2 Samueli 5:7 - Wunta Mempori

⁷ Sine i Daudi mongko'alao bente pekorahakoa Sioni, onaemo kota Daudi kanandio-andio.

2 Samueli 5:7 ပူးပေါင်းရင်းမြစ်များ

2 Samueli 5:8

Oleo atuu motaeomo i Daudi, ”Isema anu ta numangi ira to Yebusi asalakono mewinso telalo a nsalano uwoi, ka ihaweo mia timpa karu ka mia morawu.” Aroano i Daudi umo'aliaako ira. Onaemo atuu kai pinau, ”Mia morawu ka mia tiimpa karu nahi moiko dompewinso a raha mpesombaa.”

2 Samueli 5:9

I Daudi rodo a bente pekorahakoa atuu ka ineeakono: Kota Daudi. Ipokomorosoo limbu-limbu, mompu'u inso i Milo hawe i larono.

2 Samueli 6:10

Onaemo pu'uno i Daudi nahi limbao Burua-Do i Ue atuu a mpo'iangano i kota Daudi, sine i Daudi pansia ka iwawao a rahano i Obe-Edomi, to Gati.

2 Samueli 6:12

Domempauakonomo i Mokole Daudi, kanandio, ”Ondae i Ue rumonsoo somborino i Obe-Edomi ka luwuno anuno hangano Burua-Do Ue Ala.” Ka i'amba mawongko aroano i Daudi lumako umalao Burua-Do Ue Ala inso a rahano i Obe-Edomi wawao i kota Daudi.

2 Samueli 6:16

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao Mokole Daudi melonso-lonso, ka melense-lense i aro-Do i Ue. Onaemo pu'uno ipokongkodeio i Daudi i laro aroano.

1 Mokole 2:10

Ka i'amba i Daudi mate, ka onae kinaburu i kota Daudi.

1 Mokole 3:1

I Salomo gagi ponino i Pirao, mokole i wita Masiri. Ikombiao anano i Pirao ka iwawao i kota Daudi ranta kai umari wanguo langkanaeno ka raha-Do i Ue saru bente lumimbuo Yerusale.

1 Mokole 8:1

I Tempo atuu i mokole Salomo tumena ira luwuno mia memota'u to Isaraeli, luwuno petewawa suku, luwuno petewawa pepe'etuado to Isaraeli, mpepumpu i arodo mokole Salomo i Yerusale, ka domewawao burua pedandia-Do i Ue inso i kota Daudi, onaemo Sioni.

1 Mokole 9:24

Nahi tehine umarino melimba anano i Pirao inso i kota Daudi lumako i raha anu iwanguakonomo i Salomo tiano, i Salomo mowangu mbo'u Milo.

1 Tawarika 11:7

Ka i'amba i Daudi rodo a bente pekorahakoa atuu, onaemo pu'uno mia meneeakono kota Daudi.

2 Tawarika 24:16

Onae kinaburu i kota Daudi i horido luwuno mokole, hangano luwuakoano anu moiko wineweuno i Isaraeli tia-Do Ue Ala ka raha-Do.

2 Tawarika 5:2

I tempo atuu i Salomo tumena ira luwuno mia memota'u i Isaraeli ka luwuno petewawa suku, luwuno petewawa pepe'etuado to Isaraeli mpepumpu i Yerusale ka domewawao Burua pedandia-Do i Ue inso i kota Daudi, onaemo Sioni.

Nehemia 3:15

Pewowa Langkai Mata Uwoi ipokomoikoo i Salumi anano i Kolose anu pabawaio Misipa. Pewowa Langkai atuu iwali wanguo, i'atoo ka ipasao luwuno pewowano saru luwuno pelansoano ka lansono. Ipokomoikoo mbo'u rere watuno limbo popumpua uwoi, umpeda bondedo mokole hawe a luwuno ensa anu montindulu inso i kota Daudi.

Po'unde-unde 132:13

Hangano Dobinikiomo i Ue Sioni, inehe-Do gagi po'ianga-Do,

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 48:12

Po'ineeomo Torukuno Sioni mawongko; po'ineeomo domengkokora-kora mawongko ana beineno Yehuda hangano pobitara-Miu!

Po'unde-unde 48:3

Torukuno-Do anu mempori, anu kontasi-tasi tekosi, onaemo pino'undeakono asa wawontolino; Torukuno Sioni, kana punsuno Torukuno Saponi, onaemo kota-Do Mokole Langkai.

Po'unde-unde 51:18

Hangano Omiu nahi pemoikoo pesomba sinumbele; ba kupesombaakono pesomba tinunu, nahi Ipebeheo.

Po'unde-unde 87:2

Dokekewoiopo i Ue luwuno pewowa langkaino Sioni sekonopo luwuno po'iangano i Yako.

Po'unde-unde 9:11

Kanatuumo anu tumo'orio nee-Miu me'ala-ala Komiu, hangano Omiu nahi bintao mia anu umungke Komiu, oo Ue.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 59:20

Ira hawe gagi Puu Pontolosi tiano Sioni ka tiado inuleno i Yako anu ntepidi inso a mpe'ewado, kanandiomo pau-Do i Ue.

Yeremia 21:13

Menteeano, Aku gagi ewaimu, hei omiu anu i lembono, torukuno watu a mantandeano, kanandiomo pau-Do i Ue, hei omiu anu mpotae: Isema anu ta metii umewai kami, isema anu ta mewinso a mpo'iangamami?

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.