sando mpesomba to Lewi mepau a luwuno to Isaraeli, kanandio, ”Impomperodo ka imerongeomo hei to Isaraeli. Ia oleo andio megagi komiumo bawaa-Do i Ue, Ue Alamiu.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.