2 Samueli 7:13 - Wunta Mempori

¹³ Onaemo anu ta mowangu raha tiano nee-Ku ka Aku mokomorosoo kadera poparentaano ranta nahina tampulaano.

2 Samueli 7:13 ပူးပေါင်းရင်းမြစ်များ

Tegagia 49:10

Tuko poparentaa nahi ta melimba inso ndi Yehuda ka tuko poparenta inso i olono karuno, ranta ka ihawe onae anu tekona ndi onae, ka ndi onae ira mpetuundu luwuno tongku.

2 Samueli 22:51

Dopoweeakono tekaduduia langkai a mokole anu pinontoro-Do, ka mopokitao pompehohawa-Do a mia anu inurapi-Do, ndi Daudi ka a ana'ueno ranta nahina tampulaano.”

2 Samueli 7:16

Inulemu ka poparentaamu ta moroso ranta nahina tampulaano i aro-Ku, kadera poparentaamu ta moroso ranta nahina tampulaano.”

2 Samueli 7:27

Hangano Omiu, Ueno luwuakoano, Ue Alado to Isaraeli, Ipokomengkaaomo a ntetenaa-Miu andio, kanandio: Aku wanguo inulemu. Onaemo pu'uno tetenaa-Miu andio mosiaomo mekakai ndi Omiu.

1 Mokole 2:24

Onaemo pu'uno, a nee-Do i Ue anu tuwu, anu mokorosoo ka montoro aku a ngkadera poparentaano i Daudi, amaku, ka anu wanguakune somboriku kana anu dinandi-Do: a oleo koa mbo'u andio asalakono i Adonia pinepate.”

1 Mokole 2:4

ka Ondae i Ue Ira umihiio dandi anu pinau-Do mongkona ongkue: Tewala luwuno anamu mekongko ira mentuwu mpetenunu i aro-Ku, tompaano aroado ka tompaano tinuwudo manasa inulemu nahi ta te'otu inso a ngkadera poparentaa i Isaraeli.

1 Mokole 2:45

Posuleno, po'ineeomo ka irinonso i mokole Salomo ka moronsoomo kadera poparentaano i Daudi i aro-Do i Ue ranta nahina tampulaano.”

1 Mokole 5:5

Kai to'oriomo, Tinooku aku mowangu asa raha tiano nee-Do i Ue, Ue Alaku, kana anu dinandi-Do i Ue ndi ondae amaku i Daudi, kanandio: Anamu anu Aku motoroo a ngkadera poparentaamu umeuko, onaemo anu ta wanguo raha atuu tiano nee-Ku.

1 Mokole 6:12

”Mongkona raha anu kontongaamu wanguo andio, tewala tuwuko menunu saru luwuno pompakosi-Ku ka metenunu weweuo luwuno atora-Ku saru mekariao luwuno parenta-Ku saru molempao, Aku umihiio dandi-Ku ndi omue anu Kupauomo ndi Daudi, amamu,

1 Mokole 8:13

Menteeano kupowanguaKomiumo raha anu tekosi, po'ianga-Miu mpiha ranta nahina tampulaano.”

1 Mokole 8:15

Ipotae, ”Unde-unde Ira i Ue, Ue Alado to Isaraeli, anu Doweweuakonomo kae-Do pau anu Dopohaweakonomo wiwi-Do ndi Daudi, amaku, kanandio:

1 Mokole 8:19

Butumo koa omue nahi moiko uwanguo raha atuu, tendeano ana ngkoroimu anu ta pine'anaako, onaemo anu ta wanguo raha atuu tiano nee-Ku.

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Mokole 8:19

Maupo kanandio, nahi Dobehe i Ue rumopuo Yehuda hangano i Daudi, tetenaa-Do, menunu saru dandi-Do ndi Daudi, nine Ira tumeahakono langano pelita ndi onae ka ana'ueno ranta nahina tampulaano.

1 Tawarika 28:10

Kanandio-andio penootiomo, hangano Dobinikikomo i Ue komowangu asa raha gagi po'ianga mempori. Pokorosoomo aroamu ka weweuomo atuu.”

2 Tawarika 33:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Nee-Ku ta mo'ia i Yerusale ranta nahina tampulaano!”

2 Tawarika 6:16

Kanandio-andio, oo Ue Alano i Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka Ipepau: Nahi ta otu i aro-Ku inulemu anu ta mentoro a wawo ngkadera poparentaa Isaraeli, tewala luwuno anamu mpekariao sala tumuwudo mentondao songka-Ku, mengkena kana utuwu i aro-Ku.

Ayubi 36:7

Nahi Dolimbao pengkitano mata-Do inso a mia mentee, sine numaa ira ranta nahina tampulaano i horido luwuno mokole a wawo ngkadera poparentaa, onaemo ka domempinelangkai.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 89:21

Kuhaweomo i Daudi, tetenaa-Ku; Ku'urapiakonomo lana-Ku anu mempori,

Po'unde-unde 89:29

Onae Aku koa mehohawao mpiha ranta nahina tampulaano, ka pedandia-Ku moroso ndi onae.

Po'unde-unde 89:4

”Kuwutuomo pedandia saru mia bininiki-Ku, mesumpa Akumo ndi Daudi, tetenaa-Ku:

Yesaya 49:8

Kanandiomo pau-Do i Ue, ”I tempono pinemoiko, Aku sumangkiko, a oleo tekaduduia, Aku tumulungiko. Kudagaikomo ka pakosikomo gagi pedandia tiado luwuno mia, wali tumeahakono tolino ka tumia-tiao wita pusaka anu boni-boniomo,

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 33:17

Hangano kanandiomo pau-Do i Ue: Nahi ta te'otu inuleno i Daudi anu mentoro a ngkadera poparentaado suku Isaraeli;

Yehesikieli 37:25

Ira mpo'ia i wita anu Kuweeakono tetenaa-Ku i Yako, i sua dompo'ia uempu'udo. Ondae saru luwuno anado maupo ana'ue ka ana'ue ntukodo ira mpo'ia i ra'ai ranta nahina tampulaano ka tetenaa-Ku i Daudi gagi mokoledo ranta nahina tampulaano.

Danieli 2:44

Sine i tempono mokole atuudo, Ondae Ue Alano asa wawo langi Ira montadeo asa poparentaa anu nahi ta pinerawo-rawo ranta nahina tampulaano, ka pabawa nahi ta melimba mbo'u a tongku susua. Poparentaa atuu ta merawo-rawoo luwuno poparentaa ka mokopingkoo, sine poparentaa atuu ta mentade ranta nahina tampulaano.

Sakaria 6:12

Pauakonomo: Kanandiomo pau-Do Ueno luwuakoano: Kitaomo, asa mia anu meneeako i Tumba. Onae ta mentumba inso a mpo'iangano ka wanguo raha-Do i Ue.

Sakaria 6:13

Onaemo anu ta wanguo raha-Do i Ue, ka onaemo anu ta mohawe pompelangkai ka ta mentoro moparenta a wawo ngkadera poparentaano. Ta hina asa mia sando mpesomba a wawo ngkadera poparentaano ka me'asa mpau manangai ta kongko i olodo.

I MATIU 16:18

Ka Kupauakomu mbo'u: Omuemo i Peturu ka a wawo watu manaha andio Aku wanguo bawaa-Ku ka nahi ta pabawaio matea.

IBARANI 3:3

Hangano Ondae kinita tekona mohawe marambaa langkaiopo sekono i Musa, mengkena kana anu pande mowangu pinelangkaiopo sekono raha anu winanguno.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.