2 Samueli 7:11 - Wunta Mempori

¹¹ mompu'u Kupotoro ira puu mpobitara a bawaa-Ku Isaraeli. Aku moweeakomiu rodoa inso a luwuno iwalimu. Dopauakomu mbo'u i Ue: Ondae i Ue Ira wanguo inulemu anu moparenta.

2 Samueli 7:11 ပူးပေါင်းရင်းမြစ်များ

2 Samueli 7:1

Tempono mokole rodoomo i rahado, ka Ondae i Ue moweeakono rodoa inso a luwuno iwalino limbu-limbu,

2 Samueli 7:19

Mongkona andio mbo'u da makura a pongkita-Miu, oo Ue Ala ranta mepau Komiu mbo'u mongkona somborino tetenaa-Miu a tempo anu da olai. Po'ineeomo andio gagi pontisodo mia, oo Ue Ala.

2 Samueli 7:27

Hangano Omiu, Ueno luwuakoano, Ue Alado to Isaraeli, Ipokomengkaaomo a ntetenaa-Miu andio, kanandio: Aku wanguo inulemu. Onaemo pu'uno tetenaa-Miu andio mosiaomo mekakai ndi Omiu.

1 Mokole 11:38

Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 2:24

Onaemo pu'uno, a nee-Do i Ue anu tuwu, anu mokorosoo ka montoro aku a ngkadera poparentaano i Daudi, amaku, ka anu wanguakune somboriku kana anu dinandi-Do: a oleo koa mbo'u andio asalakono i Adonia pinepate.”

1 Tawarika 17:10

mompu'u Kupotoro ira puu mpobitara a bawaa-Ku Isaraeli. Aku mokompetuundu ira luwuno iwalimu. Kupauakomu mbo'u: Ondae i Ue Ira wanguo inulemu anu moparenta.

1 Tawarika 22:10

Onaemo anu ta wanguo rahano nee-Ku. Onaemo anu ta gagi ana-Ku ka Aku gagi Amano. Aku mokorosoo kadera poparentaano a nto Isaraeli hawe nahina tampulaano.’

Ayubi 34:29

Tewala Ondae merodo-rodo, isema ta mohuku? Tewala Dowunio rupa-Do, isema ta kumita Ira? Ondae umatorao aasa tongku maupo nte'o'asa mia

Po'unde-unde 106:42

Ondae dompokonsii ira iwalido, onaemo ka dompetenunu i totono pabawado.

Po'unde-unde 127:1

Penani pekohono i Salomo. Tewala komba Ondae i Ue anu wanguo raha, nahina tuduno dompe'isei anu mpowangu; tewala komba Ondae i Ue anu kumongkomio kota, nahina tuduno dompedagai anu medaga.

Po'unde-unde 46:9

Lakomo, kitaomo inangga-Do i Ue, anu weweuo poropua i tolino,

Peluarakoa 1:21

Hangano sando mpe'ana atuu doito ira ndi Ondae Ue Ala, Doweweu ira ka dompo'ule.

Powadi 14:1

Beine anu pande mosongka mompontade rahano, sine anu benge-benge rumongkaakono kaeno onaeno.

IBARANI 11:33

anu hangano pompe'ala-ala ka domenangi iramo poparentaa, mpoweweu menteea, mehaweo hapa anu dinandi, mpokopuo ngangado singa,

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.