2 Samueli 5:6 - Wunta Mempori

⁶ Ondae mokole ka luwuno miado melako i Yerusale, sumapoi ira to Yebusi, palilino wita atuu. Mpotae ira ndi Daudi, ”Omue nahi kopolio mewinso i ndi'ai! Mia morawu ka mia tiimpa karu ta koa mokosaari komiu!” Pinewowolodo i Daudi nahi ta mokompewinso i ndi'ai.

2 Samueli 5:6 ပူးပေါင်းရင်းမြစ်များ

Tegagia 14:18

I Melekisedeki, mokole i Salemi, mowawa roti ka anggoro; Onae asa mia sando mpesomba-Do Ue Ala Anu Tedoa Mantande.

2 Samueli 22:30

Hangano saru Omiu, mosia aku umaropio mia memosa'o, saru Ondae Ue Alaku, mosia aku mompelonsoki bente.

Powadi 21:22

Mia pande mosongka polio monsapoi kotado sorodadu, ka mobangkuo bente anu pinerorohido.

Yeremia 21:13

Menteeano, Aku gagi ewaimu, hei omiu anu i lembono, torukuno watu a mantandeano, kanandiomo pau-Do i Ue, hei omiu anu mpotae: Isema anu ta metii umewai kami, isema anu ta mewinso a mpo'iangamami?

Yeremia 37:10

Maupo ande-andeno imenangi ira luwu sorodadudo to Kasidimi anu umari mpeteaa komiu atuu, ka i'olodo butu tebinta mia anu mapari mobelado, asalakono singge mia ira mpewangu a ngkemano ka meropuo kota andio.”

IBARANI 7:1

Hangano i Melekisede onaemo mokole i Salemi ka sando mpesomba-Do Ue Ala Anu Lalu i Wawono; onae lumako tumotowoo i Burahima tempono ipekule i Burahima inso numangi ira mokole, ka rumonsoo.

Yosua 10:3

Onaemo i Adoni-Sede mokole i Yerusale montena mia lako ndi Hohami, mokole i Hebero, ndi Pirea mokole Yaramu, ndi Hapia mokole i Lakisi, ndi Debira mokole i Egelo, motae,

Yosua 15:63

Sine mia Yebusi, palili kota Yerusale, nahi dopokosaari ira inuleno i Yehuda. Gaagi to Yebusi atuu da mpo'ia mpe'asaako ira inuleno i Yehuda i Yerusale ranta kanandio.

Yosua 18:28

Sela, Elepa, ka Yebusi, onaemo Yerusale, Gibea ka Kiriati-Yeari; hopulu ka opaa kota saru luwuno inia. Onaemo pusakado inuleno i Benami montonda pepe'etuado.

Puu Mpobitara 1:21

Sine to Yebusi palili kota Yerusale, nahi dosaari ira inuleno i Benami, gaagi mia Yebu atuu da mpo'ia mpesaloako ira inuleno i Benami i Yerusale ranta kanandio.

Puu Mpobitara 1:8

Umari atuu inuleno i Yehuda mpe'iwaliako ira to Yerusale, dompoko'alao ka donangiako ira mata mponai ka domesongkoo kota atuu.