2 Samueli 7:12 - Wunta Mempori

¹² Tewala haweomo tempomu ka komohawe pena-naa me'asaako ira uempu'umu, ka Aku wanguo inulemu lembuino, ana ngkoroimu, ka Aku mokomorosoo poparentaano.

2 Samueli 7:12 ပူးပေါင်းရင်းမြစ်များ

Tegagia 15:4

Sine, haweomo pau-Do i Ue ndi onae, kanandio, ”Mia atuu nahi ta gagi me'ueo arataamu, tendeano ana ngkoroimu, onaemo anu ta gagi me'ueo arataamu.”

2 Samueli 22:51

Dopoweeakono tekaduduia langkai a mokole anu pinontoro-Do, ka mopokitao pompehohawa-Do a mia anu inurapi-Do, ndi Daudi ka a ana'ueno ranta nahina tampulaano.”

1 Mokole 1:21

Tumangkoroo lembuino tewala mebinta komiumo, ongkue saru i Salomo anaku ba mansa pinokonsala.”

1 Mokole 1:48

ka dopotae, ’Inunde-unde Iramo i Ue, Ue Alado to Isaraeli, hangano oleo andio Dopotoroomo asa inuleku mentoro a ngkadera poparentaaku, ka ongkue isa'a da pokosakosiio’.”

1 Mokole 2:1

Mansano umpedaomo tempono tamo mate, i Daudi me'oliwi ndi Salomo, anano,

1 Mokole 2:10

Ka i'amba i Daudi mate, ka onae kinaburu i kota Daudi.

1 Mokole 2:4

ka Ondae i Ue Ira umihiio dandi anu pinau-Do mongkona ongkue: Tewala luwuno anamu mekongko ira mentuwu mpetenunu i aro-Ku, tompaano aroado ka tompaano tinuwudo manasa inulemu nahi ta te'otu inso a ngkadera poparentaa i Isaraeli.

1 Mokole 5:5

Kai to'oriomo, Tinooku aku mowangu asa raha tiano nee-Do i Ue, Ue Alaku, kana anu dinandi-Do i Ue ndi ondae amaku i Daudi, kanandio: Anamu anu Aku motoroo a ngkadera poparentaamu umeuko, onaemo anu ta wanguo raha atuu tiano nee-Ku.

1 Mokole 8:15

Ipotae, ”Unde-unde Ira i Ue, Ue Alado to Isaraeli, anu Doweweuakonomo kae-Do pau anu Dopohaweakonomo wiwi-Do ndi Daudi, amaku, kanandio:

1 Mokole 8:19

Butumo koa omue nahi moiko uwanguo raha atuu, tendeano ana ngkoroimu anu ta pine'anaako, onaemo anu ta wanguo raha atuu tiano nee-Ku.

1 Mokole 8:20

Do'ihiiomo i Ue dandi anu umariomo Dopauo. Ongkuemo umeu ira i Daudi, amaku, ka mentoro a ngkadera poparentaa i Isaraeli, kana anu pinau-Do i Ue, saru wanguo raha andio tiano nee-Do i Ue, Ue Alado to Isaraeli.

1 Mokole 9:5

Aku mokorosoo kadera poparentaamu a nto Isaraeli, anu nahina tampulaano, kana anu Kudandiakonomo i Daudi, amamu, saru mepau: Inulemu nahi ta hori te'otu inso a ngkadera poparentaa i Isaraeli.

2 Mokole 8:19

Maupo kanandio, nahi Dobehe i Ue rumopuo Yehuda hangano i Daudi, tetenaa-Do, menunu saru dandi-Do ndi Daudi, nine Ira tumeahakono langano pelita ndi onae ka ana'ueno ranta nahina tampulaano.

1 Tawarika 17:11

Tewala haweomo tempomu kolumako tepo'asaako ira uempu'umu, ka Aku wanguo inulemu lembuino, asa mia i olodo anamu, ka Aku mokomorosoo poparentaano.

