2 Samueli 6:20 - Wunta Mempori

²⁰ Tempono i Daudi mekule ta rumonso ira pe'asa rahano, i Mikali anano i Saulu meluarako tumotowoo i Daudi ka ipotae, ”Tedoa pinelangkai mokoledo to Isaraeli, pogauno oleo andio ipokokoiio koroino i arodo ata beinedo pegawaino, kana asa mia mongkokolaro anu mokoko'iio koroino onaeno!”

2 Samueli 6:20 ပူးပေါင်းရင်းမြစ်များ

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

2 Samueli 6:14

I Daudi melense-lense i aro-Do i Ue tompaano rosono; ipokonao lemba epo inso a nsawu lena.

2 Samueli 6:16

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao Mokole Daudi melonso-lonso, ka melense-lense i aro-Do i Ue. Onaemo pu'uno ipokongkodeio i Daudi i laro aroano.

2 Samueli 6:18

Mansano umari mpopesombaako pesomba tinunu ka pesomba tekaduduia, i Daudi rumonso ira tongku atuu a nee-Do Ueno luwuakoano.

2 Samueli 6:19

Ka i'amba a luwuno tongku atuu, luwuno to Isaraeli, moiko tama maupo beine, singge mia tiniaako asa roti, asa hea bau, ka asa mpole kukisi kisimisi. Ka i'amba luwuno tongku atuu singge mpekule i rahado.

1 Tawarika 16:43

Umarino atuu mpekule iramo luwuno tongku atuu, singge mia lumako i rahano. I Daudi mbo'u mekule moweeako ira tabea poronso ndi ondae luwuno ihino rahano.

Ayubi 30:8

Ondaemo atuu mia mpe'ulu watu anu nahi tino'ori, anu mensinaari inso a wita.

Po'unde-unde 101:2

Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Po'unde-unde 30:1

Penani po'unde-unde. Penani tiano poronsoa Raha Mempori. Inso ndi Daudi.

Puu Pontutulu 7:17

Si pelelu lahi mosa'o, si benge-benge! Tembio omue inehemu mate napi tempono?

I MARAKUSU 14:66

I tempo atuu i Peturu da kongko i totono, a kintala. Ka i'amba haweomo aasa beine atano Sando Mpesomba Langkai,

I MARAKUSU 3:21

Tempono domerongeo pe'etu-Do anu gagi atuu, me'aiwa ira mingki umala Ira, hangano potaedo nami Dope'aroa moiko mbo'u.

I YOHANE 13:6

Ka hawe Iramo ndi Simo Peturu. Motae i Peturu ndi Ondae, ”Ue, Komiu wo'ohiakune karuku?”

Yosua 24:15

Sine ba impewowoloo, nahi impemoikoo mesomba ndi Ondae i Ue, impobinikimo oleo andio ke ndi sema komiu mpesomba; luwuno anu pinesombaido ue mpu'umiu i asatowano koro Yarade, ke anu pinesombaido to Amori, anu witano impo'iangario. Sine ongkue ka luwuno pe'asa rahaku kami mpesomba ndi Ondae i Ue!”

Puu Mpobitara 9:4

Ka i'amba dompoweeakono pitu pulu lempe doi salaka inso ia raha mpesomba Ba'ala-Beriti, ka i'amba i Abimele montambo mia tesosaelo ka mia mporisui ka domentondao.

1 Samueli 14:49

Anano i Saulu anu tama, onaemo i Yonata, i Yisiwi, ka i Malakisua. Orua ira anano beine anu aka meneeako i Merabu ka anu ko'orua meneeako i Mikali.

1 Samueli 18:20

Sine asa anano i Saulu anu meneeako i Mikali tedonta aroano ndi Daudi. Mansano rumongeo i Saulu, ipemoikoo,