2 Samueli 6:19 - Wunta Mempori

¹⁹ Ka i'amba a luwuno tongku atuu, luwuno to Isaraeli, moiko tama maupo beine, singge mia tiniaako asa roti, asa hea bau, ka asa mpole kukisi kisimisi. Ka i'amba luwuno tongku atuu singge mpekule i rahado.

2 Samueli 6:19 ပူးပေါင်းရင်းမြစ်များ

2 Samueli 6:18

Mansano umari mpopesombaako pesomba tinunu ka pesomba tekaduduia, i Daudi rumonso ira tongku atuu a nee-Do Ueno luwuakoano.

2 Samueli 6:20

Tempono i Daudi mekule ta rumonso ira pe'asa rahano, i Mikali anano i Saulu meluarako tumotowoo i Daudi ka ipotae, ”Tedoa pinelangkai mokoledo to Isaraeli, pogauno oleo andio ipokokoiio koroino i arodo ata beinedo pegawaino, kana asa mia mongkokolaro anu mokoko'iio koroino onaeno!”

1 Mokole 8:66

A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

1 Tawarika 16:3

Ka i'amba sompo mia Isaraeli, moiko tama maupo beine, singge mia tiniaako asa roti bonggoli, asa hea bau ka asa mpole kukisi kisimisi.

1 Tawarika 16:43

Umarino atuu mpekule iramo luwuno tongku atuu, singge mia lumako i rahano. I Daudi mbo'u mekule moweeako ira tabea poronso ndi ondae luwuno ihino rahano.

2 Tawarika 30:24

Hangano i Hisikia, mokole Yehuda, mompoweeomo a bawaa asa nsowu sapi lakino ka pitu nsowu bembe bimba. Luwuno mbo'u petewawa mpompowee a bawaa asa nsowu sapi lakino ka hopulu nsowu bembe bimba. Asantia langkai mbo'u sando mpesomba umari iramo mpokomemporio koroido.

2 Tawarika 7:10

Ia oleo anu korua pulu ka otolu, wula ko'opitu, itena ira tongku atuu mpekule a luwuno kemado ka dompo'unde ka mawongko, hangano moikoa anu wineweu-Do i Ue ndi Daudi, ndi Salomo ka a nto Isaraeli, bawaa-Do.

Nehemia 8:10

Ka i'amba i Nehemia, petewawado ka sando mpesomba i Esera, anu tedoa pande a wunta atuu, saru luwudo to Lewi anu paguru ira bawaa atuu, mpotaeako ira luwu, ”Oleo andio mempori-Do Ue Alamiu, si mpopemasusa ka mpengese!” hangano luwuno bawaa mpengese, itempono domerongeo pauno Taura atuu.

Penani Maramba 2:5

Pokorosoakunemo kukisi kisimisi, pokomadooakunemo wua apeli, hangano mahaki ntekewoi aku.

Yehesikieli 45:17

Mokolemo anu tumo'orio pesomba tinunu, pesomba kaanga, pesomba tinawa a oleo langkai, wula wo'ohu, ka oleo Saba, a sompo porame-rameado suku Isaraeli. Onaemo anu ta patindao pesomba po'onini hala, pesomba kaanga, pesomba tinunu, ka pesomba tekaduduia moweweu pesintuwuado suku Isaraeli.”

Hosea 3:1

Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.”

WINEWEUDO TINENA 20:35

A luwuakoano kupoweeakomiumo pandiri, nine ba topo'angga kanandio asalakono ka totulungi ira mia anu memolema ka asalakono topewowoloo pau-Do Ue Yesu, hangano Ondae isa'a motae: Me'uraopo mompowee sekonopo montarima.”

EPESU 4:8

Onaemo pu'uno ka ipinau a Wunta Mempori, ”Tempono Dopewuatako a mpo'ianga mantande, Dowawa ira mia mentinawa; Dopoweeako ira mia hadio pompowee.”

Yosua 22:6

I Yosua rumonso ira ka itena ira melako, mpekule ia ngkemado.