2 Tawarika 1:9

Kanandio-andio, oo Ue Ala, Ipopokitaomo morosono dandi-Miu ndi Daudi, amaku, hangano Ipotoro akumo gagi mokole a asa tongku anu hadiono kana awu wita.

2 Tawarika 13:5

Nahi imento'orio ke nine Ondae Ue Alano i Isaraeli meweengakono pabawa poparentaa i Isaraeli ndi Daudi ka a luwuno anano ranta nahina tampulaano saru asa pedandia ohia?

2 Tawarika 21:7

Maupo kanandio, nahi Dobehe i Ue rumopuo somborino i Daudi, hangano pedandia anu winutu-Do saru i Daudi, menunu saru dandi-Do, nine Ira tumeahakono langano pelita ndi onae ka ana'ueno ranta nahina tampulaano.

2 Tawarika 23:3

Ka i'amba luwuno bawaa atuu mpoweweu pedandia saru mokole i raha-Do Ue Ala. Motae i Yoyada ndi ondae, ”Ndiomo ana ntamado mokole! Onaemo anu ta moparenta, kana anu Dopauomo i Ue mongkona luwuno anano i Daudi!

2 Tawarika 6:15

Omiu anu uminio dandi-Miu ndi tetenaa-Miu i Daudi, amaku, ka anu weweuakonomo kae-Miu pau anu Ipauakono nganga-Miu, kana anu gagi a oleo andio.

2 Tawarika 6:9

Butumo koa nahi moiko uwanguo raha atuu, tendeano ana ngkoroimu anu ta pine'anaako, onaemo anu ta wanguo rahano atuu a nee-Ku.’

Po'unde-unde 89:29

Onae Aku koa mehohawao mpiha ranta nahina tampulaano, ka pedandia-Ku moroso ndi onae.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 33:17

Hangano kanandiomo pau-Do i Ue: Nahi ta te'otu inuleno i Daudi anu mentoro a ngkadera poparentaado suku Isaraeli;

Danieli 12:2

Hadio inso i olodo mia anu mpoturi iramo a laro pampawu, ira mpewangu, asa ntia ka ipohawe tuwua nahina tampulaano, asa ntia mbo'u ka ipembasaio pontetewehi ka mongkokongiria anu nahina tampulaano.

I MATIU 1:1

Ndiomo potudano anu umule Ira i Yesu Kerisituu, anano i Daudi, anano i Burahima.

I LUKASI 1:32

Ira gagi langkai tuwu-Do ka Ira nineeako Ana-Do Ue Ala Anu Lalu i Wawono. Ka Ondae Ue Ala weeako Ira kadera poparentaano i Daudi, uempu'u-Do,

I LUKASI 24:27

Ka Do'amba mokomanasaako ira hapa anu teburi mongkona Ondae a Wunta Mempori, mompu'u inso a wuntano i Musa ka luwuno wuntado nabi.

WINEWEUDO TINENA 13:36

Hangano i Daudi weweuo po'ehe-Do Ue Ala a tempono, ka i'amba mate ka pinombole i horino uempu'uno, ka onae lano pineweengako a matea.

WINEWEUDO TINENA 2:30

Sine ondae aasa nabi ka doto'orio, nine Ondae Ue Ala medandi Iramo ndi ondae saru mesumpa, nine Ira montoroo asa mia inso a inuledo isa'a i Daudi a ngkadera poparentaado.

1 KORINTI 15:51

Menteeano kupokomengkaao ndi omiu aasa rahasia: nahi kita memate luwu, sine kita mebinali luwu,

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

1 TESALONIKA 4:14

Hangano tewala tompe'ala-alao, nine Ondae i Yesu mate Iramo ka mewangu Iramo, ka tompe'ala-alao koa mbo'u nine ondae anu memate iramo ndi Ondae i Yesu Ira pumpu ira Ue Ala meronga saru Ondae.