2 Samueli 6:21 - Wunta Mempori

²¹ Sine ipotae i Daudi ndi Mikali, ”I aro-Do i Ue, anu laluaopo biniki aku sekono amamu ka luwuno somborino, ka tumiso aku gagi petewawado to Isaraeli, bawaa-Do i Ue; i aro-Do i Ue kupenari-nari,

2 Samueli 6:21 ပူးပေါင်းရင်းမြစ်များ

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

2 Samueli 6:14

I Daudi melense-lense i aro-Do i Ue tompaano rosono; ipokonao lemba epo inso a nsawu lena.

2 Samueli 6:16

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao Mokole Daudi melonso-lonso, ka melense-lense i aro-Do i Ue. Onaemo pu'uno ipokongkodeio i Daudi i laro aroano.

2 Samueli 6:22

tendeano laluaopo sekono atuu, aku mokongkodeio koroiku ranta kaku kodei a pongkitamu. Sine, luwuno ata beine anu pinaumu atuu, po'ineomo hangano ondae kupinelangkai.”

2 Samueli 6:5

I Daudi ka luwudo to Isaraeli mpelense-lense i aro-Do i Ue tinondaako luwuno parewa mpenani inso a ngkeu sanoba, ka katapi, gambusu, rabana, nggiri-nggiri ka simbali.

2 Samueli 7:8

Onaemo pu'uno, asalakono ka upauo kanandio ndi tetenaa-Ku i Daudi, Kanandiomo pau-Do Ueno luwuakoano: Ongkuemo anu umalako inso a ntonga mpada, tempono da upompakambi asa bawaa bembe bimba, gagi petewawado bawaa-Ku Isaraeli.

1 Tawarika 15:29

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao mokole Daudi melonso-lonso ka melense-lense mawongko. Onaemo pu'uno ipokongkodeio i Daudi i laro aroano.

WINEWEUDO TINENA 13:22

Mansano liniahako i Saulu, Dopotoroo Ue Ala i Daudi gagi mokoledo. Mongkona i Daudi Dopokomengkaaomo Ue Ala: Kuhaweomo i Daudi anano i Isai, asa mia anu ineheno aroa-Ku ka anu weweuo luwuno po'ehe-Ku.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:12

Ka i'amba i Isai montena mia lumako umalao. Kombisino mororontaha, matano tekosi ka montama koroino. Mepau Iramo i Ue, ”Pentademo urapio, nde onaemo andio mia bininiki-Ku.”